وحول مسألة تقاسم السلطة أكد السامرائي أن هذا الموضوع لم يتم الاتفاق عليه، مشدداً على وجود رغبة حقيقية لدى الائتلاف الوطني بالشراكة ما يؤهل استمرار المفاوضات السريعة لحسم هذا الموضوع الذي من المقرر ان يتم خلال الفترة القليلة المقبلة، بحسب قوله.//

بداية نشكر جميع الاخوان بس اللي احب اوضحه ان اني نقلت الخبر حتى نستفهم من بعض الاخوان عن مقبولية عبد المهدي عند باقي الاوساط السياسيه شلون هذا ؟؟؟

يعني شنو هاي تحجي وحدها لو الخبر جذب لو اني ما اعرف شنو السالفه ؟؟؟!!

وبالنسبة للاخ زمن النسيان اني رايي ان احنه نختار الناس اللي يبنون البلد مو على اساس طائفي ولا عرقي عدما تروح للانتخاب خلي امام عينك مصلحة العراق كله من الشمال للجنوب يعني مو هذوله سنه خلي يولون ولا هذوله علمانيين كفره ولا اي شي يعني مو من الواجب ان يكون رئيس الوزراء شيعي او من القوائم الشيعيه الواجب ان يكون رجل وطني يخدم مصالح الشعب يعني مو شخص مدري كم تهمه عليه لحد الان مطمطميها مدري كم مصرف فلوسهن برقابهم وهسه يريدون يحكمون العراق وباسم الدين وتحت غطاء الاحزاب الدينيه

خلونه نلتفت لارواحنه ولا يغروكم باسم المذهب ترى احنه ناس موجوعين ونريد نعيش واذا بقينا نهتف بهاي الهتافات راح نبقى هيج للدوم


اكرر شكري

دعمت العلاويه وأن لم تدعم
لا أعتقد أن الكتل البرلمانيه بحاجه إليها وياليتها لم تدعم فلا يشرف أي سياسي أن تدعمهُ تلك القائمه اللعينه
البغدادي

المشاركة الأصلية كتبت بواسطة al-baghdady (المشاركة 1226690) دعمت العلاويه وأن لم تدعم لا أعتقد أن الكتل البرلمانيه بحاجه إليها وياليتها لم تدعم فلا يشرف أي سياسي أن تدعمهُ تلك القائمه اللعينه البغدادي

طيب واذا ساسة الشيعة ما فاقوا من سباتهم وظلوا على هاي النومه اللي هسه جاي نعيشهه شنو الحل برايك نبقى نركض وراهم والبلد مدمر لو نمشي وراهم وهم يبوكون ويوصوصون واحنه كاتلنه الجوع ؟؟؟؟

أكرر شكري عزيزي