|
علية الناس انشدها وسلهه ( اسألها )
يروحي القهر كاتلهة وسلهه ( مرض السل ) اجروحي اشلون انساها وسلهة (انساها ) وعلية اتزيد كل يوم الاذية |
ما عندة يقين الخان وايمان (الايمان بالله تعالى)
وصبح فكرك حبيبي وين وايمان (مع من ) خنت كل العهود وياي وايمان ( قسم ) تلاكي بيا وجه رب البرية |
ياهو الي حمل نعشك وشاله الك نيشان وبكلبي وشاله يلف نعشك علم كلبي وشاله النبض يلتف وينحب للمنية للمقدس الشيرازي في ذكرى رحيله الرابعة :( |
بوجهك نور وبوجهك ترى هل كمر من آل احمد يا ترى هل تشوفه عيوني يوم الحشر وتهل وتندب ربها من هاي الرزية :( |
أبوذية في المثل الشعبي المَثَل : }الشیطان میخرّب عِشّه{ یُضرَبُ للرَجُلِ سَعی وراءَهُ الشیطانُ فأَسْلَمَ زمامَ أمرِهِ لَهُ لِيَبنَى بیتَه علی السُحتِ والحرام. فَإنَ الشیطانَ لایُفرِّطُ ببیتِهِ الّذی بناهُ داخلَ کیان الانسان0 مجاراته في الابوذیه *** سگفك رمل ساسه مایه خربه صدیج الماینصحك مایه خربه تـره الشیطان عِشّه مایخربه یلن مبني علـه ذ نـوب البریّه *** |
كل التحايا لكم اخوتي اعزتي الكرام اديه لورد كلبك سالمنه ومن ايدي الورد دم سال منه ادعي من الله شخصك سالم النه اسلم وانته بس رد التحيه تحيـــــــــــــــــــــــــــــــــــــاتي |
اقتباس:
الله عليك سفينة البحار الوَرِد لو صحن كفَّـك سالمانه ومِسِك لو سِحِر حرفك سالمانه مدامك تضل سالم سالم آنه تِسَـلِّم وانه إلك كلّي تحيّه |
المَثَل : }من نَمَ لَك نَمَ عَلیک{ یُضرَبُ للرَجُلِ أن حَذاري من النُمّام فَإنَّهُ الیوم ینُّمّ لكوغداً یَنِمُّ علیک0 *** إشمه تزرع خـيـر بالوادم يَـنَم لَک وبالک للـيِـنِم طرفک يَـنَم لک يِـنِم إعـلـيـک بـاچـر مَن يَـنَم لک عگـرب والمــلامـح آدمـيــه |
المثَل: }ألحَس المْسنّي وأبات متهنّي{ یُضرَبُ للرَجُلِ أن یکونَ قویَّاً عزیزَ النَفس. لایَمدُ یداً للذُلِ أَو جیداً للتَمَلُّقِ وإن عاشَ فُقْراً مُدْقِعاً.فَلْیَنَم مرتاحاً للبال0 مجاراته فی الابوذیّه *** لمست اجروح گلبي وِلْمَسنّي وبَرن ذنـب العلیّـه والمَسَنّي أبات إمْهنّه وألحَس بالمَسنّي إذا تِدْنه النفس گصّیت إدیّه |
ولا واحد كتاب العتب تالاه
يكولون الصبر مبروك تالاه اليشتل يجتني من ثمر تالاه وانه تالي يبس من شح عليه ......... الشاعر المرحوم كاظم السلامي |
| الشبكة: أحد مواقع المجموعة الشيعية للإعلام الساعة الآن: 06:21 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024