الرز الحساوي اقلطو حياكم
 

كيفكم شخباركم شعلومكم والله اشتقت لكم كثير مادري تذكروني ولا
المهم جايبه لكم رز حساوي حاتاكلو اصابعكم معاه

نشوف الصور بعدين الطريقه


http://store3.up-00.com/Jun11/9wX50833.jpg





http://store3.up-00.com/Jun11/oVV50942.jpg

هذا الله يسلمكم كان عباره عن رز حساوي ومشهوره فيه منطقه تسمى الاحساء بالسعوديه
وشوربة عدس وتبوله وسلطه اخرى من خربشاتي


الرز الحساوي
ثلاث كاسات كبيره رز حساوي وهو لونه احمر

سبع الى ثمان بصلات مقطعه مكعبات
ست حبات طماط
اصبعين زبده
والي مايحب الزبده كثير اصبع وشوي زيت تقريبا ربع كاس او نص

بهارات مشكله وفلفل اسود وليمون اسود مطحون
دجاجتين
ملح وماجي بالخضار اربع مكعبات
والملح يكون خشن


الطريقه

نحمي الزبده والزيت وبعدين نضع كمية البصل كلها الا كميه قليله نشيلها على جنب

بعد مايذبل البصل ويصير لونه ذهبي نضع الطماط ويكون مطحون ونقلب ونضع الملح تقريبا ملعقتين كبار والماجي والبهار والومي والفلفل ونقلبهم

طبعا الي يحبه بصلصل يحط تقريبا اربع ملاعق كبار معجون الطماط وناس كثيره تستغني عنه انا حطيت صلصل

ثم نضع الدجاج ونخليه الى ان ينضج تقريبا ساعه
ثم نشيل الدجاج ونضعه بطابق ونصب عليه قليل من الزيت للتحمير وندخله الفرن من اعلى
نجي للرز نضعه في ماء الدجاج بالقدر وتكون كميةالماء زائده بكثير عن الرز لانه ياخذ ماي كثير
طبعا للي يحبه لين اما النثري فالماء قليل انا اسويه لين
العيله تحبه جذي لما يبدا ينشف الماء
خففي النار وخليها هادئه وقصدري القدر وخليه لين ينضج تقريبا نصف ساعه
وبيطله شكله جذي وطعمه لذيييييييييييييييييييييذ


ملاحظه بامكانكم زياده الملح انا طبخي مو بمقادير مقاديري بمزاجي
وهني وعافيه على قلوبكم

الله يعافيج على هالمرور اللطيف حبيبه

يعطيج العافيه غاليتي
ربي يحميج

يعافيكم ربي
فنون وفاتي تسلمون للمرور حبيباتي

يسلمك ربي نرجس
شكرا للمرور

بنت الغريب... وصفه رائعه وشهيه... جداً .. جداً...

بس ياترى من وين راح يجيبون الرز الحساوي..

وهو بس في الحسااااا ... نسيتي؟؟

اموووووت فيه.. مع اللحمه اشهى