|
حتى الحرف موجوع مو بس كلبنه
وظل الالم والاه يسري بدربنــــــه |
ابو ياسر الكعبي ( الكبير ) والآخرون الذين يرسمون بريشة آلامهم لوحة الامل ..... اعلم ان الوجع ما زال قائما يل امورثني حزن الكون شتريد اضحك من يمر ليل على عيني بسبب جرحك صرت عن الهنا بعيد واتنطر تجيني ما تجيني هنه ابعاد عن ايدي العناكيد مدري من الحزن كصرن اديني محطة صبر صاير بس مواعيد واحس ويه العمر يذبل حنيني لجمت اجروح كلبي الهايده بايد كبرت بين ايامي وسنيني جنت حاسب تجيني هلال للعيد ما صدكت وي شامت تجيني عفتلك روح عن النوح متهيد سابع جا هاجر من ونيني خلي انت حكم ياصاح خلي يشوف آنه شعفت وانت شعفتلي اتركولي بعضا من ابداعكم ايها النازفون ابداع نلتقي في وجع جديد تحيـــــــــــــــــــــــــــاتي |
سفينة البحار لإبحارك وجمال الوجع طعمٌ خاص ردت منّك وجع يمطر مواعيد وأنتظرك جرح أخضر تجيني دك , جف كلبي بابك ليلة العيد شدّة ورد شايلّك حنيني طحت يم عِتْبِـتَك وما كتلي شتريد إسكتت كِـلِّي .. وحجت وياك عيني إغركت بجفاك ما مديتـلي الإيد عكب ما كطَّعِتها إثنين اديني على جروحي احفرت كومة تجاعيد وهِدَمْت أبقسوتك بيدر اسنيني أنه إشما قرَّبتلك ترحل بعيد تعال وخل أسمعنَّك ونيني اشكثر عندي إلك ؟ ماتت تغاريد المسافات اوكفت بينك وبيني حُكم ماخلّي ياصاح انت خَلّي يشوف انت انه شعفت وانت شعفتلي سأكون بانتظار وجعِ إبداع جديد تحيتّي وودّي تراتيل . |
تتـــــجدد أوجاعكم وكأنها نــــوارس ذبحوها سهواً... تحيتي لسيد الحرف أبا ياسرالكعبي وللرائعين مودتي ... أشنريد أنگول ويه المايوافون وأنه أول جرح منك عرفته أنولد وياي أخو وأنه الزغيرون وفطمني أعله المناحه ومافطمته الحزن والضحكه صدفه مايحضرون فرق بيناتهن والفرق أنته من تحضر أشوفن يضحك الكون ومن ترحل أون بهموم سكته شلتك روح عاشت بين العيون وصوتك بالدمع من طگ سمعته عالخير أنتصارك خل يسمعون دمعي لخاطر أعيونك رخصته البس طيبتك لا تلبس أضنون گلبك وين ضميته العرفته تره المثلك قساوه ما يلبسون لأن طيب گلب تخرب كشخته يسألوني سلامات اليشمتون وأغطي أعله الجرح گوه ودفنته أكابر صرت گوه وهمه يدرون ضربتك سيف يكتل ماحملته شريد أحكم وأگولن وأنته خَلّي شگللهم أجاني يريد كتلي |
الى كل النازفين آلامهم على حائط الوجع والى الكبير ( ابو ياسر الكعبي ) كل التقدير والاحترام وانحناءة كبيرة لنزفكم و.. ابداعكم يل مخلي الجروح على الجروح تنام ومسهر الجفن بجفاك ليليه ويل ماخذ دليلي وفكري والاحلام ويل حسبته اليه وصاير عليه يل جنت آنه ارتجيك تبدد الاوهام وتعيش كليبي بدنيه ورديه اثر سجين هجرك نبعت آلام والفرحة بجفاك اصبحت منسيه هجرك جرح ثاني زود الارقام صبر عاللي يجيني جديد مابيه بيني وبين كلبك تحكم الايام وصدكني تره الايام مكضية مر يمي الهجر خلي يولي وراويك شعفت وانت شعفتلي التقكيم في وجع جديد لكم مني كل التقدير و .. تحيـــــــــــــــــــــــــــــــــــــــــاتي |
إبتسامة ترتّل الشكر للمارّين وتحية إعجابٍ للمبديعن وللكبير (سفينة البحار) إنحناءة بحجم الوجع يل كلّي إلك ماصرت مرّه إعليك ؟ حلم بين الرمش والعين ضمّيتك دفك بيبان روحي ’ تشوفني امخليك وسط أسرارها وعرش الكلب بيتك شأسولفلك .. شكولن .. من معَزة البيك .. توسّدتك جمر وشكثر ناديتك ! إبكثر صفنات روحي جروحي تصفن ليك ملح بين الجرح والوجع ذرّيتك ألوب امن الوجع ما كتلي مره .. شبيك كُبَر بيّ الصبر مايوم ملّيتك عناوينك عَلَيْ تاهت وأسولف بيك ..! عفت كلّي بمكاني إبلا وعي ,, وجيتك الوصل شدّيت حبله لأن مَر طاريك وسجينة تجافي بكلبي حسّيتك صرتلك خِل لجن ماصرت خِل لي عفتلك حلم وردي .. انت شعفتلي سأكون بانتظار الوجع القادم من محابر النزف ودّي ومحبّتي |
سلاماً على اوجاعكم النازفه أفتح باب صفنة روحي بهداي أمنشوفنه يرد ويريد ينسَد ويطلگ بالهوه من يصرخ الناي وأحس أبروحي چنهه لربهه تصعد أصبر من أشوف أوياي دنياي عكس دارت وأحشم مامش أحد الجبل گام أعله طوله أتعنه ملگاي وهذاك انه الثگيل الشايل أشگد شالتلك گمر ونجوم يمناي ومغثتك بيه چانت منهن أزود أبنص كل الحروف يموت معناي وتشيعني القوافي بغير مقصد مثل جرفك صرت وبساحلي الماي بجزرك تشتهيني وتگطع أبمد أحسن بيك من تنزل على أحشاي ولمن تبعد أحس بحيلي ينهد وأحسك مثل صيف وگطره بشفاي إذا تنزل أبروحي أبساع تبرد شمسك كحلتهه أبعالم أصباي ونه أمكحل سهر من غير مرود أبات أويه النجم وأتغطه بسماي وأصورلك الدنيه بأرقه مشهد آنه أبن الشمس تعرفني الأفياي گمر وجهي ويضوي الليل الأسود گتلك لاتعدنه أثنينه أهواي تره آنه أوياك واحد كون ننعد لَحَد أخر نفس ضليت وفاي المثلك كون روحه أبروحي تنشد بعت بيه أبرخص ما صحلي شراي وچنت باني لمقامك روحي مرقد حاجب ماردت منك تخلي ردت بالتضحيات أوياك أصلي |
فرحوا آل أمية من وقع عباس , قالوا هاي زينب لازم نذلها ما يدرون زينب بالزعل شتصير , مثل حيدر علي محّد ينازلها |
ماريده يلتم يوم جرحك يحايط نزفك دوه المجروح والعنده شايط عجابا لآ أرى نزفا ولا جرحا لبسلم من نزف شوقا وحبا لهذه الاوجاع |
اعود لالتجيء الى حائط الاوجاع من جديد علي ارى حروفكم جروحا نازفة ابداعها ولتلتقي حروفنا من جديد امر عالدار موحش صاير الدار لاريحة وطن لا لمة احباب اسالهه باهلهه شصار ما صار اشو كلهم صفوا عن عيني غياب اجيت .. بوجهي بوم من الحرم طار انجرحت ايدي لمن باست الباب جنه زغار بيهه احلامنه كبار نشم ريحة مشاعر بالهوه الهاب هسه كبار بس امالنه زغار ونشم بكلوبنه من الالم عطاب ماريدن اقدم لغيبتي اعذار بس الغيبه لابد الهه اسباب رديت ودمعتي تفضح اسرار وصوبت على جرحي والسهم صاب وقررت اكعد وتاني ليل ونهار وصيح بصوت كلبي من البعد تاب دعواتي لكل مبدعي حائط الاوجاع بالصحة والسلامة انتظر نزفكم تحيـــــــــــــــــــــــــــــــــــــــاتي |
| الشبكة: أحد مواقع المجموعة الشيعية للإعلام الساعة الآن: 06:10 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024