|
مساحة للأبوذية وللموال (الزهيري)
السلام على أهل الشعر والشعراء هساحةٌ للموال ( الزهيري ) والابوذيه بجميع اغراضها الرثاء المديح المجاراة التوليد ولكي يتفاعل الشعراء والمتذوقين لهذا اللون من الشعر الشعبي أرجو من المشرفين تـثبيت الموضوع *** لنتوكل على بركة الله ؟؟ |
اللهم صل على محمد وال محمد
حياكم الله مولاى ,, مساحة مباركة بأذن الله .. بًوًرًكًتًم |
السلام عليكم موضوع في قمت الروعه اخي الغالي أحبك ماأحب بالكون سواك سبحانه الذي من طين سواك بشر لكنه ويه الگمر ساوال وصرت إنته الگمر وايديك ضيه |
اقتباس:
|
كل العرفان والامتنان
للاخ الكريم محمد الغزي نأمل ان تكون لك هنا انسكابات تحياتي القلبيه |
الـبـاري للـوصـي حيـدر مِـنَـح تـاج الولايه وكل شـخص ثاني مَـنِـح تـاج بـالـكـــــــرار عـالأُمـــــه مَـنِـح تـاج إبْـشَــــسِــــع نَــعْـلــيــه نــحـتَــج عالبريه *** |
للزهراء
الحزن لأم الحسن ياما عصرها
سلب حقها إشكثر جاير عصرها كصه إعليها الدهر ويلي عصرها خطف منها العمر قبل المنيه ---------- مرتضى شكر النجف الأشرف |
مرتضى شكر
مرحباً بك ايها الشاعر الكريم نوّرت المساحه الشعريه |
دكافي امن البعد ياترف بس بس ومنو البذنك على الهجران بس بس گبل تركض تجي لو صحت بس بس شجاك شغيرك هسه علية |
عليّ آنة شكثر يا ناس مر همّ (احزان) وردتك للجروح اتصير مرهم (دواء) بس انة الضكت يا حيف مرهم (عذابهم ) الحلو للغير وانة المر الية |
ترَ ايام الحزن بجفاك جنة (وصلن الينا ) وبعدك للعكل يهواي جنة (اصابه الجنون ) انه بعدك ابد ما اريد جنة (جنة الخلد) واريد النار لو تكرب علية |
حبيبي بيك فاخرنا وعلينا (ارتفعنا ) ويغالي ارجوك لا تبعد علينا (عنا ) مثل ما طلك الدنيا علينا (الامام علي ع ) لاطلك الروح بعدج يلوفية |
تهزهز بالحد وانفض ترابيك (التراب) عزيزالروح هالنايم ترابيك (اريدك ) لفاني العيد وعيوني ترابيك (تنتظرك ) تهنه بنومتك والنوح الية |
مرحى لروح الكلم
اينما تحل يحل الجمال |
ثـمين وتبقه بعد أثـمن ورثـمن وخدّك بالحِسِن گلّي ورثـمن أطگ أوياك وتزاعل ورثـمن دقايق وانه صبري يخون بيّه منقول |
ترَ بيدك حبيب الروح نحبي (موتي ) بجيت وما نفع وياك نحبي (بكائي ) على الغالي اجينة اليوم نحبي (نمشي كالاطفال ) زحف علراس ما ازحف بدية |
وحك الله الغدر وياك منيتي (ليس بنيتي ) واريد اكضي العمر وياك منيتي (امنيتي ) ترَ انت اشما بعدت تكرب منيتي (موتي) اجر حسرات والونة خفية |
من الياقوت يا صاحب لها شاف وبعد روحي بمودتهم لها شاف لون اللامني مرة لها شاف ترك شغلة وبكة يبجي علية |
صرت بلا وعي بجفاك ماشي (سائر) وعلى عكلي تكول الناس ماشي (مختل العقل) شتآمرني اكلك صار ماشي (قابل ) بس لتعوفني وتبعد علية |
قصر لبنیلك بگلبي وقلعه وأکض شریان البگلبي وقلعه الرفاعي اتروح إلك فدوه وقلعه وإلك ترخص يغالي الناصريه |
اقتباس:
من الياقوت ياصاحب لَـحَـنها ويرقّق كل گلب جاسي لَـحِنها حنين النوگ مایلحگ لَـحَـنها حنینه والملامح بابلیه |
عليّ الناس انشدهه وسلهَ (اسألها) يروحي القهر كاتلها وسله (مرض السل) جروحي اشلون انساها وسله (من النسيان) وعليّ اتزيد كليوم الاذية |
اقتباس:
دمعتي إعليك أصبّنها واسلها بجفاك الروح اعذبها وسلها عليك اجروحي اناشدها وسلها مِـتَه عيونالحنان تـمـر عليّه |
حبيبي جرحي ما بس يوم ساكن مشكلكم والالم بالروح ساكن تمكن من بعد ما جان ساكن مثل موج البحر وانهد علية |
جبل حزني علی صبـري تًـراها وروحي بـخیـمة افراگگ تراها أمانه إمأمِّـنه عندك تراها أسافر ومْـنَـرِد رجّـعـها إلـيّـه ؟ |
زرعت ابصحرة اسنيني وردلاك وتردلي امن الشعر عطره وردلاك أصد ياصاحبي عنك وردلاك وأجيك إمـحـمَّـل بشوگ البُوذِيَّه |
انياب الدهر عضن من شراها وبالله ارجوك كفني من شراها صحت للبيع روحي من شراها شراها الچان يحلملي بأذيه |
الف شكر على الموضوع الروعه ــــــــــــــــــــــ احب حسين وحك الله _وطه وازور كل كاع جدمه _وطه ورايات اميه ابسيفه _ وطه وبالشجاعه معروف ابن حامي الحميه بقلمي خادم اهل البيت(ع) (عبدالله الشاعر) |
أقدم الروح لحبابي وسلم واصافح راحتي بچفهم وسلم يارب العرش صلي وسلم على المصطفى وآله بكل مسيه |
(صحت عباس هل تسمع؟ يخي ماي سكت مارد صحت طيحن يخيماي الارض تبجي على اطفالك يخيماي طحت بس العرش دكلك تجية ) |
اقتباس:
دمع عيني ابد مايبس ونشاف شكثر كلبي بغيابك علي ون شاف الجرح ضميتة عن الناس ونشاف الجرح بين بعد شيضمة اليه |
أبشرك مابعد بالعين ضل ماي
واحس حته الصبح بجفاك ضلماي زماني مرادف اعله الروح ضلماي سلب عگلي وشدهني وشد اديه |
تضمين مثل شعبي ببيت أبوذيه الأمثال الشعبیّه المثَل : (جنَت براقش علی نفسها) یُضرَبُ لِمَن یجْنُوَ علی نـفـسِهِ بنَـفسِه 0 مجاراته في الابوذیه *** دنیفه الروح لاجت عن نفسها وطفح عالـي رداها عن نفسها جنت حُکمت براقش عن نفسها إبنفسها وأصدَرت حُکم المنیّه *** ابو ياسر الكعبي |
الحبيب ابو ياسر الكعبي اشتقت لك و ليراعك النقي يايوم يابــو الشعر يمك اقــــــــــــارب وصل و احركَـ اوراق الهجر بجمار حرف ال وصل واثني اعله طه النبي واكتب واناجي وصل مشتاكَـ لهل الشعــر و اللـــــــيل سوطه كلف من حيث ساعة بُعد بحســــــاب عاشكَـ كلف كـلفـني كَلبي ابأمر كَــــــــــتله ابخدمتك كلف جاوبني شِـــــــــــــد للمحب وياك حلقة وصل حقيقة اشتقت لك كثيرا يا ابو ياسر موصول دعواتي لك ايها العزيز |
الحبيب زكي الياسري شهد الله كم اشتقتُ اليك }ماتحرگ النار إلا رِجِل واطیها{ *** إي وَحَگ ربنه الّذي للأرض واطیها دنیـاك منهـا إخِـذ یـاصـاح واطیها إگْصِد عِوالي الرِجال وعوف واطیها إتِّـجه لهل الفًـضِل وِنْـفُر المنَّك زاغ إحْـذَر أَشبـاه الِـزلم لونَعَق منهم زاغ حِمْلَك چتافك یشیله لَوَن عَنَّك زاغ }ماتحـرک النـار إلا رِجِل واطیـها{
· واطیها :مخففه أَعْطِها0 · واطیها : الواطئ0عکس المُرتَفِع0 · زاغ : بمعنی إسْتَخفَّ وأَصلُها زَغْ0 · زاغ : طائرٌ یشبَهُ الغُراب 0لاکنَّهُ أَصغَرُ مِنه0 · زاغ : بمعنی مالَ واعوَجَّ0 · واطیها :الذي یَطَئُ الشئ0یُقال وطأ فلانٌ الناربرجله0 ابو ياسر الكعبي |
عن الاشتياق سيف المـلامه عَلـَيْ حادي العــواذل شَهر و اسرار حبي الك من دون عــلــمـي شَهر معلومه صارت تره من قـُم لحَــد بـو شهر وما يوم كت الدمع بطــّــل جــــــرالك نهر إترك يكَول العقل من سِـمـع كَـــــــلـبي نهر ساعات ما احتمل و شلــون اقاوم نــهـ اْ ـَر يعني اني اموتن اذا طـــوّل غيـــــابك شهر تحياتي الخالصه لك يا ابا ياسر موال رائع ما خطه يراعك اللامع و تحياتي الى باقي الشعراء المبدعين روح الكلم و الغزي و جميع المشاركين و القراء |
رعاكَ الله مولاي الياسري راق لي موالك الجميل مثلين شعبيين (ردته إلي عون تالیها طلع فرعون ) (جبت الحیایه عله ایدي وعضَّتني ) *** سِلَّـك سَـلاني وبگیت اهـواك وَعْـضَـتـني وشکثـر عن سچِّتك وعّـاض وِعْـضـتـني ماخَذِت بالمـوعضه للشـوگ وَعْـضَـتـني وِکْریت إلك یاترف روض الحشه فرعون وجـروحي إلك خَضَّرن مَد وجَزِر فرعون ( ردتك إلـي عـون تالیها إطْلَعت فرعون) (جبت الحیـایه علـه إیـدي وعَضَّتني ) _______________________________________ · وعضتني :أي بمعنی أنتظرُوعظَ الهوی· وعضتني:نَصَحتني الوعّاظ · وعضتني:من العظ عضضت شوقي أي القبض علی الشئ بالاسنان · فرعون: مُحرَّفه 0أصلُها (فرعن)ترکتُ لَک الحَشی فاراٌ عنه · فرعون : فرعَین · فرعون :اردتک عوناً لي فاتضحَ عکس ذالک · وعضَّتني : الحیّاتُ عضَّتني خالص موداتي لكل من مر من ها هنا ابو ياسر الكعبي |
وحگ سورة بره وياسين ونسه وعگبك مابگالي بعد ونسه عمت عيني امن ابطل ابچاي وانسه لما الأبيض يگدرونه عليه |
عفاني جيف الي مهجه ولي روح اداوي بالعلل كلها ولي روح ماني ابحال من يبكه ولي روح ابحالك يالكطعت الوصل بيه |
اقتباس:
تحبني شلون إلك مهجه وإلك راح وشنهو اللي إعجبك بيّه وإلك راح إلي راح اشكثر خشنه وإلك راح ناعم وانخدش بفطور اديّه ابو ياسر الكعبي |
| الشبكة: أحد مواقع المجموعة الشيعية للإعلام الساعة الآن: 11:09 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024