منتديات أنا شيعـي العالمية - قصيده(لميلاد زينب الحوراء(ع))

الليله انهني فخر الكائنات ** اميلاد زينب ونسل الطاهرات
واول طاهره تناديه ياجدي ** وعلامات الفرح بعيونه امبينات
والصبح هلت انواره للناس ** كبل وكته وصارت علامات
لان بيه زينب انولدت ** وصارت فخر وام الزينبيات
واتربت ما بين جدهه وابوهه ** وصارت فخر لام المصيبات
وصارت ظل للحسن وحسين ** وخت مانكدر نوصفهه بالجلمات
واللسان يوكف لو راد يوصفهه ** وجلماته اتضيع وتصير امطشرات
وما الوم اللسان من يصير عاجز ** لان نورهه من نور الكريمات
وحته القلم صار عاجز ** وما يكدر بعد يوصفه بالجلمات
حقه وما الومه القلم ** ومهدهه اتهزه من الجنه حوريات
والقلم مايكدر ايعد احروف اسمه ** ويوكف اجلال كدام الاربعات
وبكل حرف موجوده صفه ** وابطال ماتحمل هاي الصفات
وكل هاي الصفات لحسين بانت ** وبجت بيهن ارض الغاضريات
وومحد شاف ظل زينب يوم ** ولا سمع حته الكون منه جلمات
والناس ماتعرف عد علي زينب ** من كثر عفته وهيه ام العفيفات
وجدهه من فارك هاي الحياة ** من كثرالحزن سالت الدمعات
وبعد فقدت امه البتول ** وزادت احزانه وزادت الحسرات
وبعد فتره انولد عباس الكمر ** وصار ظل لزينب ابو الكلفات
وبعد ماطابت اجروحه وفاركه الوصي ** وردت من جديد تهمل الدمعات
اخ منك يازمن ليش ماترحم ** وما فرحته حته ولو لحظات
وصلت مر وحنظل عليهه ** وحته ساعاتك صارت طويلات
وبعد فاركه اخوه الحسن ** وبفراكه انصابت لزينب الجبدات
وصابو نعش الحسن بسهام ** وما رضوا يندفن يم فخر الكائنات
معقوله ياناس هاذه الحجي ** بس امنين اجيب حيدر الصولات
جاخله الجثث فوك الكاع امطشره ** وخله ابكل بيت ظالم ناعيات
واتعنه لكربله حسين بعياله ** وبخت عباس طلعت فخر العقيلات
وبعيونه شافت مصايب كربله ** ومن كثر الالم لطمت عله الوجنات
ومن فاركه غباس الكمر ** وكفت يمه وشمت الوجنات
ومن ظل حسين بالطف وحيد ** كامت اتشوف الطف ظلامات
ومن فاركه حسين الشهم ** صارت اداري من بعده امخدرات
ـــــــــــــــــــــــــــــــــــــــ
بقلمي خادم اهل البيت(ع)
(عبدالله الشاعر)