|
من كربلاء الى فلسطين .. و مسلم ابن عقيل حامل الرايه
الى كل الاحرار المنصفين .. اهدي هذه الابيات من صميم كربلاء الفداء .. التي كانت و مازالت و ستبقى ..منهل الثوار ضد الظلم و الجبروت اسأل الله ان يتقبلها منا بقبولٍ حسن بحق باب الحوائج مُسلم ابن عقيل عليه السلام زكي الياسري النجفي 09/12/2010 حيدر لو مسلم هلفارس .. حيدر لو مسلم الوادم صاحت بالكوفه .. حيدر لو مسلم شمرة حيدر حامي الجار ... نفس الساعد و البتار ... حيدر لو مسلم *1* جهابيذ الشجاعه اهواي ما تحصيهه عداده و اشكال البطوله اهواي بيهه املون وساده و لا شك سادة الشجعان حيدر هوه وولاده و الينشد عن الابطال بيهم حصل امراده اسمع يالفاهم و الدارس ....... اسمع يالفاهم من عدهم مسلم تعليمه ........ اسمع يالفاهم مسلم تلميذ الكرار ... نفس الساعد و البتار ... حيدر لو مسلم *2* وطن واحد وطن حيدر .. لا لا ما يصير اثنين وطن حيدر علي القرآن .. بآياته اصول الدين وطن واحد شعب واحد من كربله لفلسطين لكن كَوم ابو سفيان .. ما لاكَلهه هلتــضمين اسس حيدر هاي الفكره .......... و عَلاّهه احسينه رايه امنيد الضيغم حيدر ............. عَلاّهه احسينه و مسلم حامل هلأفكار ... نفس الساعد و البتار ... حيدر لو مسلم *3* فلسطين النه يا هلناس ... لا لا ما يحررهه غير التلتزم بحسين ... و افكاره تِكررهه يزيد اتجسد بصهيون .. شوف الفكره جوهرهه نفس الغايه نفس الدور ... نفس الخطه يضمرهه يمحون اسم احمد منواهم ... و الناتج واحد ذاك ابسيف و هذا ابراجم ... و الناتج واحد لكن بالكوفه الاسرار .... نفس الساعد و البتار .... مسلم لو حيدر *4* سفير احسين للكوفه خيرة هاشم و عدنان شهاده من ابو اليمه و ما حصلهه كل انسان الكم ابعث العينه ... سمعوا يا اهل كوفان ابن عمي عقيل اويا .. كتبكم و الوفه (والوعد) هلحان و اطيعونه شما كَاللكم .......... يا اهل الكوفه لتخذلونه و ما يخذلكم .......... يا اهل الكوفه هذا الصنديد المغوار .... نفس الساعد و البتار ... مسلم لو حيدر *5* وصل مسلم ارض كوفان ... حضرت بايعتله الناس موكب يـــِتـِّبع موكب .. مشهد يخطف الانفاس لاجن حيلة الغاشم ... كَلبت نية الارجاس بالدينار و الدرهم ... باعوه الدرع و الطاس الاف المدتله المسلم .... جفين البيعه نفس الآف الكطعتله .... جفين البيعه كَطعت راسه و صار الصار ... نفس الساعد و البتار ... مسلم لو حيدر *6* عبيد الدنيه هاي الناس .. صح المثل و الكَاله لهب نار الدراهم شب .. وكل باغي تعناله الكوفه بغدرة الاحرار .. صارت مضرب امثاله نفس الكوفه هذا اليوم ... نفس الامه و الحاله يا ناس انريد انحرركم ... من جور الضالم واحد مطلبنه و مطلبكم ... من جور الضالم منهجنه ابدرب الثوار ... نفس الساعد و البتار ... مسلم لو حيدر تمت بحمد الله في 9/12/2010 كيل زكي الياسري النجفي |
السلام عليكم السيد الجليل زكي الياسري بارك الله فيك وبورك مدادك الحسيني تقبل الله واثابكم الله بجزيل الثواب لك من القلب مودتي اخوكم ابو مهدي |
موفقين
وتحياتي لكم على جهودكم بارك الله فيكم |
ابيآت تنزف حزناً وألماً.. بارك الله فيك آخي زكي الياسري دمت على خطى محمد وآل محمد مأجورين ومثآبين |
وطن واحد وطن حيدر .. لا لا ما يصير اثنين وطن حيدر علي القرآن .. بآياته اصول الدين وطن واحد شعب واحد من كربله لفلسطين لكن كَوم ابو سفيان .. ما لاكَلهه هلتــضمين اسس حيدر هاي الفكره .......... و عَلاّهه احسينه رايه امنيد الضيغم حيدر ............. عَلاّهه احسينه و مسلم حامل هلأفكار ... نفس الساعد و البتار ... حيدر لو مسلم ابيات تجري عبراتها حزنا ووفاءً مبدئياً ’’’ بارك الله فيكم سيد زكي أجركم على صاحب المصيبة’’’ والسلام على الحسين وآل الحسين ’’’ سلام الله على سفير الحسين ’’’ |
حيا الله الافاضل النجباء الكرام الذين عطروا صفحتي المتواضعه بهذا الاطراء العالي المقام .. اراني خجلاً امام هذا الاطراء الذي لا اجد رداً عليه الا الدعاء لكم بالتوفيق و السداد في درب الحسين الشهيد عليه السلام |
اجاد احسنتم وجزيتم خيرا
ابيات ولائيه جعلت في ميزان حسناتك واثابك الباري ورعاك ماجورين وموفقين لخدمة الحسين عليه السلام |
سلمت الانامل على ماخطت
واهدي اليك هذا الدارمي ياصديقي زكي ******* اينام ويعرف النوم الظالم اشمكَواه كل دكَه كَلبي ايريد من عندي حسيناه ******* |
ابيات تصطرخ حزنا
وكأنما الروح تنطق وتندب ذالك الشهبذ المرمي بجثته من اعالي القصر ! هوى قمرا في كبد الارض , بوركت يمينك سيدي الموقر وعظم الله لك الاجر . تحايا عطرة . |
طيب الله انفاسك موفق موفق |
| الشبكة: أحد مواقع المجموعة الشيعية للإعلام الساعة الآن: 01:16 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025