|
اخط احروفي لعيونك وهدباك
لان أدري الوفه طبعك وهدباك اهد اركاض لو شفتك وهد باك وراويك اشكثر اشواق بيه تحياتي لاهل الشوق ومحبتي ابو محمد |
اقتباس:
اقتباس:
حبيبي ابو محمد احط اعيوني جدامك وهدباي وأدب منك تعلمته وهدباي ددليني اعله عدوانك وهد باي اصيرنلك جسر وعْـبُر عليله |
تخط لعيونك عيوني حروفي
تهد والله أعرفنك حر وفي أصيرن بس تكول إنته حر وفي وأجيك شما يطول الدرب بيه تحياتي |
الله من هالبشر كلها ولا عادله ومن مال بيّه الحمل محّد إجه عادله كبال الاحبة احترك وهو اشد عادله ولا جن بشر يحترك داسو علية اوعدو محبوب الكم جنت ماجنت الكم عدو مظلوم لمن صحت كلهم علية عدو موتو كلبي الوفي والمات شيعدله |
رغم نار الصبر بينه بردنه
الوكت مبرد وبسنينه بردنه الاخذ مني العمر كله بردنه يناوشني السلام ومن عليه ابو ظاهر البركي |
نور عيوني ابو ياسر
أديب وادبك دينك وهدباك اروحن فدوه لعيونك وهدباك اهد بحروفك اتكفّه وهدباك تصير الدنيه كلها ابين اديه |
اقتباس:
حبيبي ابو محمد أديب وأدّبك دينك وصل لاك عِگدته ابنبض شرياني وصل لاك مو حرفي جرح گلبي وصل لاك زحف ويريد إلك ياخذ تحيه |
الى كل غالي كلبكم حضرة اتشرف وصل بي وسلمت الكلب الكم وصل بي ماهمني حرك جسمي وصلبي المهم ترضون يا خوتي عليه |
اقتباس:
تكطع امس بغيابك وصل لك مروتك لو وصل فجه وصل لك تلكه اسمك يشع وينور ضيه تقبل مني ارتجالي البركي |
شكثر لجلك دموع العين سالت
وبس إنته عليك الروح ســالت تعال بساع موش الروح سالت البخت والنايبه دارن عليه |
ها دسمع نبض گلبي وها جس ها دنظر كُبُرجرحي وهاجس يراودني ألف هاجس وهاجس الهواجس أمْطَرت بس هم عليّه |
أطشر روحي بدروبك واهبلك ومن نبضي اخذ نبضك واهبلك عليك شما ظلم ليلك واهبلك اهد كلبي يصيرنلك تجيّة :) |
انت مااضن انت مهنته وكلبك بيع خلانه مهنته رغم كل الجره صدك مهنته لما انجرح بافعاله الرديه حبيبي ابو ياسر شنو هاي الغيبه اتمنى ان تكون بالف خير خادمكم ابو ظاهر البركي |
آلاك إتّـطـشَّر مـن جَـم آلاك ومن حرفي بصدودك منجّمالاك جمـالك حِسَـد حِسْـنَك من جمالاك إبْجبينك غابت انجوم الثُريّه |
مَخاليب الغصص بالگلب لاچن ولياليِّ عله الاحزان لاچَن ما أَنحَب الکسر الضلع لاچَن أَنوح إعْليک ياسيد البريّه *** مَخاليب الغصص روحي مَتَنْها وشيوخ الجور عن باطل مَتَنها الزهره إمْنالسياط إسْوَدْ مَتَنها وِسْوَد الفَـضَه الضلع الزچيَه |
حزني ما حِـزِن گلبي يفضَّه ولانوحي الدهر کلَّه يفضَّه إلحگيلي وگع محسن يفضَّه دمَّه ودمعتي يجرن سويَه *** الدنيَه بالکِدَر والهَم نَعشها ولالحظه الفرح روحي نَعَشها الزهره ابليل يتطلَّع نَعَشها أشْذَنِب فاطم يدفنوها خِفيَّه |
إشتضن غيرك يعيني ‘مالي عيني وحزني إبْثگل حمله مالي عيني عيني إتْرِف شجاها مالي عيني إهْجَرت جفني وإجَتْلك هالمسيه |
ياعلي انت العـــــماد إل شيـــــعتك ولهام
يذكرك بالفرح عاشـــــــــــگ إلك والهام نخلي جدام تربك عل گلب والعين والهام تعبرنة الصراط ونشرب أمية |
الزمن هد حيلي وأكثر داوراني وانا الماليه صاحب داوراني ادور عليك دومي داوراني واضل اشتاك للماحن عليه |
تشوبِح عيني ماتنظر سراباي يمن حزنك بعض حزنك سراباي جرح روحي فلك يسري سراباي ومحطات الهموم اتطوف بيّه |
عليك انشد دكلي اشصار ما صار ومثل حزني عليكم ابد ماصار اودكم من كبل نيسان ماصار وكبل تشرين واظن ابعد اشويّة |
إنْحِزِت بالرغم إنّي من حَزّني وشفرات المواجع من حَزّني حزنت وحزن گـلبك من حزّني وسَوادِين الحزن لاگن عليّه |
علي ثوب الصبر شكثر حالي ويل تنشد عليه شلونه حالي طحت وشكبره جرحي شال حالي انطرك دوم بلجي تشده ليه |
أنا الماضيع احبابه وناسه ولافديوم هاجرهم وناسه أدريك الوفي وفرحي وناسه وابد ماحن مثل كَلبك عليّه |
كنت مع الشيخ باقر الصبيحاوي
في طريقنا للذهاب من مدينة علي الشرقي في محافظة ميسان الى المشرح لزيارة الساده النوريين في الطريق قال لي الشيخ ان البعض يعترض على من ينادي حسين حسين حسين في لطمية (الشور) ففي السرعه بالكلام يخفى حرف الحاء من اسم الحسين عليه السلام فطلب مني بيت ابوذيه بهذا الخصوص فقلت مرتجلا انا خادم اصير الآل ياسين وسهام مصابهم بحشاي ياسين انا من الفظ اسم لحسين ياسين لأن مذبوح مامش حاء هي |
الله الله روعة يا ابا ظاهر بوركت الأيادي :) |
انا خادم اصير الآل ياسين وسهام مصابهم بحشاي ياسين انا من الفظ اسم لحسين ياسين لأن مذبوح مامش حاء هي ابا ظاهر رائع ثم رائع ثم رائع وحق الحمد والكوثر والاخلاص كل عُمْرِ الإله تالي والاخلاص فَلْسَفْة الصلاه حيدر والاخلاص فلسفته بذبيح الغاضريه ودي يا ابا ظاهر |
الاخوة الاعزاء دمتم على الولاء والمحبة لآل البيت عليهم السلام اسمحولي ان اشارك معكم في هذا الكرنفال الولائي وانا الاقل الدنيه بيا وكت ينطق عدلهه ودم حسين للكفة عدلهه الميت منتصر لو لا عدلهه ذبح سيف العدل دم الضحية لكم كل التوفيق |
مرحى لك سفينة البحار وجمعة مباركة:) بحر جودك إلي ابکل وکت یحسین وبِمـحبتك حواسي الخَمِس یحسین غرامـك طُبَــع بیّه اجنـون یحسین وجنـونـي اجنـون زاد اجنـون بیّه |
ولكم مني هذا البيت المتواضع
حاء وسين ثم اليـاء والنـون لولاهن أبد ماخلص ذا النون وحك الي قسم بالقلم والنون التوبة حسين والجنه الزهيه دعائي للجميع |
احسنت ابا تكتم الزهره رضا الباري من رضاها یرضه النبي الهادي من رضاها ضلع الشمس رضَّه من رَضاها الطاغي وأَغْضَب الباري ونَبیَّه |
يمن حبهه سكن بالكلب والها عن كل حب ومنهه الروح والها فاء والف طاء وميم والها الدرع يوم القيامة تصير هيه |
اقتباس:
الله رائع ياسفينة البحار بَلَغْ کل العُلَـه الهادي کماله الباري بْقُدرِته ولُطفه کماله إلَه الأَفـلاك مِنْوَجْده کماله الحُکُم عالکون من رب البریِه *** |
الليالي اسيوف مابيّاش كرهن ماينعرف فرهن دون كرهن أريد أهجر قوافي الشعر كرهن واسكن صفحة الهم والأذيّه |
الى رسول الانسانية النبي الاكرم محمد ( صلى الله عليه وآله وسلم ) يمن مركب جلال الله رساله على كل مرسل الك بالحك رساله كلبي الك يالهادي رساله بيهه اجمل صلاه واجمل تحيه |
تحياتي لسفينة البحار والغالي الكعبي
ميم وحاء ويه الميم والدال محمد نبي للأسلام والدال الله بكتابه إذكره والدال عليه وصلى وسلم سويه |
حیا الله الجمیع بوركتم على هذه الابيات الرائعة بحق رسول الله صلوات الله وسلامه عليه الجِـنان إتْشَرُّفَـت أَحمد وِطاها رَحْـمه إطْـلُبَت من ربها وطاها الباري مُصْطُفـي طـه وطاهه حبیبه وخـاتَم الرُسْل اونَبیَّه |
حياك الله عزيزي أبا تكتم فما زلنا في رحاب رسول الله یالحُبَك إمْـن الرَب نِـزَل نَص بي نَبینه وللیضدَّك عیب نَص بي گلبـي منجِسِم نـصَّین نَص بي فَرُض حُبك ونِص رب البریَّه |
الحبیب البرکي شاركنا فالسجال لرسول الله الخَلیقه الله المُحَمَد مُصطفاها ولولَه النبي الهادي مَصطفاها لأَهل بیت النّبـوَّه مُصطفاها اولَبوهُم والد الزهره الزچیّه |
وحياك الكعبي وللرسول أقول
محمد للرسل متمم وخاتم شدعضده بعلي ربه وخاتم بعلي ومحمد الجنه وخاتم من الزهره للشيعه وهديه نسألكم الدعاء |
| الشبكة: أحد مواقع المجموعة الشيعية للإعلام الساعة الآن: 12:03 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024