|
العباس شاعرا لشاعر ميثم الرماحي
العباس شاعرا امس حيدر علي والكمر عباس رسموا عالنهر صورة فريدة كتب ومضة شعر حيدر عالحسين واجه العباس سواهه قصيدة وعلى بحر الوفه وزنهه عباس حتى بكل زمن تبقه جديدة المنصه العلكمي وزينب الجمهور والشاعر بطل ديوانه ايده رسم نهر الفرات بصفه عباس بلا عباس زينب ماتريده ورسم لسكينه جربه محمله بماي طاح حزامهه وشدهه بوريده ولان يدري العطش ذبلهه وتنوح كام البيت كلساعه يعيده زحاف ابشعره كالوا بين الابيات مايدرون ذني اجفوف ايده وداهن زحف لخيام الحسين عضيد ورايد يودع عضيده ووده بايد زينب رايه للشام رساله تحذر الكوم العنيده بريد المصطفى حيدر علي جان وكمر هاشم صفت زينب بريده كالت ما اعوف الكمر هيهات مثل اعناد اخوي اني عنيده لذالك وده راسه اول الروس حتى لا يشوفوها وحيده كالوله اعد بس صرخ ما عيد وعلي لو عايد العالم يبيده لان مسلم لكاه بالصدر مذبوح ولهسه بالعجز تنطر حميده بقلم ميثم الرماحي |
شيخ حميد السلام عليكم قصيدة رائعة وسلمت على هذا الاختيار الجميل وتحياتي الى شاعرها الاستاذ ميثم الرماحي ... وبودنا لو تختار لنا من قصائد حيدر الرماحي مع تحياتي |
الشكر الجزيل للاستاذ الاديب احمد ال مسيلم |
الشكر الجزيل للاستاذ الاديب احمد ال مسيلم
|
حياك الله يا ميثم يا شاعر يا موفق
|
عندما تتفايض العيون بدموع الادب
نقف اجلالا واحتراما لما سطره قلم الرماحي ووافر الامتنان لشيخنا الرائع |
ابو ياسرالكعبي عطرتنا يبن العم بمرورك الكريم |
احسنت بارك الله فيك
|
الاخت لبيك داعي الله عطرة صفحتي بمروركم الكريم وفقك الله لكل خير |
| الشبكة: أحد مواقع المجموعة الشيعية للإعلام الساعة الآن: 03:34 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025