|
اممم بارك الله فيك ورحم الله والدك اخي دعبل الخطي لهذا الرد والتعليق
إذا اردنا الحلول من رأي ان تبدأ الاسرة بالعودة الى التربية الصحيحة التي تربى عليها ابائنا فنحن في زمن رغد ورفاه بالنسبة لهم ولم يقصروا علينا لكن ما حدث من (تدليع) في التربية سببت هذا فالعروس لا تريد ان يكون زواجها عاديا .. خوب لو تواضعت هم ما بيكون عادي وكذلك ما نعانيه هو متطلبات (الانثى) في الاعراس فمسألة التوعية يجب ان تصدر بعقل من الرجل إلى المرأة حبذا لو توضح بلا امر عليك معنى المثل عزيزي ..( ثوب كريب) ؟ :d |
أنا على طول أسمعها ثوب كريب
وش سالفتها |
جئنا لكم ول ام حسن خصوصا :rolleyes: بالحسبة والمفروض احطها من قبل كم يوم بس راح عن بالي ....................... وحسبت حساب الخطوبة في البحرين حسب حسابات خطبة اخو ام حسن طلعت 154500 الف ريال :cool: وانا حسبت حساباتي قبل لا اوصل هني وانا في الطريق من الفضاوة هههههه وطلعت ك التالي : 1 / 25 الف مهر و 1000 ل ثياب وشنطة وعطورات المدام وبعض الناس يدفعو 2000 2 / 5 الاف الشبكة مع طقم ساعات وشبكة محترمة وحلوة مو اي كلام والشبكة طبعا حق الحفلة . 3 / 2000 حق حفلة الخطبة ممن كيك وعصير وماي وربيان ومكسرات . 4 / 15 الف هذي يسمونها الضيفة حق عشاء النساء عند اهل العروس وهذي تكون على المعرس وبعض الناس يضيفوها مع المهر . 5 / 15 الف اجار الشقة اول سنة لابد ندفعها كاملة . 6 / 4500 اجار صالة العرس لان الصاله كانت بالنص بينا وبين اهل المدام و 1000 مشتريات ليلة العرس من ماي وبيبسي وفواكة وحلويات . 7 / 1500 للملاية الي قرت ليلة العرس مع ربعها ههههه 8 / 3600 ل 800 وجبة رز لصاله العرس لنساء طبعا لان كذالك كان العشاء مشترك بما ان في صاله وحده اهل المعرس والعروس . 9 / وفي نفس اليوم سوينا غذا لرجال بشكل خاص للعائلة والاصدقاء ب 3500 10 / 31 الف تأثيث الشقة بالكامل . 11 / يوم الجلوات هذا نسوية يوم ثاني العرس ويكون على اهل المعرس وعادي لو ما صار لانه مو اجباري وكلف اجار الصاله3 الاف والعشاء في ذيك الليلة مع الشوكلاه والبيبسي والماي والماي ورد ب 1500 12 / 1000 للملاية الي قرت في ليلة الجلوات يوم ثاني العرس 13 / 500 اجار الحسينية الي صار فيها الزواج و500 للي يقرأ المولد و1000 للعصير والمكسرات والكيك والماي ورد . وانتهت الحسبة الى هني واكتمل الزواج من اول يوم خطبة ليوم ثاني زواج والحمد لله وطلعت الحسبة 114000 الف ريال ولله الحمد العرس كان فوق المتوسط من كل النواحي وشااااع وللحين قيمت الخطبة بالزواج اقل من قيمة الخطبة عندكم في البحرين هههههههههههههههههه :D عشان كده مانتنازل عن نصيحتنا لشباب البحرين ان يجون يتزوجون من عندنا ههههه >>>>> افكر اخلص العنوسة في القطيف ;) واذا بعد نحسب قيمة السفر بعد الزواج والا هي تقريبا التذكرتين كلفت 4800 مع مصرف الصفر تقريبا 2000 ومع هذا وصل 120 الف و ماوصلت قيمة واحد خاطب من البحرين ههههههه :eek: وفي النهاية لو الناس تخفف على حالها من هالعادات والموضات جان الناس ارتاحت والشباب تزوج وقلت نسبة الصياعة والفرفره في الشوارع الفاضية وننتظر رد الحكم المنصف من ام حسن في المقارنة ;) |
ماااااشااااء الله عن جد ارخص بواااجد نصف المصااااريف .. لكن بعد استبحاث وتقصي للموضوع في منطقة سيهات جارتكم لكينا مصروفاتهم اكثر بكثير منا ااااا وكذلك شروطهم تعجيزية بالنسبة لنا خخخخ ؟؟؟؟؟ |
اهلا بيك ام حسن اي ارخص بواجد وانا استغربت واجد من كثرة مصاريفكم والمتطلبات ولكن اقولك في كل مكان الواحد يقدر يتزوج بسعر معقول ويكون الزواج عال العال ومو ناقصنة شي ويقدر ان يتزوج ب نص مليون وفي النهاية الزواج بيتم سواء وزعنا فيه شوكلاه او سوينا صالونة لحم ههههههه :p هم بيصير يعني بيصير لكن سيهات كل شي عندهم غالي حتى الاجار والسبب ان سكانها هم الي رفعو كل شي على فسهم من باب المفاخرة والاتكيت وهالاشياء وحتى الاراضي تنباع عندهم اغلى بكثير من مناطق ثانية والسبب مثل الي قلتة ونفس الشي حلاقة الشعر من يوم انا صغير وهي في سيهات ب 10 ريال او 15 لكن عندنا ب 5 ريال وتوها مرتفع سعرها قبل سنة وصارت ب 7 ريال بس الفرق هو ان الناس هم الي يرفعون على نفسهم وبعض العوائل هي اتلي تبي تطلع بشكل فاره قدام الناس وعندي واحد من اقرباي متزوج من سيهات وكان الزواج عادي جدا والسبب ان عائلة العروس متواضعة وعادي ه وماطلبت متطلبات الي مالها داعي وبكذا يفرق السعر فطلع المباحث الي عندك ام حسن يبغاله تعديل بيانات ههههههههههههه :rolleyes: ولا تقولي ل اخوك الحسبة حقنا لا يجية احباط وتتأثر حياتة الاسرية والمهنية والمعنوية والنفسية والاقتصادية والميكانيكية :D:D وبالتوفيق للجميع ان شاء الله وان شاء الله عاد هالبشر تحس بالناس وتترك هالعادات الي مالها داعي وتصير على ظهر الرجال واهلة |
اي والله يبو جاسم شكل الي نقل لي الكلام عم الخبرعلى الجميع اهاااا مع اني احس ان حنا نعدينا منهم ههه وعن الاجاراااات حنا اجار الشقة الزينة وصل من 5 الى سبعة الاف ريال في الشهر مو في السنة هههه واللي مو زينة ب ثنين فقط خخ بس اهم شيء شلون نقدر نوعي بناتنا للطريق السوي ونخليهم متواضعين وما يطيلبون طلبااات مرهقة وبسهم تباهي وتفاخر على هوامش وتوافة والزواج سنة الحياة وهذه المضاهر ماهي الا مظاهر كذابة سرعان ما تنسى من عقول الناس ولا كان شيء حصل والخاسر الاول والاخير هو الرجال الفقير الي بغى يستر على نفسة ويستر على بنت الناس باكمال نصف دينة |
1 / 25 الف مهر و 1000 ل ثياب وشنطة وعطورات المدام وبعض الناس يدفعو 2000 المهر 25 ألف و2000 الشنطة على قولتهم وفي منطقتنا يوزعو سمك من باب اشهار الخطبة والبعض مايبي السمك فيعطوهم قيمة السمك واللي عادي يوزع يعطوهم فوق السمك 1000 ريال وفي النهاية صار المجموع 35000 مع السمك كيف الله العالم خخخخ 2 / 5 الاف الشبكة مع طقم ساعات وشبكة محترمة وحلوة مو اي كلام والشبكة طبعا حق الحفلة . 7000 الشبكة والدبل وطقم الساعات طقم الساعات أغلى من الشبكة حزتها خخخخخخخ بعد مانلبس الا ساعات الحميضي كأن الوقت يتغير من ساعة الى ساعة 3 / 2000 حق حفلة الخطبة ممن كيك وعصير وماي وربيان ومكسرات . امممممممممم عندنا أو يمكن عيلتنا اللي للحين ملتزمة في هالعادة عشاااااااء كبير يسويه أبو العروس والعادة يكون عيوش للرجال ووجبات للنسوان وطبعا النسوان ياي وراهم حفلة لايتوسخو الوجبات أنظف غير الكيك وووو والعروس ومتطلباتها فستان وكوافير ومصورة وكوشة حتى لو في بيتهم الا تغصغص الكوشة خخخخ 4 / 15 الف هذي يسمونها الضيفة حق عشاء النساء عند اهل العروس وهذي تكون على المعرس وبعض الناس يضيفوها مع المهر . ماعطونا هههههههه 5 / 15 الف اجار الشقة اول سنة لابد ندفعها كاملة . مافي أجار والحمد لله 6 / 4500 اجار صالة العرس لان الصاله كانت بالنص بينا وبين اهل المدام و 1000 مشتريات ليلة العرس من ماي وبيبسي وفواكة وحلويات . مافي شي نص بالنص لأن الرجال يلتزم بامور الصالة من أجار وبوفيه أو وجبات وأهل العروس عليهم الكوشة وإذا طالبين ديكورات إضافية والملاية (الطقاقة قصدي لأنها مو ملاية وإن كانت تنشد ع أهل البيت ) والمصورة طبعا تقدر تقول بهديك الليلة وصل المصروف 60 الف تعرف الصالة على عدد الكراسي وكلما زادت الكراسي زاد العداد إضافة إلى البطاقات مو أغلب الصالات ماتدخل من غير بطاقة وأرخص بطاقة بـ2 ريال 7 / 1500 للملاية الي قرت ليلة العرس مع ربعها ههههه والله تمام ملايتكم عندنا ليلة الحناء بتغني بـ1500 8 / 3600 ل 800 وجبة رز لصاله العرس لنساء طبعا لان كذالك كان العشاء مشترك بما ان في صاله وحده اهل المعرس والعروس . 9 / وفي نفس اليوم سوينا غذا لرجال بشكل خاص للعائلة والاصدقاء ب 3500 طبعا غير العشاء اللي بليلة العرس يسوو غداء عائلي عن كشمرة يوم ثاني وكل واحد ساحب وياه صديقه واللي ماحضرت ليلة العرس في الصالة تجي تبارك وتاكل يعني نقدر نقول عائلي موسع وغذاء يوم ثاني بدى يخف يعني مو الكل يلتزم فيه 10 / 31 الف تأثيث الشقة بالكامل . هنا عاد عفر ماقدر اتكلم لأن .... بس المطبخ لازم يكون كذا وكذا من المكان الفلاني (البلال اللي الكل مخترش فيه) وطلع بــ 22000 يعني الحسبة الباقية اخاف اكملها ويجيني صداع ارقام غير انه الثلاجة هدية من ... والغسالة والنشافة اشتركو فيهم فلانة وفلان مثلا و و يعني بدل الهدايا اللي ماليها داعي وبتتكرر 11 / يوم الجلوات هذا نسوية يوم ثاني العرس ويكون على اهل المعرس وعادي لو ما صار لانه مو اجباري وكلف اجار الصاله3 الاف والعشاء في ذيك الليلة مع الشوكلاه والبيبسي والماي والماي ورد ب 1500 ليلة الجلوات قبل العرس عاشق غير تجليسة العروس ليلة ثاني بس الأغلب تنازل عن ليلة الجلوات اللي قبل العرس واكتفوا بليلة التجليسة وتصير جلوات مرة وحدة ولاتنسى قبلهم ليلة الحناء واغلب العوائل تسوي غسالة (العيش المحمر ) 12 / 1000 للملاية الي قرت في ليلة الجلوات يوم ثاني العرس 13 / 500 اجار الحسينية الي صار فيها الزواج و500 للي يقرأ المولد و1000 للعصير والمكسرات والكيك والماي ورد . عاشق في كثير قنوعين مثلكم وفي لا في اللي تبغى تسوي عرسها اسطورة وتتكلف فيه ع قد ماتقدر وان كان ع حساب ابوها او رجلها بحجة اني كل يوم باعرس فياريت لو ترجع أعراس قبل تحس الفرحة من قلب مو الحين تلاقي داك العرس مثل المسرحية والحضور يترقبو اي حركة راح تصير وغير انه بيت فلاان معروفه اعراسهم اختراعات ودخلات غير شكل وبيت فلاان بايخ عرسهم دخلة العروس عادية ووووووو صح نسيت السفر كان الحجز مع قروب هدية التذاكر والسكن وبقى المصروف الشخصي مادري اكيد كان ابداع خخخخ تحياااتي نور... |
لا لا لا >>>>> لا للمخدرات:D نووووووووووووووور انا اشك الحين انك ساكنة بالقطيف احس انك يا في الكويت من منطقة السالمية كلها تجار :cool: او ساكنة في الدوحة كله هاي هاي ههههههههههههههه :cool: ويش هالاسعار الي عورت راسي احنا نصرف 6 الالف في العرس وزواجنا الكل تكلم فيه بالخير وانتو 60 الف بلعت ريقي هههههههههه :eek: وعاد المطبخ رحت للعرفج مادري شنو اسمة في شارع القدس قلت له مقاس مطبخي قالي ب 20 او 19 قلت له والله السعر زين وقلت للمدام يالله مشينا بس هههههههههههههه مطبخي ويش حلاتة سويتته في العفيفي شارع القدس كلف 6 الالف تقريبا لان سعر المطبخ حقكم كنه حق بيت او شي كده بس مادري من ويش يصنعو المطابخ دا الي قال لنا ب 20 الف وصدقتي الجلوات قبل العرس وهذي على بيت العروس سووها واحنا يوم ثاني العرس سويناها بس عاد الصاللات الي في القطيف مشتره عادي بدون كروت بس عفر شهاب ومادق بحبلة لابد كروت ونسيت ماقلت ان كروت الزواج لنساء والرجال كلفت 1200 عفر ومن ضمنها كروت لأهل العروس حق نساء خاصة بهم بس زين ان بعدك حافظة الاسعار والله ذكريات حلوة وهو الواحد متمرمط وهو يشتري ويفر من محل لمحل :rolleyes: ويبغى ليكم تسوو بفروفة اعاده الزواج بس على اشياء رخص هههههه :D ننتظر جان نشوف في ناس اغلى ولا شي :p |
لا لا لا >>>>> لا للمخدرات:D نووووووووووووووور خخخخخخخخخخخخخخخخخخخخخخخخ انا اشك الحين انك ساكنة بالقطيف احس انك يا في الكويت من منطقة السالمية كلها تجار :cool: لاوالله عايشين في قطيف الخير او ساكنة في الدوحة كله هاي هاي ههههههههههههههه :cool: ويش هالاسعار الي عورت راسي احنا نصرف 6 الالف في العرس وزواجنا الكل تكلم فيه بالخير الحمد لله رب العالمين وانتو 60 الف بلعت ريقي هههههههههه :eek: وش فيك عاشق صالتين النسوان والرجال له والعشاء والبوفيه وباقي السوالف وعاد المطبخ رحت للعرفج مادري شنو اسمة في شارع القدس قلت له مقاس مطبخي قالي ب 20 او 19 قلت له والله السعر زين وقلت للمدام يالله مشينا بس هههههههههههههه خخخخخخخخخخخخخخخ هذا العرفج شحال البلال من طاعون بس والله في أماكن كويسة وأسعارها أفضل مطبخي ويش حلاتة سويتته في العفيفي شارع القدس كلف 6 الالف تقريبا تمام والله لان سعر المطبخ حقكم كنه حق بيت او شي كده بس مادري من ويش يصنعو المطابخ دا الي قال لنا ب 20 الف اي والله لابس قوي ينفع ينتقل لبيت الأحلام خخخخخ وصدقتي الجلوات قبل العرس وهذي على بيت العروس سووها واحنا يوم ثاني العرس سويناها بس عاد الصاللات الي في القطيف مشتره عادي بدون كروت بس عفر شهاب ومادق بحبلة لابد كروت اي نعم ونسيت ماقلت ان كروت الزواج لنساء والرجال كلفت 1200 عفر ومن ضمنها كروت لأهل العروس حق نساء خاصة بهم بس زين ان بعدك حافظة الاسعار والله ذكريات حلوة وهو الواحد متمرمط وهو يشتري ويفر من محل لمحل :rolleyes: ويبغى ليكم تسوو بفروفة اعاده الزواج بس على اشياء رخص هههههه :D ننتظر جان نشوف في ناس اغلى ولا شي :p الله المعين ويسهل ع الجميع |
إن شاء الله بإذن الله ترجع أيام زمان
ويكون المهر مثل ماكان في زمان الرسول والأئمه قرآن وشيء بسيط لأن إلى جانب الغلاء فيه بطاله حراام والله منين الشباب يدفعون وهذا اصل موضوعنا البطاله سبب في هجرة وإغتراب الشباب الله المستعان اشكر لكم مشاركاتكم الطيبه |
الي يسمع قضية عاشق يستبشر خير بالزواج
الي يسمع بقضية اخو ام حسن .. ماله الا يحضن مخدته ولا يستعجل على العرس :p و نوور ام زهراء بين وبين :p وانا .. الله العالم والساتر :D >> على وقتي ارتفع سعر الذهب غير شكل :( |
متــــابعه بصمت موفقين |
ربيبة الله يهداك
خلصت السالفه متابعه لويش ؟؟ حياج بكل موضوع ولعاد تسكتين طلعي فائض الحكمه ياللي عندك تسلمين عالمرور الصامت |
اقتباس:
واعود للمشكلة : والتي اعتقد أن حلها بيد الشباب أولاً واخيراً ، فالمبالغة في الطلبات والتي تنجم عنها الزيادة في المصروفات باستطاعة العروسين تقليلها الى ابعد حد وقد رأيت منذ اربع سنوات خلت نماذج من الفتياة والفتيان ممن تزوجن ولم تتعد تكاليف زواجهم 15000دولار امريكي بما في ذلك المهر والشبكة والخرابيط والمرابيط التي ليس فيها رض لله ورسوله واهل البيت بل يكون فيها فرحة وسروراً للشيطان الرجيم ولذلك يكثر الطلاق !!! |
شكراً لك أخي دعبل على توضيح " ثوب كريب "
والله كنت أسمعه وماأعرف شسالفته أما الموضوع فهو من البدايه بيدنا نحن فسدناها وبيدنا أن نصلحها وشيء آخر لم يتم ذكره وهو التقليد بمعنى هنالك أناس أموالهم فائضه تستطيع أن تصرفها على كماليات الحفل وإكسسواراته وربما صنع حفلات أخرى غير متعارف عليها مثلما ذكرت أختي العزيزة من قبل لكن تقليد الناس أفرضتها على نفسها . أشكرك أخي الكريم دعبل الخطي |
رحم الله والديك عزيزي للتوضيح
اتمنى .. اتمنى .. و اتمنى ان يقتنع الانسان |
| الشبكة: أحد مواقع المجموعة الشيعية للإعلام الساعة الآن: 10:52 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2025