|
يا بسمة املنه
يا بسمة املنه يا بسمة املنه الـ دوم نحچيها ويا اصل الحياة وكل معانيها امااني اگلوبنه انت الما تمل طاريك ولهه اگلوبنه وتسلى بامانيها ينبع اعمارنه ويا سچّة العطشان روح الضاف عدها ابصبر ترويها ينسمة خير نسرح من علينه اتفوت نغفه ابطيبها ونفرح انّاغيها مثل لهفة ليالي لومضة النجمات ومثل شوگ الجروف لماي يسگيها ومثل حال الوحيدة التربى عين الغاب عليك ارواحنا ابكل حين تلگيها غربة احنه ابغيابك والعمر مجهول والمجهول عمره اسنينه ناسيها تچلّ اجدامنه وسجتنه ما تنشاف بداية وما عرفنه اشوكت تاليها ثگَل جفن انتظار اعيونه ومن طاح يبس بيها الدمع وانغلگ جاريها يغصّ الشوف بيها امركده ابلا كيف وبيابيها اعله دربك جمر تبچيها لچنها اعله البصيص الزام عزمه اوياك لوَت شوكة دهرها وخسر عاميها ضعنه ابموج .. مركب خامل المجداف وفزعة حيلنه اتعرگلت رجليها يطر بينه ابحر دنيا ابنوال الخوف نظل تريدنه وايّست نگضيها هندس ليلنه وكلفه الضرير ايعيش باحضان الليالي النور ما بيها ضراير نرتجيك ويرد بينه الحيل ونرد وجه الشمس يزهي ابمعاليها ابغزِل چف الصبر شدينه حيل الروح ابعدى درب انتظارك ما نخليها يعت بيها الجزع ويريد ما تحويك مل منها وجزع ما گدر يحويها حوت نفسك نبض حي بيه نفسها انعاد بعد الموت الاحمر صار حاييها زرعنه اگلوبنه اويَ ارواحنه ابدمعات طرّت بالمتانه ويمته تحويها فرجنه انت او وعدنه او حظوة الايام يمهدي جروحنه ابطلعتك تشفيها احمد العتابي العراقي |
حياك الله اخي الغالي ابو شهاب والله كلمات اكثر من رائعة واتمنى تسمحلي انقلها عنك جزاكم الله الف خير ياغالي اجمل تحيييييييييييييييية |
السلام عليكم مولاي العزيز حسنين العلاق شكرا جزيلا لك ولعطر مرور حروفك المباركة بقصيدتي المتواضعة وفقك الله تعالى لكل خير وبارك بك ولا عدمناك ان شاء الله اخي لا مانع عندي من نقل القصيدة حياك الله ودمت برعاته وتوفيقه وعليكم السلام |
اللهم صل على محمد وآل محمد احمد العراقي ----- واسجد على حروفك واتلو الآيات جذاول شعر صافي وياك نجريها عيد الليله عدنا وننثر الها ورود ابن حامي الحمي نور لياليها ---- اجرك على صاحب العصر يابوشهاب تقبل مروري المتواضع بساحة ابداعك معطر بالصلاة على محمد وآل محمد عقد لؤلؤ من مبدع موفقين |
اللهم صلِ على محمد وآلِ محمد لافض فوك حبيبي أحمد العرافي ليس غريبا عليك هكذا ابداع فأنت منبع الأبداع بل الأبداع يخجل من كلماتك ويستر وجهه حياءً وفقك الله وسدد خطاك وأطال الله في عمرك كي تنصر عترة المصطفى بقلمك تقبل مروري الخجل بساحلِ بحر نظمكم أخوك على الدوام حيدر الناصري |
والله العظيم كلما اتكلم معاكم تحجلوني بكلماتكم وبأخلاقكم واضل محتار شنو الاكتبة حتة اجازيكم ولكن ما عندي الا الدعاء لكم بالموفقية وان يثبتكم الله على ولاية امير المؤمنين عليه السلام جزاك الله خير الجزاء اخوية وتاج راسي احمد العراقي |
رائع .. أكثر من رائع استاذي الكريم أحمد .. قلمك الفذ فاض بالأبداع كعادته فصار يقدم لنا هنا صورة خيالية في الجمال .. اتشحت بوشاح ذكر الامام صاحب العصر والزمان (عج) فسلم قلمك المبدع .. وسلمت يمينك المعطاء .. وسلمت قريحتك الموفقة ولا حرمنا الله من تواجدك المبارك تقبل مروري خادمك الصغير وجدي الجاف |
السلام عليكم سلمت يداكً شاعرنا المميز احمد العراقي حقيقاً لا اعرف كيف اشكرك ع كلماتك التي انارت القسم .. موفق بحق الزهراء |
بسم الله الرحمن الرحيم
اللهم صلي على محمد وال محمد الطيبين الطاهرين وعجل فرجهم وفرجنا بهم يا كريم ولعن الله اعدائهم اجمعين من الاولين والاخرين الى قيام يوم الدين 0000 أخي الكريم والشاعر الموالي المبدع أحمد العراقي ما شاء الله 00 زادك الله من فضله كلمات صادقه ورائعه تفيض بالحب والولاء لمولانا صاحب الزمان (ارواحنا لتراب مقدمه الفداء ) هنيئا لك هذا الفيض النوراني العذب كل عام وانتم بخير مبارك عليكم المولد الشريف واعادكم عليه بالصحة والسرور دمتم برعاية الله وحفظه |
مثل لهفة ليالي لومضة النجمات
ومثل شوگ الجروف لماي يسگيها ومثل حال الوحيدة التربى عين الغاب عليك ارواحنا ابكل حين تلگيها صح لسانك على الوصف الجميل دام خيالك لهذا العطاء الرائع |
| الشبكة: أحد مواقع المجموعة الشيعية للإعلام الساعة الآن: 05:39 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025