منتديات أنا شيعـي العالمية - قصيده( هايه مو زينب اتون بالمشرعه )

هايه مو زينب اتون بالمشرعه *** هايه كل السمه تصرخ حيدره
ـ ـ ـ ـ ـ ـ ـ ـ ـ ـ ـ ـ ـ ـ ـ ـ
هايه زينب اتون يم الجفيل
هاذه مو وكت النوم اكعد ياجفيل
واليوم يومك عباس الاصيل
وكوم وياي لتخليني امجره
هايه مو زينب اتون بالمشرعه *** هايه كل السمه تصرخ حيدره
******
يختي اسمع والدمع هيال
وتدرين يختي ماهاب الابطال
وكوم العده ماتصمد محال
والاجل محتوم وارجو المعذره
هايه مو زينب اتون بالمشرعه*** هايه كل السمه تصرخ حيدره
******
عذبتي روحي يختي ابنوحج
واجفوفي تصد واتباوع اجروحج
وين الجفوف البيه زودج
وهاي الجفوف ودمي اعلثره
هايه مو زينب اتون بالمشرعه*** هايه كل السمه تصرخ حيدره
******
عباس انهض ورد الجفوف
وشيمتك ماترضه اظل ابخوف
وصار ظلمه وادي الطفوف
وكوم وياي ياسبع الكنطره
هايه مو زينب اتون بالمشرعه*** هايه كل السمه تصرخ حيدره
******
يختي كفي الحجي وصيحي الحسين
وتدرين بحسين كرة العين
واريده يحضر يمي بالحين
وكله هاي الجفوف شوف امطشره
هايه مو زينب اتون بالمشرعه*** هايه كل السمه تصرخ حيدره
******
يختي من بعدي احسين الجفيل
مايحتاج اوصي ابن الاصيل
وتدرين بحسين هو الوكيل
ويم ابو السجاد انتي امخدره
هايه مو زينب اتون بالمشرعه*** هايه كل السمه تصرخ حيدره
******
اجه احسين مثل الليث يهدر
ودمعه عل الوجنات ينثر
وحرام الزمن بيك عباس يغدر
واموري بعدك عباس امحيره
هايه مو زينب اتون بالمشرعه*** هايه كل السمه تصرخ حيدره
******
يحسين اريد ابحضنك انام
وما نطق بيه اللسان طول الايام
ومجبور يحسين ياخويه الهيام
وكلمة احسين عزيزه وارجو المغفره
هايه مو زينب اتون بالمشرعه*** هايه كل السمه تصرخ حيدره
******
عباس اشتحجي وانتَ الاصول
واسمك بالميدان وحده يصول
وحماي الضعن وفحل الفحول
وانتَ عباس وصولاتك زمجره
هايه مو زينب اتون بالمشرعه*** هايه كل السمه تصرخ حيدره
******
احسين مااوصيك ابزينب الزهره
وتدري زينب عندي دره
واغله من اجفوفي بت الحره
وارجوك لاتنسه الوصيه اختي اموقره
هايه مو زينب اتون بالمشرعه*** هايه كل السمه تصرخ حيدره
******
يحسين ادري تبقه وحيد
لاعباس يمك بس انتَ بالبيد
وادري بيك حيدر الصنديد
لوحان الاجل يحسين يحضر حيدره
هايه مو زينب اتون بالمشرعه*** هايه كل السمه تصرخ حيدره
ــــــــــــــــــــــــــ
بقلمي خادم اهل البيت (ع)
(عبدالله الشاعر)