![]() |
تعال وشوف روحي , جروحها شلون من يوم الرحت تمطر عذابات أبات اويه الدمع وتبات بالنوح وعلى جرح الرصيف اثنينه انبات ومازال للوجع بقية .......... |
افز كل ليله اتفكد للجروح واغطي المنكشف منهن ليبرد صرت لجروحي والد وآنه تنور حسراتي ابد ما ساعه تخمد صاحت روحي من كثر العذابات ميمرني الفرح ؟؟؟ الله ولحد للمبدعين على حائط الاوجاع ودي وتقديري و.. تحيــــــــــــــــــــــــــــــــــــــــــــــا تي |
اقتباس:
الله الله عليك ياسفينة البحار " أفز كل لحظه وأتفكّد غيابك وأحِنّنلك حنان إيْهيِّم الدوح امن أشوفك أحس بيّ النبض نهران اويا كل دكّه كلب تتلاشه الجروح ومن اتغيب عنّي تموت دنياي عن جسمي تغيب وتختفي الروح ..,! ومازال القلبُ ينبضُ ودّاً لروّاد الوجع المُزمِن |
عفتلك حايط إمضمّخ بالجروح وعفت كلبي ,وعفت مهجه ,وعفت روح وعفت لجلك قصايد تنبض أرواح مُصِهْله خيولك إتْلكّتها برماح تعال انشوف بلّه إنته إشعفت لي ,,,,,,,,, |
"لفّافك مِلِح وتريد جرحي يطيب " شيطَيبَه الجرح , وانه جرح كِـلّي ..., |
الكبير ابو ياسر الكعبي تبدع وتبدع وتبعد بعيدا بابداعاتك فلا نكاد نصل الا الى وهج هالة الابداع التي تلامس ابداع قلمك عفتلك عين ما ينشف دمعهه وعفت ونه فلا واحد سمعهه وعفتلك جرح ما يشبه للجروح على فكد الالم بي يشتد النوح وعفت سجين هجرك ناوي كتلي تعال وكلي بالله انته شعفتلي لك من الود الكثير الكثير تحيــــــــــــــــــــــــــاتي |
سفينة البحار جراحي كبيرة ,ولستُ بكبير, أمّا تواضعك فقد ألبَسَ جراحي جلابيباً خضراء.. " عفتلك كلب تتمنّاه الكلوب , وتَعَمّدت بهجرسيفك ذِبَحتَه ..! ونَحَتَّك فوك وجه الماي فارس تطوف وتسجد اعليك النوارس يالرايد جَتِلْتي اشناوي انوب إفْضَحِت سِرّي , وأنه سرّك دِفنته ! دخل نشوف بالله إنته إشعِفتلي .... |
على لسان الحوراء (ع)
احنا اللي كبل أدم بدينا وجدنا الشرف العالم بدينا اشلون احبال تشدد بدينا واشلون احنا ونطب ديوان امية |
اعجز عن الكلام في حضرة الابداع عفت كلبي بحضرتك دمعته دموم وعفت يمه السلاح البي طعنته وعفت عيني على جرح الكلب حارس اخاف تلجمه جنحان النوارس اريد اضحك ولكن كثره الهموم المثلي تسيل بالفرحه دمعته يل رايد فرح لتصير مثلي وجاوب كول بالله انته شعفتلي ودي وتقديري و .... تحيــــــــــــــــــــــــــــــــــــــــــــاتي |
إنحنائةٌ كبيرة لإبداعكم المتواصل " عفت جثَّه إعله بابك , والسجاجين بعدهي ابخاصرة كلبي الطعنته وعفتلك عُمُر مامجيوس للحين عجيبه !! إبرخص للعافوك بِعته وعفتلك بالشعر روح الدواوين وكلبي إعله الورق يزحف تركته ..! فلا واحد وفه ويّاك مثلي إشْأعوفنلك بعد .. وانت إشعفتلي.؟؟؟؟ تحيةُ إنحناءٍ لزوّار الوجَع |
وانحناءة اكبر لتواضعكم ايها الكبير عفت لون الحزن صابغ سمانه وعفتلك ورقة بيهه ارسمت كلبين كلبك بالدمع مرسوم .. وآنه كلبي بصفه رسمنه السجاجين فرض البجي بروحي صاح آذانه اكوم اتوضه هم وفرش جفن عين منو حافظ صلاة الحزن مثلي كبل متروح ... كلي انته شعفتلي ؟؟؟ سابقى بانتظار وجع جديد تحيـــــــــــــــــــــــــــاتي |
ما اجمله من رد |
سفينة البحار إبداع يفوق الوجع " عِفتني إبْـرَف مَزاجك صفحة إكتاب إنطوه , ماينفكد إنْ حضر أو غاب المثلي على الهامش مايخلّوه عله قَدْر الوفه العِنده ينصفوه عِفت كِلّي إعله كلّي وكلّي عفته إنت الّـي عِفت كلّي , وتركته إنت الماخذِت من كلّي كلّي عكب هذا الحصل بالله إشتكلّي بانتظار جوابِ وجعٍ جديد , |
ابو ياسر الكعبي ( أَتْعَبْتَ مَنْ بَعْدَك ) تنشدني شعفت ؟؟ فك كلبك وشوف تلكه بنصه عايف ذكرياتي وعفت يمك امانه كل الحروف ردت صمتاً اخلصهه لحياتي عشكتك وادري حبك جان بي خوف وادري تروح وتسبب مماتي جرح .ملح . وحلم من رحت حملي وتسألني شعفت ؟؟؟؟ انته شعفتلي سلامٌ على اهل الوجع لكم من الود اكثره ..و تحيـــــــــــــــــــــــــــــاتي |
سفينة البحار(وألبسَني إبداعهُ مَن كان بعدي) فكّيته الكلب تدري إشّفِت بيه ..؟ لكيتك بيه لاكن , صاد عنّي ! اشعفتلي ذكرياتك .؟! كلهن إجراح يلجمنّي وجرح منهن ذِبحتي حروفك ؟! إي نعم كلهن سجاجين وأحسّنهن خناجر كطّعني إشعفتلي ؟ (الخوف ) إي جتّفني الخوف خاف أحجي , وأخاف تروح منّي إشحسبالك ؟ عفتلي إزغار الجروح ؟؟ كبرن صارن اوحوش وكلنّي إشعفت ؟ كلبك إسأله ولاتكلّي وشوف .. آنه إشعفت وانت إشعفتلي سوامق المحبة والود لرواد الوجع سأكون بانتظار وجعٍ جديد |
ابو ياسر الكعبي ( تحية اجلال واكبار لنزفك الغالي ) ازاح الله عنك كل الم عفتلك كلبي بيه مشرعبه البوب يتنطر جرح منك يجيني وعفتلك عيني ناطور على الدروب وعفتلك همي واحزاني وونيني انه بهجرك شلت انواع الذنوب وابد متَّوب من الدمع عيني والرايد دمع من عيني يملي شفت آنه شعفت ؟؟ انت شعفتلي ؟؟؟ انتظر وجعا جديدا يلهمني |
مازال أبداعك ملهماً لزفرات الوجع شوكت؟؟ هسه عفتها امفتحه البوب !! سنه عالباب واكف مَطـْلَعِتلي ؟ مو جانت جروحي تكض الدروب إلك , وانت ملح بيهن تخلّي كلبك هسه صاير, يحن ,ويذوب ! وأمس هوّه التعمّد بيده جتلي بعد عكبيش ,كلبي مات مصلوب وسجّينك عله نعشه تصلّي مو آنه .. اشوكت مارِدته , مصحوب ولا أقبل أكونن للتسلّي غير الهجر واللوعه .. إشعفتلي .؟؟ بانتظار الوجع القادم |
ابو ياسر الكعبي ( ليس لابداعك حدود ) عفتلك لوعة؟؟ .. أي .. بس لوعة احساس تكلله بنار خطوات المبعدين وعفتلك جمرة ؟؟ .. اي .. بس جمرة انفاس شلتهه بصدري صابر كومة سنين شنهو اللي يصح للعشك مقياس وين الكه اللي يحكم بالعدل وين رضيت آنه بدليلك حكم خلي ويكول آنه شعفت .. وانت شعفتلي مازلنا نسير في طريق الوجع بحثا عن وجع جديد تحيــــــــــــــــــــــــــــــــــاتي |
سفينة البحار وهل للنزف طعمٌ دون ابداعك " عفت لوعه احساسك ..لو نياشين ..؟؟ مكابر خَضَّـرت من جِـدمي للراس موجنت إعله دربك أزرع العين ؟ أناطر جيِّـتـك واتفايض إحساس ضعت بين اسمك وبين العناوين ومابين انتكاسه , وبين لاباس إصْبَرتلك ..! لجن كلِّي الصبر لاوين..؟ وراي الناس ,, عُـبرتني !! وإجت ناس ؟؟ تطالبني ؟ إبْـأدِلَّـه وبّـراهين وعله ضلوع القصصايد ألف مقياس إبَّـطِن كل بيت تنبض روح للحين وعله كل روح ,عِفت أرواح حرّاس إكتَبتها اكلوب تمشي ويمها ضِلِّي وتناشدني او تِكلِّـي إنته إشعفتلي ؟! " مازلتُ منتظراً للوجع الجديد, |
عناوين الابداع معروفة على رأسها الكبير ابو ياسر الكعبي انه العايف الك من كل عطر لون نزيف اجروحي يشبه عطر الورود وانه الجنت ارتجي يصير الدمع عون بغيابك صار فرعون على الخدود عمري اصبح فريسه لليمرون صاح الحزن وسط العمر فرهود نشف نزف الدمع من شط العيون واتاني شط فرحتي يصير بي زود وصرت اترجه كون الرايدة يكون وكون يرد عليه الرايح ردود وضليت بامل كون .. وتكلي لا تسأل بعد .. انت شعفتلي ؟؟ ستبقى عيني بامل ان ترى وجعا جديدا تحيــــــــــــــــــــــــــــــــــاتي |
شكراً لكل العناوين التي لم اتلقّى منها إلاّ الوجع, واهِم ؟! مَتْركِت عندي ولا لون آنه الّي إتركت عندك مواويل كبل طَرْة الفجر تعزفها العيون ويكطّعني وترها من يجي الليل على خد العذاب اتطيح الجفون وحنيني كسر خاطر نجمة اسهيل آنه الّي رماني إهواك بجنون حيل اوياي واستاهل بعد حيل جنت خالي كلب غدرتني الضنون حسبالي الوفه عندك تراتيل وحك كل نزف بحروف اليكتبون بعد ما أكتب الجيتك مراسيل ردتك عون ليش اطلعت فرعون كبل جَيْتِ الرياح أغصانك تميل إسأل عني روحك لاتكلّي عفتلك كل شي .. إنته الماعفتلي وجعي بانتظار الوجع |
شكرا للوجع الذي جعلنا نتذوق ابداعك ايها ( الكعبي ) الكبير عفت جفي على باب الدرب مطبوع يأشرلك يكلك كافي .. حن .. عود يل خليت جرحك بين الضلوع ومن هجرك صفه الدلال ممرود صوتي من رحت ما عاد مسموع ونارك بالكلب جن نار نمرود الك وجيت عمري الضايع شموع ونحل جسمي بغيابك صار جل العود والك وقفت عيني وكل الدموع وضليت بامل تذكرني وتجود وتردلي اندعي كل ما اصلي هذا العفته آنه .. انت شعفتلي على امل ان نلتقي مع وجع حديد تحيـــــــــــــــــــــــــــــــــاتي |
السلام على أبداع أوجاعكم راق لي السجال فأحببت المشاركه ... تحيتي لكم عفتني وعفت باب أجروحي مفتوح أرماحك غبشه أجني أشلون مصباح گلتلك كل شي سوي أوياي مسموح لجل عينك أموزر بس بالأرماح نثرت أبروحي منك بس الجروح أبتديت أحصد خساير وأخسر أرباح الغريب أيطيح لجلي وآنه مطروح وشفت أقرب الناس من الضحك طاح ترس عينك وبذنك تسمع النوح تعال أطعن بعد بس كون ترتاح خلگ فلاح عندي وحنطتي أتفوح يالذريت بيه بغير مرواح حملي الچان عالي فوگ السفوح ياحظ يابخت يقبلهه من طاح راح أصبر وأكابر گوه عالروح أعلي السكته بيه مو بالصياح شضايعلك تگلي وآنه مذبوح سلامة گلبك أنته كل شي ماراح يالذبحيتني أشويه التفتلي عفتلك كل شي !!! كل شي ماعفتلي احمد الكعبي |
سفينة البحار الكعبي احمد أستقيكما وجعاً لاينضب " غفه كلبي اعله سيفك وانت ذبّاح وعلى المذبح عفتلك خلگ دفّان وعفت دنية دمع مكسورة اجناح بسماوات الوجع شايلها انسان وسفينة حزن بيها الجرح ملاّح على كُبْر الأرض ممتدّه شريان عله طول الچفَن فَصْلَتِ الجْراح لأن ماوالمتني أشكال الأچفان سچاچينك غدر مِتْـحَزّمَتْلي عفتلك مُهجِتي .. يالماعفتلي من بغداد ( اُسجّلُ حضوري) على عُجالةٍ الوجعُ وبغداد وأناي بانتظار جمال وجعٍ آخر |
( ابو ياسر الكعبي ) ستبقى الكلمات بانتظار ابداعكم (احمد الكعبي ) لتداخلك طعم عابق بالابداع عفت النوم لجلك ساهرت ليل اعد واحسب اهموم آنه بغيابك وبجت من حزني احزان المواويل من كثر السوالف عن عذابك حروف اسمك ارتل بيهه ترتيل العمر كله عزه عفته لمصابك تمر بيه الشماته تهيل وتميل ويحاجوني بهمس ضايع شبابك جرحك من رحت فاضحني ويسيل دزلي خل يجن شي من ثيابك لتحيل المواجع للوصل حيل واترجاك لاتبطي بجوابك آنه الماعفت ؟؟؟ ارجوك كلي وراوي الماعرف انت شعفتلي سيبقى وجعي بانتظار وجع جديد تحيـــــــــــــــــــــــــــــــــــــاتي |
البحار , مازالت حروفك تنبض بالجماد " يانوم التركته لأجل عيناي ويا ... هَم الهجرته انت بغيابي عفت عمري وصرتلك للوجع ناي كلبك ماشَعَر لحظه بعذابي ألف مرّه إعله بابك تِدِك يمناي ولافد يوم جفّك وصل بابي بطّلت العشك وانفطرت اسماي وطاح إعله الأرض كوكب شبابي وكلمن ماعرف, خل يعرف بهاي ويِترجم لوعتي بهامش كتابي شِلي إبْجيتك بعد واكطعت وصلي غير اضنون مجنونه إشعفتلي مازلتُ وبغداد بانتظار وجع جديد |
تحيتي وودي لرحيق حرفكم صلاة التضحيات أوياك صليت گمت أذنت وحدي أبوكت الغروب حيَ أعله الفراگ أبخدي خطيت شنو شگالولك آنه صبري أيوب مگص هجرك وأفصل بي معاناة وأخيط بالدموع أثياب مو ثوب شوديلك بديه الزيج شگيت باد أمنلفراك وصار متعوب صرت أسمع بهجرك بس تمنيت وشايل بالعيون أدموع يعگوب كله لخاطرك هيچ آنه سويت يالهديت حيلي بسدت البوب وآنه الچنت أظن منك تمرلي فتت من باب بيتك ماصحتلي [/CENTER][/CENTER] |
انت بيتك ميت ,, طابق واني بيتي ,,, الف كصبه ,, مسيس بنص الاهوار وحتى ما عندي جدار لان كل الوطن بيتي ,, وانعم بحسن الجوار ومن اسافر ,,, عندي ستوته زغيره وما يهمني حتى لو تملك قطار |
تحية حب واجلال لأساتذة الادب
عجيبه شلون تسألني شعفتلك هو انه شخذت حتى تركتلك انا الماعندي كلشي انت الخذتني وعجيبه وآني عندك ماشفتني آني اسه ارد انشدك عني وارتاح بعدني بجيب بالك لو عفتني؟ اذا نشدوني عني احجيك وبآه لسه انت التجاوب لوبعتني؟ انا الردتك اضل وياك للدوم اذن ردني لونك ماردتني اذن ماعندي شي. وياك كلي وانت لو عفت هم ماعفتلي تلميذكم ابو ظاهر البركي |
[CENTER] [/CENTER]لا زلت أتنفس كل حرف من حروف اوجاعكم السلام على أهل الوجع عفتني بلوعتي مثل اليتامه تموتهم الحرگه من يجي العيد وعفتلي الدمع والهم والملامه تجيني وي صفنتي أبلا مواعيد مته ترجع يغايب بالسلامه أحس بنار هجرك گامت أتزيد عفتني أبلا جنح مثل الحمامه بجنح مكسور تتعنه المشي تريد كلشي أوياي ماعندك تگلي غير الوجع والهم ماعفتلي |
السلام على اهل الابداع من اصحاب الوجع الجميل عفتلك ذكرياتي الجانت تفوح عبير .. وجانت باحضانك تنام وعفتلي انت شعفتلي غير الجروح بيه انت زرعتهن حقل الغام ابد ما حسبت تنساني وتروح صوجي وما نشدتك كلبك شضام عفت كلبي بخناجر هجر مذبوح عفته بين هم .. وقسوة ايام ينوح ومن ينوح يسكت النوح ابد مايوم يهده .. يهجع .. ينام لون تدري بغيابك حالهه الروح جلد ظليت بعدك لاف اعظام انا الخليت كلي وانت كلي لمن ما رحت شنهي العفتلي نلتقيكم في وجع جديد " |
الف سلام على أوجاعكم عفتلي ذكرياتك سيف بچلاي يلسعني بغيابك وأنته مرتاح وعفتلي أهموم تعزف عالوجع ناي وأزغر جرح بيه يّصيح أصياح رسيت أبحر هجرك تايه الراي أبوجه أشراعي عكست كل الأرياح انه جناحك چنتلك وأنته بسماي اليوگع من سماه مكسورله أجناح وين الگه القضاة التحكم أبهاي على الحطني بقبلته وصار ذباح عفتني أمعلگ وماصحلي شَراي وتعَذرني چفك عافني وراح موسم زرعي مات بشحت الماي وتعبي أيروح شفته لغير فلاح حصدني والمناجل باشطه أوياي وبقه سباح گاعي شابع أنياح ياجناي لا تشلع شتلتي غير أغصان مكسوره شعفتلي |
مازال الشوق متناثراً للنازفين جمال الوجع نعم .. باحضاني باتت ذكرياتك عكارب عشعشت ببطون الجروح أنه ذاتي الوفه , والهجر ذاتك كل ذِكره بغيابك جرح مفتوح بيادر ظاملك كلبي .., وحياتك أعلّيها وجِفاك إيهَدْمِ الصروح وجم موسم وصل بالشوك فاتك ولك بس إلك فكّت بابها الروح وغَلاتك مَدري شنهو انت إبْغَلاتك الوصالك مفرداتي اتسكّر النوح كلَت روحي خناجر مُفرداتك وتسألني إشعفتلك كبل لاروح لأن انت حياتي وانت خِلّي عِفتلَك من رحت روحي .., إشعفتلي " سأكون والوجع بانتظار الوجع |
لتراتيل اوجاعكم ينحني وجعي
اخذهن ذكرياتك شلي بيهن بنص بالي واحسهن شتتنه حتى جروحي لبدن من حجيهن ازغر جرح عندي سودننه انا ماريدهن يمته وتجيهن تشوف شلون كلبي يجرحنه انا جروحي البسهن عبيهن لأن زيج العليهن شككنه واسد حلوكهن خايف بجيهن يفرح ذكرياتك خايف انه انا توني جبتهن من سبيهن يم كلبي الاخذته يعاتبنه سبايه جروحي هودهن يخلي وأنه وياهن الك .. انت شعفتلي مازالت اوجاعي لأوجاعكم معاتبه |
الله الله يا ابا ظاهر رائع بتمام الروعة " رجّعلي المضه والفات منّي وآخِذ من مُهِجْتَك ذكرياتي لأن صفنات هجرك سودنّني وعلى إرموشي إذبَحَن كل امنياتي وإذا جروحك سبايه مشن عني غريب آنه إسْلِبوا جِثّة حياتي عيون جروحي بالدم غسّلني أنه الميّت كبل ساعة مماتي إنحنه شجرة حزن عالكبر ضلّي لأن غير المواجع ماعفتلي سأكون بانتظار وجعٍ جديد |
قال الشاعر
دقـات قلب المـرء قائلة له إن الحياة دقائق وثواني فارفع لنفسك قبل موتك ذكرها فالذكر للإنسان عمر ثان |
السلام على اقلام الابداع التي تنزف وجعها ابداعا متجدد اماني شكد عفتلك ... شكثر احلام درت وجهك ولا بالحلم مريت وبقيت انطر وتاني واحسب ايام يل بنيان عمري بلحظة هديت على كل جروحي عندك بصمة ابهام بجروحي سلوتك هيجي حسيت انا كلش رقيق وكلبي من جام ورغم شفاف بيه اسرار ضميت اثر جدم الموادع صدر احكام طشرني ورجعت بامل لميت الولي للكلب بلكن .. عسى ينام وينسه جروحك اللي تارسه البيت انه ناطر حلم منك يمرلي ويسولفلي ويكلي انت شعفتلي الى ان التقيكم في وجع جديد لكم مني كل الود والاحترام و,,, تحيـــــــــــــــــــــــــــــــاتي |
وعلى الإبداع النازف ألف تحية وسلام أماني ماعفتلي ابهيئة احلام , عفتلي تحت خاصرتي خناجر..! تنكرعيّشتني بزيف الأوهام وجامة خاطري مكسوره خاطر أبكد ماهمّشتني بروحي آلام وبكد مابعتني أمطر مشاعر مواويلك خذت من عندي جم عام ؟ يجي باجر واكول انتظر باجر تعال وخل نصفّي إحساب الايام كبل لاتنتهي الدنيا وأسافر اذا آني اتركتلك بصمة إبهام وضليت بجرح واحد تكابر أنه كلّي جرح من جدمي للهام اتركتني وطلع حظي اوياك عاثر عفتلك صُوَر تحلم بيها الاقلام وتركت ابذكرياتك كلب شاعر بعد شترك إلك كلّي وشخلّي كل هذا وتكول , إنت إشعفتلي " للوجع بقايا سأكون بإنتظارها ولأنّي أحب الوجع ودّي ومحبّتي لأهل الوجع |
سلام على رواد الوجع
اول مره خلي نقيس البعاد مابينك وبيني شطولها اتصير اذن مقياس جيب وانت الاستاد وخل وحدة قياسك هجر , تهجير؟ أنت من هجرت وبيه مافاد تعنيتك ذليل وحيل بالجير ردت منك لقاء وردت ميعاد جرح بيه نخيتك صاير جبير خنكت دمعة عيوني بحبل وشداد اخاف يسيل دمعي ويمك يصير ادري بسبب هجرك لكن عناد اجر بأذن كلبي لكن فطير برد صد عله نارك طلعت رماد لاذ بكتر حبك طلع تزوير جاع اباب هجرك طالب الزاد قبل بس كون منك خبزة شعير رد بصوت عالي هجرك وراد خلص وكت الهجر وانوب تهجير يصيح بصوت ابعد يله ولي هذا العفته اليه ؟؟؟ انت شعفتلي |
أسترق السمع من أوجاعكم السلام على أصحاب الوجع النازف رجع ذكرياتي الچانت أوياك ترسن شيب راسك كله منهن أزغر ذكرى بيهن حيل تهواك ذبن بالغلط يمك حملهن گلتلك ذن أمانه أزغار بحماك أگبال الناس لاتهتك سترهن بحايط بالي أجوم ليش ذكراك وعده ذكراك الملمهن وأشگهن ما أسولف أهمومي بيوم ملگاك أخاف يضيج خلگك من ثگلهن أخلاف الذكريات أيموت معناك من أچفوف بالك لا تذبهن. أنطيتك گلبي صك يالمابعتلي كل هذا وتگلي أنته شعفتلي |
الشبكة: أحد مواقع المجموعة الشيعية للإعلام الساعة الآن: 11:39 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024