منتديات أنا شيعـي العالمية - الى المولى علي بن ابي طالب

بسمه تعالى
قصيده الى المولى علي ابن ابي طالب ع
بقلم الشاعر
سيف صلاح عوده الحلفي

مفهوم الخلافه للخليفه ايصير
خليفا مو مخالف يخلف بأمره

وغدا ترفع الجلسه ويحكم الغلطان
ويعدمون الوكع والي حفر حفره

قضيه بلا محامي وهيئة التحليف
يرأسها الرسول وباقي العتره

حيدر مدعي والمتهم معروف
وينادون الشهود وتدخل الزهره

ويجي المجني عليه امصور الأحداث
صور من السقيفه الناس مأتمره

واسلاح الجريمه وحجة الغياب
كلهن دونتهن زينب الحره

كلها اهناك تشهد ما عدا العباس
ما يكدر يأشر جفه منبتره

ويتحاشه القضيه لخاطر الاسلام
بيها اهواي اسامي الخانت العشره

درو بس الولي مسك الختام ايصير اذا يقرأ النهج محد وراه يقره

وقره اروع قصيده وثبت الاسلام
وختام المهرجان ابظربة الطبره

حيدر ابو الفظل ويشيل ذو الفقار
عينه علفقار وقلبه علفقره

على قبل الحروب اتودعه الزهراء
ومايلبس درع بس شبكة الزهره

علي بنص الحرب باليمنى جان ايصول
وماعون اليتامه ايشيله باليسرى

برموده المثلث بأيده مو فقار
يعبر علركب (الرقب)بس محد ايعبره

جذر تكعيبي خله ابراس ذو الفقار
اشما برزوا الف يبقون بس عشره

يلم الموت بأيده ايقدمه للكفار
ويقدم زهره بأيده لفاطمه الزهره

فلز ولا فلز فقاره والعدوان
اواصر كونوا واكتملت الدوره

بحيث اشما كسب آيون بالصولات
بالناتج ركبهم (رقبهم) تفقد الذره

إلا تبا لقوم اضمروا الأحقاد
نحبك ياعلي و والينه بالفطره

ابتخطيط القلب نكتب علي الكرار
ابكريات الدمه البيضه والحمره

يرجع للحمامه السكنت ع لغار
نسب كل الحمام الساكن الحضره

رسول الله خاتم من ذهب للدين
خاتم من ذهب بس حيدر الشذره

والسلاااام

تحياتي
ضي الحجه