|
مسابقة المحاورة بالدارمي
السلام عليكم اخوتي الكرام اود ان اطرح لكم فكرة المحاورة بالدارمي كل يعضو يكتب بيت من الدارمي ويكون الرد من العضو الذي بعده سوى كان العضو من يكتب او احد الشعراء وياحبذا يكتب اسم الشاعر الذي كتب الرد للحفاظ على حقوق الشاعر بارك الله بكم سابدأ بهذا الدارمي أسأل واريد أجواب شيسوي عباس لو كبله طاح حسين و أيشوفة ينداس كاتب الدارمي هو الشاعر القدير السيد عدنان الحمامي |
وهذا جوابي بالدارمي ـــــــــــــــ عدوان الاجت لحسين مد بعده مد بس عضيد حسين واكف عله الحد ـــــــــــــــــــــــــــــ بقلمي خادم اهل البيت(ع) (عبدالله الشاعر) |
لو شاف اخوه حسين بالحومه ينداس يــوم القـيـامـه بـزود جا سوه عـبـاس رياض الرسل |
لوباقي للعباس جف واحد وشوف جاجاب النهر لحسين بجروفه مجتوف |
لو باقي للعـباس جـف واحـد وبس جا سوه كل الجيش بصبعه محبس رياض الرسل |
لو حاضر العباس بجتلة عضيده جان السمه اعله الكاع يكلبه بيده |
لو كان عباس موجود وماطاحت الرايه والجود
جان سلم حسين وانفنت كل هالقوم من الوجود |
لوباقي للعباس بس اصبع بجفه جاكل الحارب حسين بصبع يلفه ـــــــــــــــــــــــــ بقلمي خادم اهل البيت (ع) عبدالله الشاعر |
لكم هذا الدارمي واعتذر لمن يقرأه
لوباقي للعباس جف واحد وعين جل خله ملك الموت يركع للحسين |
صح ماعنده جفين بس عنده زندين بيهن جاب الحارب حسين ومجتفه مرتين ****** صح ماعنده جفين بس عنده عينين بيهن جاب الحارب حسين ومجتفه مرتين ****** صح ماعنده جفين بس عنده رمشين بيهن جاب الحارب حسين ومجتفه مرتين ****** صح ماظلت اجفوف بس ظلت ارموش بيهن حارب للحسين وصد الجيوش ****** صح ماظلت اجفوف بس ظلت اعيون بيهن جاب العدو لحسين وحاله مهيون ــــــــــــــــــــــــــــــــــــ بقلمي خادم اهل البيت (ع) (عبدالله الشاعر) |
| الشبكة: أحد مواقع المجموعة الشيعية للإعلام الساعة الآن: 02:33 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025