|
مساجلة التجليبة في مصائب زينب الغريبة
كثيرة هي المصائب التي المّة بقلب الحوراء زينب عليها السلام فلنستذكر بعض منها على نمط التجليبة لكي نُكتب من المواسين انشاء الله . تكون المساجلة بذكر مقطع على وزن التجليبة يرتبط بالمستهل الأول بالقافية والوزن ومن الله التسديد. اجلبنك يليـــلي ابكل ربع ساعة ***من شفت الحسين أمكسرة أضلاعة اجلبنك يليلي اومثـــــــــــلك أنهاري وأخلي من الجفن سيل الدمع جاري لأن شفت الحسين أموسد الذاري وسيوف الأعادي النحره كَطّاعه اجلبنك يليـــلي ابكل ربع ساعة ***من شفت الحسين أمكسرة أضلاعة |
الله الله يا مازن لقد اعدت علينا ذكريات جميله طالما جمعتنا بين سطور القوافي و ها انت تعيد الزمن لنجتمع هذه المره ثانياً ولكن بين طيات الدموع في رحاب الحسين عليه السلام سجل اسمي في المساجله يا غالي مع تمنياتي ان يشاركنا فيها كل الشعراء اجلبنّك يليلي و بالكَلب حسره .. على الّي هشموا في كربلا صدره على الي كَطعوا ابسيف الغدر نحره .. على الدينه بهوى دنياه ما باعه اجلبنك يليلي ابكل ربع ساعه |
اجلبنك يليلي وبالكلب ونه واعد جروح عمري اليشفه ما اظنه اصور بيش منحر سيد الجنه يا صورة حزن تتحمل اوضاعه اجلبنك يليلي ابكل ربع ساعه صديقي الغالي مازن مازلت تتحفنا بافكار واشعار رائعة كما انت بوركت وجعلها في ميزان اعمالك وتحية اخويه طيبة لمولاي العزيز المبدع زكي الياسري |
اقتباس:
كما أني سجلت أسمك في حشاشة قلبي ولبّي مرحباً بك مساجلاً بارع. اجلبنك يليلي أبــــطور تجليبه حسين النايبات ابفرج تجلي به أجلب بالجروح اوكلف تجليبه أشدن ياجرح واجروحه نباعه اجلبنك يليـــلي ابكل ربع ساعة **من شفت الحسين أمكسرة أضلاعة |
اقتباس:
ادامك الله من يراعٍ متألق . اجلبنك يليلي عللـــنهر ظل جود يبــجي عللجفوف الما حوتها ازنود لشيلن بيد جفه اوليها ارده اردود والجف الكفالة أتوسل أرجاعه اجلبنك يليـــلي ابكل ربع ساعة **من شفت الحسين أمكسرة أضلاعة |
اجلبنك يليلي ابوحشة الايتام ابستر النار ظلت ماكو عدها اخيام ادري يتيه صبرك بين هالالام كلف هم الطفوف اشيحمل اوجاعه اجلبنك يليـــلي ابكل ربع ساعة |
كلف هم الطــــــفوف اشلون اشيلنه على اجتاف الصبر و الآهه و الونه يخويه احسين تذكر خــويه من جنه يضمنه المرتضــــــــــــه الكرار بذراعه اجلبنك يليـــلي ابـــــــــكل ربع ساعة اللهم ثبتنا على هذا الوصـــــل يا رب تحياتي لكم يا درر |
بذراعه يلمـــــنه اويا حلاة العيش هسه انته طريح ابين هذا الجيش من أجيت الكربلة رديت خويه ابيش رجعت ابنار كَلبي البقت لذاعه والله والنعم منكم يلي نصرتوا زينب على راسي.. |
اللهم صل على محمد وال محمد وعجل فرجهم وفرجنا بهم السلام عليكِ ياحفيدة النبي.. وابنة الوصي.. وبضعة سيدة النساء.. وبطلة كربلاء..أخت الحسن والحسين..السلام عليكِ ايتها الصابره المجاهده في ساحات النزال والناهضه بالأعباء الثقال،السلام عليكِ ياهدف النوائب ومرمى المصائب،السلام عليكِ ايتها المتحيره في خرابة الشام،السلام عليكِ ايتها المتحيره في وقوفكِ على جسد سيد الشهداء وخاطبت جدها بهذا النداء"صلى عليك ملائكة السماء هذا حسين بالعراء مسلوب العمامه والرداء وبناتك سبايا والى الله المشتكى".. زينب ..وما أدراك ما زينب..رزقنا الله واياكم في الدنيا زيارتهم في الأخره شفاعتهم .. (الشطري .. العتابي .. الياسري) لله دركم من مبدعين باسقين الألق ماجدتم به هنا قد أشجاني حروف كالماء الرقراق فكلماتكم باذخة الألفاظ ذات قافية رنانة جزاكم المولى خير الجزاء لكم من الشكر والتقدير ماأعجز عن وصفه موفقين لكل خير دمتم بولاء الأطهار ... |
اقتباس:
لذاعة و جـــوتني بجمرة الفركَه وخلــَّت بالجوانح تعتلكَـ حركَه سبيه ابمغرب العالم علي و شركَه ما مش يا بئس هلزمن و طباعه اجلبنَّك يليلي ابكل ربع ساعه تحياتي للافاضل النجباء و خالص دعواتي الى صاحبة الفضل الاول .. والوصل الدائم نسايم مروركِ عطر الصفحات واطراءكِ انار الحروف رعاكِ المولى تعالى |
اطباعه طبايع ذيب ويّ الشاة ياخذه أبغدر لو حصّل الغفلاة اريد أكعد وتاني ابدرب المسناة وناطر للكَمر يلفيني بأوداعه اجلبنك يليـــلي ابكل ربع ساعة **من شفت الحسين أمكسرة أضلاعة شكراً للياسري المثابر شكراً للعراقي الشاعر شكراً لأختنا المشرفة على طيب المشاعر. |
اناطر واطلب الجفين والرايه واكله اختك وحيده ابلايه حمايه كوم انت الجفيل وحارس الثايه مركب ال هاشم كسروا شراعه اجلبنك يليلي ابكل ربع ساعه |
حياكم الله اختي الكريمة نسايم وطاب تواجدكم العطر هنا وطوبى لكم ايها المبدعين من مواسين ومناصرين لابنة امير المؤمنين وعقيلة الطالبيين الحوراء عليها افضل الصلاة والسلام |
مركبها الرسالة أشراعه المكسور
لعنان السماء أنبــــلج منه النور من طاح الحسين أبكربله منحور رجف وادي الطفوف اوزلزلت كَاعه اجلبنك يليـــلي ابكل ربع ساعة **من شفت الحسين أمكسرة أضلاعة |
تروج الكَاع بيهم و السمه حمره من عباس سيف المرتضى جـرّه عباس الكفلهه الزينب الحــــــره وعون و جعفر و عثمان فزاعه اجلبنك يليلي ابكل ربــــع ساعه يا ام المصائب الشفاعه الشفاعه |
فزاعة الهـــــواشم ماتطخ الراس
لوهجموا الكَاع اتضيكَـ بيها الناس شذكرلك شسولف من برز عباس كتب مجده ابجفوفه الصارت أيراعه أحسنتم من متبارين مميزين الى الأمام في عذب الكلام . |
كتب مجده بدماه و ترسة الجربه صاح الماي حيف اشفافي اتشربه شلون اشرب وخوي ابلوعة الغربه عطشان و وحيد بضيمه اوجــــــاعه اجلبنك يليلي ابكل ربع ســــــــاعه |
صك وجه الفلك من غيضهم غيّم وكام بكربلاء ايدور موج الدم حزام الموت بيهم للعدا اتحزم وضوه شمس المجد بيهم عله اشعاعه اجلبنك يليلي ابكل ربع ساعه عاشت اناملكم الطاهرة اخوتي الاعزاء مازن وسيد زكي وجعل الله تعالى هذا القليل بعين قبوله وقبول مولاتنا الحوراء زينب عليها افضل الصلاة والسلام |
قرار سريع وسري للغايه صادر من الهيئه العليا لعشاق الحسين :oسري و عاجل:o الى مهندس الشعر مازن الشطري و حبيب الحروف احمد العتابي امر فوري بتحويل مسار السفينه بأتجاه ميناء العباس عليه السلام و تحويل قافية المطلع الى .. هله بعباس راعي الجربه و الرايه هله بحامي العقيله و حارس الثايه ضوه شمـــس المجـد منهم اخذ نوره و عباس الشرع اي هوّه ناطوره معذوره السماء اتعشـــــكَه معذوره لوه اذراع الفرات و ماشرب مايه هله بعباس راعي الجربه و الرايه هله بحامي العقيله و حارس الثايه على ان يختار العزيز احمد العراقي المطلع القادم بعد قرب نفاد القافيه اعلاه !! فما رأي فرسان التجليبه ؟:)؟:o؟ |
ما تراه الأدارة تجدنا نتقبل بنهم العشق وتفاعل الصدق بوركتَ سيدنا الأستاذ.
معذوره السمه من تنزل أتبوسه علمها الوفاء أبحومة أدروسه خلينه انتصفح وهج قاموسه كتب بيه التفاني ابهاي الرواية هله بعباس راعي الجربه و الرايه هله بحامي العقيله و حارس الثايه |
مولاي العزيز زكي الياسري احنه بالخدمة وموافقين بالي تشوفه اله جفين بيهن مشرق ومغرب واله غيره تطك بركان من اتشب تروج الكاع بالدم بالعدا امن ايطب من قران حيدر للعزم ايه هله بعباس راعي الجربه و الرايه هله بحامي العقيله و حارس الثايه تحياتي لكم احبتي |
من قرآن حيدر منهجة أتعّلمه
بزغ مثل الكَمر في ليلة الظلمه الفخر لأم البنين الطاهرة أمه أذا عندك حوائج بيها الكفاية هله بعباس راعي الجربه و الرايه هله بحامي العقيله و حارس الثايه حبيبي أحمد مأجور خويه كلماتك تشفي غليلي وكلمات مولانه السيد سكنت دليلي بوركتم نت أخوة. |
ما شاء الله على الابداع هله بديوان جـود المــا يعَرفِ الشـــين هله ابمن ضحّه بجفوفه بسبيل احسين هله بعباس يسـتاهـــــــــــل بيابي العين و يستاهل نـِروح الكَــــــــــــبره مشايه هله بعباس راعي الجربه و الرايه هله بحامي العقيله و حارس الثايه |
هله براعي المراجل والعلم والجود هله بصيوان زينب هله براعي الزود هله ابجف الاباء النبعه ظل مورود عطش زمزم ترّوه ورد حي ابمايه هله بعباس راعي الجربه و الرايه حي الله الغالين مازن وسيد زكي على هذا العطاء الباهر ونعم منكم ومن اقلامكم الطاهرة |
هله براعي المراجل والعلم والجود هله بصيوان زينب هله براعي الزود هله ابجف الاباء النبعه ظل مورود وهله ابنوماس عزم الما سِهه برايه هله بعباس راعي الجــربه و الرايه مولاي العزيز زكي الياسري ارجوا تعديل قفل البيت اعلاه بسبب ععدم الانتباه الى التكرار بالخدمه يا ابو شهاب الورده |
تحدر بالمآثر مـــــــن علي الكرار
حمل روحه ابجفوفه العترة المختار كَطع جفة اليمين أوكتب بيهه أشعار اضوكَـ الماي زحمه أبهاي دنيايه حبيبي أحمد لاتوجد حاجة لأن تعتذر عن جناس فقلمك تتصاغر أمامه طائعةً الكلمات فرزقك الله الطيبات الصالحات . |
اضوك الماي حيف وسكــنه عطشانه وجبد عــبد الله ورده ابحــرهه ذبلانه واخوي احسين يابس بالضمه السانه ارَوّيهُـــم هدف منوايه و الغــــــــــــايه هله ابعــــــباس راعي الجـِـربه و الرايه تحياتي للمبدعين والمتابعين |
مولاي العزيز تسلم للتعديل باركك الله حبيبي الغالي مازن اطرائك كبير على متواضع كتاباتي شكرا جزيلا لك وعد لتعطش بعاشور ارويها واخلي الشط ذليل ايحدر اعليها الوعد جلمة وفه ومطلوب اوفيها وحل اليوم يوكف ما كطع فايه هله ابعــــــباس راعي الجـِـربه و الرايه |
بالخدمه مولاي الحبيب الوعد يم النهـــر تممـــــــته يا هلناس وصرت للخوه يا اهـل الفكر نبراس وي اسم الحســــــين اتخلدت عباس صرت انه الكَـــــمر و حســــين ضوايه هله ابعباس راعي الجـِــــــــربه و الرايه |
ما شاء الله على المبدعين اليوم اني بالمعمل وكَلبي وياكم امنورين ما شاء الله ربي زد وبارك .
هله ابدر الهواشم من لمع فرقد صبح معنه الأخوة اوبيها يتفرد شسولفلك يصاحب علجمع من هد صفت ذيج الجحافل مثل الأنثايه هله ابعباس راعي الجـِــــــــربه و الرايه |
كل فارس و راجـــل ضيع المـــشراد شاف الكَول بيـــهم ما نفـــــع مافاد عليهم صولة الكــــــــرار كـــرّ و عاد سوه ارض الطفوف الحيدر امرايه هله ابعباس راعي الجـِربه و الـــرايه تحياتي يا مبدعين |
مرآة الطـــــــفوف اوتعكس الصورة
من حيدر ابوه انكتب دستوره خطفها أكَلوب خصمه اوبقت مذعورة حي بدر الهواشم من ورث هايه هله ابعباس راعي الجـِربه و الـــرايه |
احبائي المبدعين يبدو أن سفينتنا أختارت مرسى مليء بالتضحيه والأيثار كما كانت مراسيها السابقة لترسو هذه المرة على عتبة باب القاسم أبن الحسن عليه السلام . هله أبعريس هاشم والنعم منه *** خلط دم الشهادة أبطاسة الحنه حي أبن الحسن لمن ترك عرسه وأيواسي الحسين أبمهجته اونفسه عشر أسنين عمرهه اوفوكَهن خمسه قدمهن فــــــــداء السيد الجنه هله أبعريس هاشم والنعم منه |
عاشت الانفاس الولائية الطاهرة والاقلام الفذة وبارك الله بكم اخوتي المبدعين لهذا الابداع الراقي هلا بكتاب ابوه المنذخر للطف هلا ابزود الشهادة الما خفه ولا شف جيش اعداه يشاهد صف يرادف صف طرهم بالعزيمة ولا رجف جفنه هله أبعريس هاشم والنعم منه |
حبيبي أحمد المساجلة قائمة بأبداعكم انت والغالي الياسري فبوركتم من متبارين في أشرف الميادين.
هله ابعريس هاشم صاحب الرفعه برز صوب الجيــــوش اوأمه اتشجعه يأبى أبن الرسول من أنكَطع شسعه يستهزي ابجمــــــــــــــعهم كَال أشدنه هله أبعريس هاشم والنعم منه |
يستهزي ابجمعـهُم و الجمـــع محتار جن فارس خبــــير ابحومة المضمار مو عجبه وابوه الحسن سيفه نار إلهْ بصفين و بيوم الجمــــــــل رنّه هله أبعريس هاشم والنِــــعم منه اللهم ربي يحفظ هذه الاقلام الذهبيه التي عبق حبرها غطى جوانب المنتدى تحياتي لكم اعزائي |
ياعمي أرد انشدك كـَــاله مـبخـوت
شنو أتشوف المنايه لو تريد اتفوت؟ أحلى من الشهد ياعمي طعم الموت من جاوب القاسم أكــــــد الظنه هله أبعريس هاشم والنِــــعم منه الله الله عليكم مأجورين أخواني أكدتو ظني بيكم ايضا. |
هله بجسَّــــــام رمـــله تصيـــــح تانيني ينور العين وحـــــــــدي لا تخـــــليني يكَلهه اشلون اعوف احسين ترديني وصية و الدي يا يمُـــــه انصـــــــــــرنه هله أبعريّــــــــس هاشم والنِــــعم منه وهذا خارج التغطيه تعبيراً عن اعتزازي بكم يا افذاذ التجليبه هله بحبر العتـــابي الما سكـــــت كته وهله بقرطاس مازن ينتحـــب سكته انه الما مل وصــلكم و النبي عشكَته مثل ليل السمر من يعشكَ النجمــــه يرب خليهه تبقه الجَمعه ملتمه :) |
النصرة عمي عودي المجتبى ضمني
وكل جمع الطفوف الحاطه ما همني من زغري أبــــــوي الهاي علمني وتعليم الأبو هيهات اخــلّفـــنه هله أبعريس هاشم والنِــــعم منه باكَــة ورد مـتـوصـفه لمـتـنه سيد زكي من اوربا شد همتنه وأحمد عراقي اوبيه نسد خلتنه لوبالزحف مره ابوزن نتعثر الله على طيب أخلاقك مولاي |
:):)تسلم يا عزيزي الغالي مازن:):) ابياتك جميله جدااااااً ابوي اوصـــــــاني انصر عمي بالحومه و اواسي المرتضى وفاطمه المضلومه يناس الموت لا بد ما يجي ابيــــــــــومه و انه ابكل حين موتي ابكربــــــله اتمنه هله ابعرّيس هاشـــــــــــــم و النعم منه وهذا خارج التغطيه للاحباب يمازن علوصل شحجي وشطري فعل بالروح مالذهه وشط ري عزيز امن الوطن غالي وشطري نسيب الصـافي نسل الهـــــاشميه الزمن لو ينصف ويسمع عِتابي لما جر كَلبي للفــــــــــركَه عَتا بي رماني بحيث ما شـــــوفن عتابي ابو اشهاب العراقي اليشع ضيه تحياتي |
| الشبكة: أحد مواقع المجموعة الشيعية للإعلام الساعة الآن: 02:26 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025