|
المســاجلة الشعبيــة بأبيات الأبوذيات
بســم الله الــرحمن الــرحيم أخواني وأخواتي أعضاء منتدنا الغالـــي السلام عليكم ورحمة الله وبركاته,,,, وبعد: جئت لكم بموضوع قد شاهدته أثناء تصفحي في أحد منتديات وهو بصراحة موضوع شيق ورائع جداً, اسم الموضوع هو " المساجلة الشعبية بأبيات الأبوذيات " ولعل الكثير منكم يعرف أبيات الأبوذيات, فنريد من جنابكم الكريم تبادل هذه الأبيات من الأبوذيات كــل واحد منا بما يحفظ وليس من الضروري أن تكون من تأليف الشخص ولو كانت من تأليف الشخص يكون شئ جميل, المشاركة تكون بــ أبوذية واحدة من كل شخص لكي نستمر في العطاء ويصبح الموضوع شيقاً, وكما أريد المشاركة الفعالة منكم أيها الأعضاء الأعزاء. ولكي يكون الموضوع قد بدا سوف أكون أول المشاركين جمالك أحلى من الـــروح وصفه وبياضك من بياض الثلج واصفه عـلـيمن يـكتب الـدكــتـور وصفه وعيونك والشفايف صيدليه .... أبي واحد شهم يبدا بعدي يلا... أنتظركم |
السلام عليكم ورحمة الله وبركاته
ارجو الاشعار عن ما يكون البيت بقلمك او لغيرك وهذا بيت ابوذيه لك حكايا الورد مساجلة مع ماكتبتي حكايا الكمر سميته وصفلج وأخلي جنود من دونج وصفلج واذا فد يوم دكتورج وصفلج تره وصفت طبيبج روحي هيه بقلمي وارتجالي والان تحيات أبو ظاهر البركي |
وصفلك وصفلكhttp://shiaee.com/vb/images/smilies/014.gif
مثل ترتيب الك ماكو وصفلك فريد بنوعك واحسنك وصفلك مدرس ريت انا بقسمك وصفلك ادرسك بس الك ويولون البقية |
صفاتك
ذهب صافي ابد ماكو بـ صفاتك يجل القلــم لو يكتــب صفاتك هواي تكوك الي بحبك صفاتك اخافن ينكطع وشلون بيه بقلمي وارتجالي والان تحيات ابو ظاهر البركي |
الله الله رائع يا حكايا الورد واتمنى ان يشارك الجميع معنا في هذه المُساجلة عمووووو الأنتظار بَدَعِت والله ماشاء الله عليك طبعاً أنا أشارك بس كوله منقول مو الي ::::: احلوگ الماحچت بالحگ لطه الولي نعم الولي حيدر لطه ابكرم حلمه او بحر علمه لطه الناس اوفاضت بخيره البريه |
يـــبو الـــسـجاد گلي شصار وجره أهــيّــس نــار حـــدر الظـلع وجره يگـــلــها الطفـــل دمـه سال وجره رضـــيــع وفــطــمته سـهام المنيه |
اشكركم على المرور
وان شاء الله يصير تفاعل اكثر واكثر وصح لسانك ياعموو الانتظـــار ---------------------- هلا بريــح الشمــال الجانــي ..... منهم أحبــاب وما قـطعنـــا اليـاس ..... منهم كـذب يــاللـي تقــول نجــوز ..... منهـم نظل نذكرهم كل صباح وكل مسيه |
اقتباس:
ام جعفر جربي جدا سهله الابوذيه وهذا الرد على بيتك حلك الساكت عللحك لطيته وسجل غفران عدوانك لطيته يكرار الطلب روحي لطيته اذا اشعر صدك حب الزجيه بقلمي وارتجالي والان وخادم للطيبين ابو ظاهر البركي |
اقتباس:
صار الماجره عللبشر غيري ويخيل عللذبح طفلاي غيري يدنيه شماتغيري الوان غيري اموت ويحيى دين الهاشميه بقلمي وارتجالي والان بنتي الروح لك مني اجمل تحيه ابو ظاهر البركي |
الله الله عاشت الأيادي عمي الغالي رائع ما تقدمهُ .. ::: الـــدهر شتـــت شـــملنه بالظعينه ودلـــيــلي سيـــوف اميه بالظعينه وســافه الــشــمر يحدي بالضعينه وابـــو فــاضـل عــلى الغبره رميه |
الى العقيلة ..
الى اُم الاحزان .. الى من قال : ( يا أبا حمزة هل رأت عيناك أو سمعت اُذناك أن مخدرةً لنا سُبيتْ قبل يوم عاشورا) ...................... راحه يا هو الشاف بالدنيه مندم لون عمري اخلصه بـحزن مندم يا عين ابجي وهلي بـدمع مندم مخدرت الهواشم اخذوهه سبيه |
اليعرفونك بغالي الثمن ساموك وسافة اهل الحقد بالسجن سموك يكاظم للحوائج باب سموك دخيلك لاتسد بابك عليه ... الشاعر ملاكريم الاسدي |
اقتباس:
كل الصار صدك منك انته وابد ماريد منه منك انته عجيبه شلون تشرب منك انته وعله جرفك طريح بن الزجيه بقلمي وارتجالي والان ابو ظاهر البركي |
لمولاي الامام الحسين عليه السلام .. وليد الساعة
ابنور الفخر عين الشمس سد بيك محبك وابفضل عالناس سد بيك لكه ابضكّة اسنين العسر سد بيك وغفه ابفيّك يبن حامي الحميه تحياتي |
اقتباس:
ودين الجدك انت سدديته العين الشمس نورك سدديته لأن نورك علي يبن الزجيه وليد الساعه اخي احمد ياشاعر اهل البيت رمضان خير وبركه عليك وعلى كل من حولك ومن تحب تقبل الله الاعمال باحسن القبول ابو ظاهر البركي |
السلام عليكم
اخي العزيز ابو ظاهر البركي رمضان كريم عليكم وتقبل الله اعمالكم باحسن قبوله واجزل ثوابه وان شاء الله ينعاد عليكم بالخير والبركة والامان ابثورته للمجد دگ ساس وثبات و گضه حسين لزمانه اسنين وثبات الكرامة انصاغت من ادماه وثبات عليها الي حصل بالغاضريه تحياتي |
ظهرهه زينب هلبطوله الطف ظهرهه مثلهه الارض ماحملت ظهرهه ياوسفه الشمر ضارب ظهرهه ابسوطه ويشتم ابحامي الحميه |
أريد أكتب شعــر عنك وعنــي
وأدز القــلب لــدروبك وأعنيــه صرت أنت سبب ونتــي وعلتـــي ألــف دكتــور ما يلحق عليه |
يدنياي المصايب عَلي جدري
يتكالب ما برد فد يوم جدري آنه الصرت كالمصيوب جدري اليراني يشيل ويعوف الثنيه |
بحبــل الولاية دوم يـــا شيعــي تمســك
بحبـلك يداحي البــاب كل مؤمن تمــسك لا هم لا حزن هناك ولا جمرة الي تمسك هـــذا عهــد مكتــو من سيد البريــه |
الحسن ع
فكرة جميله اللهم صل على محمد وآل محمد أبوذيه في حق الأمام الحسن ع إقلام الدهرماهن منصفاته رضع درالنبوه منصفاته كل الطيب ينبع منصفاته شرف جود أوشهامه حيدريه مرتضى شكر النجف الأشرف |
منو مثلج حمـــــل اهات ...والوان وشفتي من العذاب اشكال...والوان كظيتيهه سهر واســــفار...والوان لعِد مجلس يزيد ابن الدعية |
عزم زينب يشيل الراس ما هان وصبرها ابصبر ابوها الحيد ما هان مصايبها العليها اثگال ما هن ورث من ضيم ما حل بالزجيه |
رد
إجيوش الصبريوم الطف من أمها
غيرالرفضت أعله الذل منامها زينب ورثت الدمعه من أمها أولون إثياب همها فاطمه ---------------- مرتضى شكر النجف الأشرف |
موكب بالعرش هاليوم منصاب ودمع عيني دمه بفركاك منصاب شخبرك بويه عالبسمار منصاب؟ ضلعي وضوك وليدي المنيه!! لسان حال الزهراء ع |
بجة قلبي تعال ارجوك سكتة القطار اشلون يمشي بغير سكته انا بلياك قلبي يموت سكته وسبع جلطات اذا ماتمر عليه |
اقتباس:
بكل الكون دمع المحب منصب مهو المحراب لسه ينوح منصب سيف الغدر راس بن الحميه ابو ظاهر البركي |
في مدح أمير المؤمنين علي بن أبي طالب (عليه السلام)
نفوس اهل الضغاين من فتاها وفــتوات الملاحـــم مــن فتاها أنـــشـــدك عن الامه من فتاها ويـــا هــو الرفع رايتها العليه |
اقتباس:
عليك وشفت بيك اطباع مرات اذا كلبك سكت كلبي انه مرات سكت لأجلك حرام تعيل بيه ابو ظاهر البركي |
حيدار
دارالمجد دارالطيب حيدار تفيض إبحب أبوالحسنين حيدار درالي رضعني العشك حيدار لأل المصطفى سيد البريه --------------- مرتضى شكر النجف الأشرف |
اقتباس:
حقد علصار للغيره فتلها اخبرج فتوه من عنده فتلها شيطان ابن ملجم لآل اميه ابو ظاهر البركي |
تسلم اخ الانتظار على هذه الابيات
جعلها الله لك في ميزان حسناتك |
احلى الكلام اهديك
واحلى الورد اعطيك وبمولد الحسن اهنيك |
| الشبكة: أحد مواقع المجموعة الشيعية للإعلام الساعة الآن: 09:58 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025