بسم الله الرحمن الرحيم
اللهم صل على محمد وآل محمد وعجل فرجهم

حنين زينب على أمّها
ــــــــــــــــــــــــــــــــــــــــــــــــــ ــــــ
صوت الضلع يحسين صَوّب دليلي == دمعي صُبَر بالعين مهمومه ويلي
ــــــــــــــــــــــــــــــــــــــــــــــ
زينب تصيح إبصوت مجرم عُصَرْها == أمّي العزيزه اليوم جهلوا قَدُرْها
دمعي نزل من شاف مأتم صدُرْها == ظلمه ملتْ هالكون وإنهدم حيلي
ــــــــ
ظلمه ملتْ هالكون من عصرة الباب == وإبنص سمانه لاح قلب النبي إو ذاب
وإنحز وريد الدين ينزف غده إنصاب == زينب أنَــــه إو ظلّيت سهرانه ليلي
ــــــــ
زينب أنَـــــه إو ظلّيت وحدي يتيمه == نورج جفانه إو راح والله هضيمه
يايُمّه يم إحسين إنتِ العليمه == بمصابي يَلْ بالطيف رسمج يجيلي
ــــــــــ
لمصابي يَلْ بالروح نارج سريّه == أبقَه أوِن للدوم صبح إو مسيّه
ليلي يظل مهموم يبجي عليّه == طلعة إمام الغاب تشفي غليلي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
مع تحيات شاعر اهل البيت / جابر النجفي
إسمعوا طور القصيده بصوت خادم الزهراء عليها السلام
على الرابط التالي
http://www.wlidk.net/dldesx82853.mp3.html