|
قصيدة(رئيس الفقراء)- علي الملا الخزاعي
قصيدة(رئيس الفقراء)- علي الملا الخزاعي كل سلطان ضده اتصير الكلوب وعلي سلطان بي مجنونه الكلوب قائد تحت امره الدنيه والناس الشمس رجعهه مافك حلكه الغروب علي الماعاف ثوبه ايعوفنه اشلون امس ركع الثوب الخاطر الثوب رئيس وجيبه خالي اشلونك ابهاي وموبس هاي حيدر شال الجيوب علي ابرقة دمع عين المراجيح ترف بس بالمقابل قالع البوب علي ابكد ماترف حاقد على النار اشلون اتجوي بخدود التنانير قالع باب خيبر بس ترف حيل الفراشه اعله جتفه اتنام وتطير البلابل من يسولف تصفن اعليه وعلي اول واحد اتحبه العصافير علي الماي اليشرب الماي للماي وعلي الماي الترس حلك النواعير علي اعكال وحجاب وعفه واخلاق علي ادري اهواي وشويه التعابير علي العاشر الفقره ورافك العوز ولحد مامات صاحب خبز الشعير علي الطلك الدنيه وشاهدي اوياي لهسه اتبوس ابرجله الدنانير علي الفرحه البقت بعيون الايام وردت روح لوجوه التصاوير علي ايقدس الدم ويكره الثار مثل مايوسف اشكد يكره البير امس موهوه حارب همه جبروا علي ضد العنف ويموت عالخير يطب للمعركه ويوزع ادروس وعلى الشردوا علي ايوزع تحاضير شعار ايردده لليوم ابوحسين يموت السيف ويعيش الطباشير |
كلمات معبره عن حبنا لامير المؤمنين
وفقكم الله تقبل مروري |
احسنتم اخي وجزيتم خير طرح راقي وكلمات معبره بحق
سددكم الباري لكل خير ودمت بحب امير النحل موفقين وماجورين |
بالتوفيق ان شاء الله جمال يحضن الجمال لتتوج كلمات مسلم جميل جبر بالابداع دمت مبدعا .. تحيتي وسلامي
|
تسلم اناملك يا مسلم واثابك الله الجنه
اخوك الصغير عبدالله الشاعر |
احسنتم اخي
قصيدة زخرت بعشق علي وامطرت وابلا من الروعة والجمال . بوركتم اخي وتقبلوا اخلص تحياتي واعطرها . |
سيدي العزيز ياحامل المسك الذي تضوع بحب علي بوركت أياديكم الطاهرة لهذا الإنتقاء لاعدمناكم هوذا علّي صلواتُ ربي عليه نعجز عن وصفه فتنكفئ الأقلام إمتناني |
| الشبكة: أحد مواقع المجموعة الشيعية للإعلام الساعة الآن: 05:30 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025