|
الجزء السابع عشر: كانت تباوع لنفسها بلمراية و أسراء على السرير. اسراء: ماشأالله أشواق طالعة تجننين أشواق: ههههههه عيونج الاحلة أسراء: يا ألله أشواق الشيخ راح يجي و بعدين لازم نروح للصالون. أشواق ارتبكت و اطرافها جمدن. أسراء: هههههههه شبيج وجهج أنقلب ازرق ياالله حبيبتي خلينة ننزل. أشواق و صوتها يريد يروح: يا...ياالله نزلن لجوة و دخلن لغرفة أمها لان كانت قريبة للصالة و مارادت تدخل لغرفة سيف هههههه. (أشواق كانت لابسة بدلة بيضة بصيطة و ناعمة بس حلوة لان هسة الصبح راح يعقدون و بعدين بلعصر راح تبدي الحفلة فهسة محد موجود بس أسراء, مريم أخت أسراء , أم أحمد الجيران و بتها هيام اللي هيا صديقة أشواق) ----------------- بلصالة: أجة الشيخ و ابو علي استقبله و راحو للصالة الموجودين بلصالة كانو: سيف واللي كان شاق الحلق شق من الابتسامة ههههههه, علي, ابو أحمد الجيران, ابو رامي , رامي (اللي اصبح صديق لسيف بفترة قصيرة لان ساعده بلايام اللي قبل الملكة) , ابو حسين (تتضكرونه..هو صديق ابو سيف و اجة من الناصرية على مود يحضر عقد سيف) , عم سيف حيدر اللي يشتغل بلجيش و عايش بسامراء و ماكدر يجي بلفترة المضت بسبب الجيش. رامي كان كاعد يم سيف اللي ما يكدر ينتضر اكثر هههههه و رامي بس كاعد يضحك عليه. رامي: يا اخوي اثقل ترى الثقل زين هههههه سيف: والله يجي يوم و اشوفك اسوء من حالي بس انتضر شوي رامي: لا انشأالله ما يجي هل يوم سيف: و ليش حبيبي..لا تخاف هسة ابوك لو امك يفاتحونك و ماتكدر تكول شي هههههه رامي: لالا ما اضن سيف: اصلاً بلاول انا ما وافقت بس بعدين اقتنعت و شوف حالي هسة هههههه رامي: ههههههه الله كريم ابو علي اجة لسيف: ها سيف نبدي سيف و قلبه طاير من الفرح: الشور شورك خالي ابو علي: يا الله الشيخ ينتضر تقدمو لغرفة النسوان و وقفو كدامها الشيخ قراة سورة من القرأن و بدا: أشواق حسن ال ــــــ هل ترضين بسيف حسام ال ـــــ زوجن لكي؟ ان وافقتي قولي نعم و انتة وكيلي ماكو رد الشيخ: أشواق حسن ال ـــــــــ هل ترضين بسيف حسام ال ــــــــ زوجن لكي؟ ان وافقتي قولي نعم و انتة وكيلي ماكو رد -------------------------- داخل الغرفة: شمس تضحك بسكوت و مريم نفس الشي حتى أسراء و هيام نفس الشي بس كاتمات ضحكتهن أشواق يم الباب و ترتجف و يمها عمتها و أمها ام أشواق بهمس: أشواق حبيبتي تريدين الشيخ يسئلج خمس مرات لو اثنعش مرة؟ أشواق: مــ....ما..دري أسراء تقربت: خليها 12 مرة ابرك و همينة تعذبين سيف ههههههه. هيام: ههههههه ايه والله ------------------------ برة الغرفة: رامي همينة كانت حاصرته الضحكة لان شكل سيف يخرب ضحك. كل ما الشيخ يسئل ترتفع معنوياته و بعدين ما يسمع جواب و يضوج ههههههه. الشيخ رجع يسئل أشواق: : أشواق حسن ال ـــــــــ هل ترضين بسيف حسام ال ــــــــ زوجن لكي؟ ان وافقتي قولي نعم و انتة وكيلي ماكو رد و أخيراً وصلو للاثنعش سؤال. الشيخ بعد ما شرب ماي ( خطية راح صوته هههههه) : : أشواق حسن ال ـــــــــ هل ترضين بسيف حسام ال ــــــــ زوجن لكي؟ ان وافقتي قولي نعم و انتة وكيلي أشواق من ورا الباب و هيا ميتة خجل: نـــ نعم..و انتة....وكيلي! رجعت من الصالون وي أسراء, شمس, مريم, أم علي و أم سيف صعدت لغرفتها و لحقتها أسراء. بعد شوي و يجون المعازيم. خلينة نوصف أشواق: شعرها كان مسرح من فوك و ملولو من جوة. بدلتها بنفسجية و شدتها على الرقبة (هالتر توب) و بيها شغل ناعم من جوة. كانت طالعة روعة بمعنة الكلمة و مكياجها سموك بس. باختصار طالعة ناعمة بس جذابة. أسراء كانت لابسة بدلة زرقة شذرية و شعرها مسرح. المهم..... المعازيم اجو و هسة أشواق لازم تنزل بس هيا خايفة هواي. أسراء: يا الله حبيبتي أشواق لا تطولين أنا نازلة كدامج أشواق لزمت أسراء: لا! لا تروحين خليج وياي ارجووج... أسراء: ههههه حبيبتي أشواق شلقصة ما اكدر انزل وياج. أشواق: ليـــــش؟! أسراء بدهشة: ياء؟ أشواق حبيبتي شبيج؟ أصلا هذا عقد مو حفلة زواج والله ما ادري شراح تسوين يوم الزواج هههههه يا الله حبيبتي سمي بلرحمن و نزلي. نزلت أسراء و كعدت يم اختها. بعد خمس دقايق نزلت أشواق على الدرج. أمها و عمتها أستقبلنها و هنا يصلن على الحبيب محمد (ص) و باسنها و كعدنها على الكرسي. أسراء تقربت من المسجل و حطت أغنية البدر لراشد الماجد. صح انو هاي الاغنية للعرس بس اليوم أسراء فرحانة لأشواق هواية و همينة هيا تموت على هل أغنية. أم سيف كعدت يم أشواق: الف مبروك حبيبتي أشواق و هيا خجلانة: الله يبارك بيج عمتي راحت أم سيف يم المعازيم. مريم و شمس غيرن الاغنية و كامن يرقصن ( على فكرة مريم عمرها 13 يعني اكبر من شمس بسنة) أسراء و هيام كامن و كعدن يم أشواق لان شافنها متوترة. هيام: ها شلونها عروستنا؟ أشواق: مو زينة أسراء: هههههه افاء...ليش القمر زعلان أشواق: هههههه تتغزلين بيا...بعد ما تكدرين صقط حقج ههههههه أسراء: ههههههه ايه مو سيف طغة عليج أشواق استحت بس ضحكت على أسراء و سوالفها. هيام: ها أشواق شنو شعورج؟ أشواق: بلصراحة جنت كللش متوترة بس هسة ارتحت دام انتن وياي أسراء: ندري انتي ما تستغنين عنه صح هيام هيام: ايييه طبعاً و ابصملج أشواق: اكول سكتن و كومن رقصن أسراء:ههههه حااضر...يا الله هيام هيام: لا أسراء ما اعرف خليني كاعدة أسراء و هيا تجر هيام: يوه والله ما ينرادلها شي يلا تعاي كامن يرقصن و هيام ماتعرف تسوي شي بس تحرك ايدينها و أشواق تضحك عليهن. بعد تقريباً ساعة و نص سيف و رامي و علي و أبو علي اجو لان سيف يريد يدخل( مو اكلللكم الاخ مستعجل هههههه) أبو علي خابر البيت و ام علي شالت ابو علي: الو نجلاء ام علي: هلا حسن..خير ابو علي: خير انشأالله بس اجينة لان سيف يريد يدخل ام علي: انشاالله بس انطينة خمس دقايق على ما النسوان يتحجبن ابو علي: انشأالله... يا الله مع السلامة ام علي: مع السلامة ------------------------------ ام علي للمعازيم: خواتي العريس راح يدخل ...اتحجن .............. بعد خمس دقايق دخل سيف وبدت الهلاهل و أشواق وحدها ميتة خجل بس امها يمها و بدت القولات العراقية: سيوفي طفي الكلوب خدها يشع وي الثوب ............ هاي الرادها و هاي التمناها بت الشيخ لأبن الشيخ جبناها أشواق رغم توترها تضحك على القولات. سيف اتقرب منها و هيا جمدت سيف: الف مبروك و باسها على جهتها. أشواق بهمس: الله يبارك بيك كعدو ثنيناتهم و أشواق تدور على الشال مال بدلتها لان نص ظهرها طالع و هيا ميته خجل. ما لكته لان شافته بايد أسراء و أسراء تضحك عليها. أشواق احترقت أعصابها و هيا تتوعد باسراء. أم سيف جابت الذهب لسيف على مود يلبسها. طلع العقد و لبسها العقد و هيا ميتة خجل بس هذا مو شي الصعب...الاصعب جاي بعده :لازم تكعد وياه ...وحدها! خلصو من لبس الذهب و هسة لازم واحد يوكل و يشرب الثاني هههههه أم علي و أم سيف انطوهم الكيك و سيف بدت يوكل بأشواق و هيا نفس الشي و بعدين شربو العصير. طبعاً طول هل وكت سيف ممصدق و فرحااان و أشواق ماكلها الخجل هههههه. قبل ما يطلع سيف امه كالتله يرقص وياها و هو أستحة شوي لان الغرفة مليانة نسوان بس سوة اللي امه كالته. أسراء راحت و حطت أغنية ياالجمالك سومري لان هل اغنية هادئة بس حلوة. سيف لزم أيدين أشواق و بدا يحركها (عبالك لعبة هههههه) ----------------------------- عدت الشغلة على خير و سيف طلع و راح يرجع بعد شوي. المعازيم سلمو على أشواق راحو. و بعدها رجع سيف على مود يكعد وي أشواق. خلة الجو و سيف و أشواق كعدو وحدهم بلصالة أثنينهم ساكتين لان ما يعرفون شنو يقولون بس سيف قرر يكسر الصمت سيف: شلونج أشواق و شلون الدراسة؟ أشواق بصوت خفيف: الحمد لله سيف: شراح ادخلين أشواق: ما ادري يمكن انجليزي سيف: هذا اختيار زين لان انا اكدر أساعدج أشواق ما جاوبت بس هزت راسها سيف: تدرين شنو انا ما اكدر اكتم اللي بداخلي أكثر أشواق باوعتله و ماافتهم قصجه شنو سيف: انا ما احبج أشواق طاح قلبها بس قبل ما تنطق بشي سمعت سيف يقول سيف: انا امووووووت عليج! يتبع... |
مشكوووورة خيتوو نوررر ع الروايه الرووعه
وننتظر البقيه |
يسلمووا نور ع الجزء وباانتظار البقية |
مشكوره نور
وقواش الله |
متااابعه تحيتي لكٍ عزيزتي نور |
وينك خيتوو نوور
نستنى الجزء الجديد |
متابعين للقصـة أميرة شكلها احترقت ^ـــ^ ننتظرك أختي نور و بالتـوفيق ..* |
أشكر لكم متابعتكم أخواتي الجزء الثامن عشر: أسبوع ورا العقد: سيف: يا الله أشواق راح نتئخر أشواق و هيا نازلة على الدرج: هاي انا اجيت سيف: يا الله حبيبتي أشواق استحت لان امها و ابوها و عمتها كانو موجودين و هيا بعدهي ما متعودة على سيف ابو علي: وين راح تروحون سيف: راح نروح للكورنيش و نتمشة شوية ابو علي: خير انشأالله بس لا تتئخرون لان خطرة الدنيا سيف: انشأالله أشواق: مع السلامة الكل: مع السلامة سيف لزم أيدها و طلعو ------------------------ على الكورنيش: سيف و أشواق يتمشون و محد يحجي بس سيف عاجبه الوضع لان لازم ايد أشواق و يتئمل بيها على كيفه (هههههه ما صدق) سيف: حبيبتي أشواق بخجل: نعم سيف: خليني اسمع صوتج أشواق و هيا مستحية أكثر: ههههههه سـيـــف سيف: قلب و روح سيف أشواق: ههههه كل هذا اللي...لعد ما بقة الك شي سيف: شلون ما بقة اللي شي و انتي روحي و الهوة اللي اتنفسة أشواق: سيف! و الله استحي ..كافي سيف: مالي حاجة..اصلاً انا ما اكدر اتحكم بقلبي أشواق: اوكي اتفهمت موقفكك هههههه سيف: اشحلات هل ضحكة ههههههه سكتو شوي بس بعدين سيف كال شي سيف: أشواق...انا احبج أشواق تعرف هل شي بس بعدها تستحي سيف: كولي شي أشواق: انا همينة سيف: انتي شنو أشواق: هههههه لا اعرف شكاعد تسوي سيف سوة روحه وعلان: انا زعلت أشواق: ليــــش سيف: اوكي كوليها أشواق: والله ما اكدر سيف: ليش..انتي ما تحبيني؟ أشواق: لالا..انا تعرف سيف: اوكي كوليها أشواق و وجهها احمر: اوكي بس دور وجهك سيف: حااضر و دار وجها أشواق اتنفست بعمق: انا...انا..أحبــك دار الها بهدوء و حضنها سيف: يا بعد قلبي و انا أموت عليج أشواق و هيا ميتة خجل: سيف..عيب الناس تشوف سيف: خليهم يشوفون..انتي مرتي...زوجتي...حبيبتي..روحي و ابعد عنها أشواق: هههههه اموت على حركاتك سيف و هوا يمثل انو قلبه تعور: اخخ! قلبي ..ما اكدر استحمل...الحبيبة بنفسها تمدح بيا أشواق: هههههههه ضلو يمشون بعدين أشواق سئلت سيف أشواق: سيف..تحب الشعر سيف: أموت عليه أشواق: صدك! همينة انا سيف: تدرين اني كتبت شعر من حبيتج أشواق: هههههه صدك؟ سمعني سيف قاللها الشعر اللي كتبه ( تتذكروه؟) سيف: انا همينة احب نزار قباني و الجوهري أشواق: حتى انا....حافض شي منهم سيف: ايه حافض من نزار قباني... بعدين خذة ايدها و كعدو على مصطبة وحدهم سيف باوع بعيون أشواق و كال: يا سيدتي لا اتذكر إلا صوتك حين تدق نواقيس الآحاد لا اتذكر إلا عطرك حين أنام على ورق الاعشاب لا اتذكر إلا وجهك حين يهرهر فوق ثيابي الثلج و أسمع طقطقة الآحطاب (من نزار قباني,قصيدة: حب بلا حدود) أشواق: الله...كلمات حلوة هواي سيف بابتسامة روعة: و الاحلة انو انا اعني كل كلمة كلتها أشواق ابتسمت له و هيا تحس انو الحب اللي بداخلها يكبر بكل كلمة سيف يكولها سيف: أشواق...اريد اسئلج سؤال أشواق: اتفضل سيف: انتي ليش اصريتي انو تضلين بلعراق رغم انو الناس هسة بس يريدون يطلعون من العراق أشواق: لان انا انولدت بلعراق...و عشت بلعراق...و اريد اموت بلعراق سيف: بعيد الشر..لا تكولين هل حجي والله كأنو كاعدة اطعنين بيا أشواق: أسفة...بس هاي الحقيقة يا سيف...و انا اعرف نفسي..ما استحمل الفراق عن اهلي..ما استحمل سيف: تدرين كلامج صحيح...الغربة شكد ما ترتاحين بيها مو مثل الوطن أسراء: هههههههه يعني و اخيراً وكعتي بحب الاستاذ سيف أشواق: ههههههه ما تكعدين راحة أسراء بجدية: الله يوفقكم انشأالله أشواق: الله يسمع منج و انشأالله الله يرزقج بلزوج الصالح أسراء بحزن: أشواق انتي تعرفين اني ما اكدر اتزوج أشواق: يا حبيبتي يا أسراء ليش تحطين هل حواجس كدامج أسراء: شلون اتزوج و بس انا اللي اكدر ادير باللي على اخواني...مريم زغيرة و ما تكدر تدور بيت وحدهة و تدير بالها على اخواني الزغار...و اصلاً شلون اخلي ابوي وحده و هوا يجي من الشغل هلكان...ما اكدر يا أشواق ما أكدر..و بدت تبجي أشواق انكسر قلبها على صديقتها: يا حبيبتي يا أسراء...يا الله صبري و بعد الصبر يجي الفرج أسراء و هيا تمسح دموعها: انشأالله تفرج...يوووه انا ضوجتج و انتي توج فرحانة أشواق: لا تكولين هيجي يا أسراء...اذا انتي مو فرحانة شلون الفرح يجي لقلبي أسراء: يا حبيبتي ....أموت عليج أشواق تريد تغير الجو: لا لا هل جملة بس لسيوفي...هوا اللي يقولها اللي و بس ههههههه أسراء: ههههههه اسفين اسفين...بس تدرين هذا سيف ينرادله فركت اذن...غيرج علية ههههه أشواق: ما اسمحلج ههههههه أسراء: سبحان مغير الاحوال...قبل جنتي تموتين من سيرته و هسة صايرتله محامي دفاع ههههه أشواق: ههههههه قبل غير...هسة هوا..زوجي...و..و أسراء تريد تحرجها: و..و حبيبج..كوليها و خلصينة هههههه أشواق استحت بس ضحكة. أشواق: اكول أسراء تعاي يمي و جيبي مريم وياج أسراء: لا ما اكدر ابوي بعده بلشغل أشواق: ابوج بعد ساعة راح يجي صح...من يجي صبيله غدا و استئذني منه أسراء: مادري...اشوف و كملن حديثهن و أشواق جربت انو ترفع من معنويات اسراء لان تعرف انو الم فراق امها يحرقها يوميا. ------------------------------- جوة بلصالة: سيف: خالي ميخالف رامي يجي لهناه ابو علي: ايه عادي خالي ابو رامي صديق عزيز علية و ابنه همينة بس انا راح اطلع للقهوة سيف: ليش ما تضل ابو علي: والله ضايج...امس اتوفة واحد بل شغل مالتي سيف: الله يرحمه...على راحتك ابو علي: يا الله من رخصتك و اذا خالتك ام علي ترجع من الصوق قوللها انا بلقهوة سيف: انشأالله طلع ابو علي و سيف طق على تليفون رامي رامي: الو سيف: شلونك رامي رامي: هههههه هلا سيف ما عرفت صوتك سيف: ليش غرقان بلحب و احنا ماندري هههههه رامي: هههههه لا يابا خلينة الحب الك سيف: هههههه المهم...عندك شي رامي: لا بس كاعد اباوع تلفزيون سيف: اوكي بدل ملابسك و تعال يمي رامي: ليش صاير شي؟ سيف: لا ما صاير شي بس اريد اكعد وياك لان زهكان رامي: هههههه اوكي هسة انشأالله عشر دقايق و جاي سيف: يا الله مع السلامة رامي: مع السلامة ----------------------------------------- فوق يم أشواق: اسراء طقت على أشواق أشواق: هلا سراوي أسراء: هلا حبيبتي أشواق: ها ابوج اجة أسراء: ايه و حطيتله غدا و هسة انشأالله بعد عشر دقايق او ربع ساعة راح اكون عندج ----------------------------- نزلت لجوة و ماشافت واحد بس سيف و ابتسمت بخجل لان اتذكرت المرة من نزلت و اغمة عليها سيف: هلا والله بلقلب أشواق: هههههههه انتة كم دلع منطيني سيف: الدنيا كلها ...اميرتي...قلبي...حبي...روحي...حياتي...انفاسي أشواق: ههههههه كافي كافي قلبك يكفيني سيف:هههههه ....حبيبتي رامي راح يجي أشواق: حتى انا صديقتي أسراء راح تجي سيف: اخ لو داري انو انتي راح تنزلين جان ما خابرت رامي و بس نكعج انا وياج أشواق استحت من كلام سيف و راحت للمطبخ على مود تحضر شي لأسراء و رامي. سيف لحكهة للمطبخ سيف: شراح تسوين حبيبتي أشواق: ما ادري راح اصب عصير ...و كملت و هيا تفكر: تريد كيك سيف كال بكل حب: اريدج أشواق بخجلها المعتاد: سيف...مو وكته...و الله احرجتني سيف: ههههه يمة اموت على هل خجل أشواق: هههههه بدل ما تكحلها عميتها و ضل يتغزل بيها و هيا تحضر الأكل ( ما صدق ههههه) ------------------------------------------- برة بيت أبو علي: أسراء: يا الله مريم ...هسة وكتج انتي و ورداتج مريم: صبري شوية وحدة وقعت مريم مدت ايدها للكاع على مود تشيل الوردة مالتها بس سبقهة واحد ثاني رامي و هوا يقدم الوردة لمريم: هاي الج؟ مريم بابتسامة: ايه مشكور و دارت وجهها لان أسراء ضغطت على ايدها بمعنة يا الله أسراء دكت الباب و مريم وراها و رامي لحكهن أسراء ضاجت من حركة رامي: نعم اخوي تريد شي؟ رامي : لا أسراء: اذن ليش لاحكنا رامي: انا مالاحكجن و أصلاً هذا مو بيتج أسراء عصبت كلش من وقاحت هل شاب : لو سمحت لا تغلط رامي بذهول و هوا يئشر على روحه: انا غلطت؟! أسراء دارت وجهها و دكت الباب مرة ثانية سيف فتح الباب و وراه أشواق أشواق و هيا تجر أسراء من ايدها: اهلاً أسراء ...و شافت مريم...هلو مريوم ياالله دخلن دخلن أسراء و مريم و أسراء انطت رامي نضرة اسهزاء سيف: يا الله رامي حياك رامي: اهلا سيف...زاد فضلك ( بس بلداخل رامي كان ميت قهر من أسراء و نضراتها) يتبع.. |
الله يعطيش العافية نور ننتظـر التكملـة .. |
ههههههه اي غصون محترقه
مشكوورة غنااتي نور ع التكمله وننتظر البقيه |
الجزء التاسع عشر: فوك عد أشواق و أسراء: أسراء: اووف هذا الولد يجيب السكر أشواق: ههههه شبيـــج؟ شصار؟ و تعاي كعدي دوختيني و انتي رايحة جاية أسراء كعدت و اتنهدت: تصدقين يكولي ( و هيا تقلد صوته) انا مالاحكجن و أصلاً هذا مو بيتج أشواق: هههههههههههههههه اصلاً هذا مو صوت رامي أسراء: ادري صوته قبيح مثله أشواق: لا ما اسمحلج تغلطين على صديق سيف أسراء: يعني هسة حتى أصدقائه راح تدافعين عليهم؟ أشواق: هههههه ايه و اصلاً انتي هم غلطانة ترى هوا ما جان لاحكجن أسراء: ايه ادري بس شكله حان يكول ان هوا يلحكنه أشواق: اوه يا أسراء من افكارج...يا الله خلينة نغير السالفة أسراء: خوش...و انتبهت انو اختها مريم نو بلغرفة: أشواق وين مريم؟ أشواق: يعني وين تروح...يم شميس و كملن سوالفهن --------------------------------- جوة بلصالة: سيف: يا اخي اهدء ما صار شي رامي: ادري ما صار شي بس والله حركت روحي سيف: يا اخي صار سؤ تفاهم...هيا عبالها انتة تلحكة فضاجت رامي: و انا ناعندي لا شغل و لا عمل بس الحك مرة و بتها سيف: هههههه اصلاً هاي مو بتها...هاي اختها رامي: ايه عبالي شكلها زغيرة سيف: المهم خلينة منها...راح اجيب جاي و كيك رامي: انتضرك ------------------------------------------- أسراء: يووه أسراء خذانة الوقت أشواق: لاا بعد وكت أسراء: شنو بعد وكت...راح يصير المغرب و خطرة الدنيا أشواق: ايه بس بيتكم قريب أسراء: و اذا...هسة ابوي راح يخابر...فخليني اروح أشواق بضيق: خوش راح اروح اصيح لمريم أسراء: يا الله أشواق راحت و صاحت لمريم و أسراء و مريم و شمس و أشواق نزلن رامي هم كان كايم يريد يروح رامي لسيف: يا الله يا سيف انا استئذن سيف: لا بعد وكت رامي: هههههه غير مرة انشأالله مريم: شمس لا تنسين خلي الوردات بماي و لاتخليهن يموتم أسراء: شوف هاي...ما همها الى ورداتها أشواق: و شبيه الورد...ترى ماسمحلج تحجين على مريوم..و حضنت مريم مريم: ههههههه شوفي أسراء انا هم عندي محامي دفاع أسراء: شوف هاي بلة هل أيام ادافع على الكل و غمزة الها أشواق خدودها احمرن وأستحت لان رامي و سيف قريبين أشواق: اشش سكتي! أسراء: ها هسة اسكت مو هههههه أشواق: هههههه والله خبيثة أسراء: هههههو افتخر....يا الله مع السلامة أشواق: مع السلامة أسراء خذت ايد مريم و طلعت سيف همس باذن رامي: رامي روح امشي وراها خاف يصير بيها شي لان الدنيا مغرب رامي عصب: عود من صدكك تحجي...على مود تقلب الدنيا فوك راسي مو؟ سيف: لا تخليها تلاحضك...خطية والله حرام...ترى اذا صار بيها شي أشواق تموت رامي: ايه دكول هيجي..خايف على مرتك مو على البت سيف: ههههه يا الله رامي دام انتة طالع رامي بعد تفكير: انشألله هسة راح ارود رامي أستئذن و طلع سيف لاشواق: هذولة من اول لقاء كرهو بعض ههههههه أشواق: ايه والله من انا و أسراء جنة فوك..كانت تنفخ و معصبة هههههههه ---------------------------- كان يمشي وراها و يحاول انو ما يخليها تشوفة بس يكدر يسمع شنو تقول و كل ما أسراء تلتفت يحاول يلبد هههههه مريم لأسراء: أسراء... أسراء: ها حبيبتي مريم: مشتاقة لماما أسراء انصدمت لان من زمان ما فاتحة موضوع امها وي اخواتها أسراء و الغصة حاصرتها: حتى انا حبيبتي...بس هيا هسة عد الله مريم: ادري بس...مشتاقة والله مشتاقة أسراء: حبيبتي والله كلنا مشتاقين بس تدرين ماما ماتحب واحد من يبجي عليها... و اتنفست بعمق: لان..لان دموعنا تئلمها مريم: صدك؟ اذن انا كاعد اعور ماما هواي لان يومية ابجي عليها أسراء تعور قلبها على اختها: لا مريوم لا تبجين عليها و اصلاً انتي عمرج 13 ...كبرتي و صرتي حليوة...فأدعي الها و ريحيها مريم: انشأالله رامي من وراهم كان مصدوم ما توقع انو أم أسراء و مريم متوفية و شفق عليهن خاصتاً مريم لانها زغيرة و تريد حنان الأم ابتعد شوي لان شافهن يفوتن للبيت رجع للبيت و هوا يفكر باللي سمعه ------------------------------------ مرن الأيام و بقة أسبوع على زواج سيف و أشواق و الكل فرحان و متحمس أم سيف, أم علي, سيف, أشواق, علي, و شمس كانو كاعدين بلصالة بس أبو كان بلشغل أم سيف و أم علي يحجن و سيف و أشواق بس يباوعون لبعض و أشواق مستحية و علي و شمس يضحكون عليهم سيف لأشواق: اكول حبيبتي أشواق: هلا سيف: هل أسبوع أكيد راح تكونين مشغولة صح؟ أشواق: ايه صح لان راح يكون العرس باخر الاسبوع (و كالتها بخجل) سيف: اوكي قبل ما تنشغلين كلش اريد اطلع وياج اليوم أشواق: ايه حتى انا سيف: زين خلينة نصلي و نطلع بلعصر أشواق: اتفقنة علي بصوت عالي: اكوووول شموس شمس: ها علي: مو جنة منسيين هل أيام شمس بصوت عالي: ايه والله سيف: ههههههه شنو تريدون تحشرون روحكم ويانة علي: لا حبيبي أبقة بكرامتي احسنلي سيف: هههههه ايه أحسنلك... و تدرين شنو شموسة؟ انا انشأالله راح اطلعج انتي و علي باجر او اللي بعده ها رضيتو؟ شمس: هههههه ايه رضينة ------------------------------- سيف و أشواق صلو و طلعو بلعصر و همة يتمشون: سيف: ها حبيبتي وين تريدين تروحين؟ أشواق: والله بكيفك بس أشرايك تضل نتمشة و نحجي و بعدين نروح ناكل شي سيف: خوش فكرة ضلو يتمشون و يحجون و طبعاً كل دقيقة و الثانية سيف يتغزل بأشواق سيف: تدرين ما اكدر انتضر أشوفج ببدلة العرس أشواق:ههههه لا بهاي لازم تنتضر لان ماراح اخليك تشوفني بلبدلة الى بيوم العرس سيف: يووه بس اكره الانتضار أشواق: ههههه ادري مو من رجعنة لبغداد و سويت بسرعة العقد سيف: هههههههه شسوي من شوقي أشواق: ههههه يسلملي هل شوق سيف: اخ! ما اكدر اتحمل...ياربي شحلاتج أشواق: ههههه سيـــف! بس كلت كلمة...اذا اتغزل بيك شراح تسوي سيف: اكوم اطير أشواق: هههههه سيف: تدرين يا اغنية تجي وياي؟ أشواق: يا أغنية؟ سيف: قصر الشوق..حتى اسمج يروح وياها أشواق: ههههه سيف: شوفي يكول: صوتك وجهك عطرك شعرك لمسة إيدك عم تندهلي شايف فيكي إم ولادي شامم ريحة أرضي و أهليعارف خلف البحر الأزرقلما الشمس تموت بتخلقعارف إنك عمري الجايي لما الماضي ببحرك يغرق قولي بحبك قلبي بيكبروسع الكون و إرجع إزغر عمر فوق الرمل الدايب قصر الشوق اللي ما بيتعمر بحلم فيكي و عم بتأمل يكبر مره الحلم و يكمل وعمر بيتي ع إديكي غيرك زغيره يصير الأجمل شو مشتاق البيت زْغَيَرْ وإنت تحبيني مش أكثر وشبابيك الإلفه ضويوبواب الحيره تتسكر دقة قلبك ترسم قلبي عمرك عمري و دربك دربي مشتاق لوجهك يحميني يحميني من وجوه الكزبه وسع الكون و إرجع إزغر عمر فوق الرمل الدايب قصر الشوق اللي ما بيتعمر بحلم فيكي و عم بتأمل يكبر مره الحلم و يكمل وعمر بيتي ع إديكي غيرك زغيره يصير الأجمل أشواق: همينة حافض الأغنية كلها؟! سيف: هههههه طبعاً من كثر ما افكر بيج من أسمع الأغنية أشواق حست بكبر حب سيف الها و ارتاحت أكثر ضلو يحجون و يتمشون و قررو يروحن ياكلون بمطعم فجئاةً الأرض اهتزت من جوة رجليهم --------------------------------------- فتح عيونه و شاف الناس هنا و هناك و الصراخ من كل جهة ما عرف وين أشواق بس ضل يباوع و لمحها زحف الها و هوا ما يحس بلألم اللي بجسمه لان همه الاول و ألاخير أشواق بعد معاناة وصل الها و شاف الدم مغظيها و مبينة انو هيا بألم شديد سيف: أشــــ واق أشواق و هيا على الأرض: ســـ سيف كعد على الكاع و حط راسها بحضنه سيف: حبيبتي أرتاحي...هسة الله يساعدنا أشواق و هيا تحاول تحجي: ســـ سيف انا احس اني راح أموت سيف برعب: أشواق...لا...لا تقولين هيجي ..حبــ..حبيبتي لا أشواق و هيا تاخذ نفس عميق: سـيف...ارجوك أسمعني...أنا...أ..نا أحبك...لازم تعرف هل شي...و سلملي على أمي ...و...و أ بوي..و عمتي....و عــ لاوي و شموسة سيف: حبيبتي لا تتعبين نفسج هسة الأسعاف راح يساعدونه...و صار يصارخ يريد واحد يساعده بس محد يسمعه من كثر الناس أشواق و هيا تحط أصبعها على حلكه: حبيبي خلـــ يني أكمل...كول لأسراء اني أموت عليها و كلولها اني راح أزعل اذا ما تزوجت...أرجوك سيف خليها تتزوج ....و كفت عن الحجي لان حست انو ما تكدر تتحمل الألم أشواق: آه.... سيف و قلبه يتقطع على أشواق و خلاص دموعه نزلن: سلامتج من ألاه أشواق و هيا تضحك بتعب: هههه حبيبي...أحبك سيف و دموعه كامن ينزلن بغزاره: أحبج ترقبوا الجزء الــ20 والأخير تحياااتي نور... |
خيتوااااااا نور حبيبتي لاتتاخري في الجزاء الاخير تسلم ايدنج ياغناتي |
مشكووورة نوور
وننتظر الجزء الاخيلر لاتطوليين |
يسلمووو تور
بنتظار الجزء الأخير لا تتأخرين |
الجزء العشرون و الأخـــــيـــــر: سيف و هوا يهز بأشواق: أشواق..أشواق...كومي يالله خلينة نروح أشواق ما ترد سيف بخوف و صوته يعلة: أشواق...أشواق...كومي لا تخوفيني سيف و دموعه نزلن مثل الشلال: أشواق..أشواق..كومي..كومي...أنا سيف سيف ...مو كلتيلي أحبك...ليش تعوفيني؟ لا تروحين عني...لأ...لأ.. سيف:لأ... شوقج..شوقج يكتلني...بدمرني...يذبحني سيف بصرخة: أشواق! فجئتاً كعد من النوم و كعد أمه وياه اللي جانت نايمة على الكرسي اللي يمه أم سيف بخوف: أسم الله يمة...شبيك؟ سيف برعب: يمة..يمة وين...أشواق؟ أم سيف: الحمد لله على السلامة يمة..الف الحمد لله و الشكر أم سيف ابتسمت: هاي هيا يمة و أشرت على الغرفة اللي يمهم سيف: اريد أشوفها..خليني أشوفها أم سيف: حبيبي ماتكدر والله ما تكدر..ايدك مكسورة و رجلك مكسورة و همينة سوينالك عملية لبطنك سيف: ليش اشبيها بطني؟ أم سيف: مدري شداخل بيها من صار الأنفجار سيف: بس يمة ماراح ارتاح الى لمن أشوفها أم سيف: يا يمة والله الدكتور مانع الزيارات الها سيف بخوف : ليش اشبيها ؟ أم سيف و هيا تنزل راسها: هسة هيا بغيبوبة سيف اتفاجئ: شنو؟ بغيبوبة؟ لاااا! يا ليتني انا اللي بمكانها أم سيف و عيونها يدمعن: لا يمة أسم الله عليك و انشأالله تقوم بلسلامة سيف بقهر: عود هذا الأسبوع عرسنا أم سيف: لا يا سيف كلشي يتعوض بس البشر و على طاري العرس يتئجل لمن تقومون بلسلامة سيف و هوا يرجع روحه على السرير على مود يرتاح: انشأالله أم سيف: يا الله ماما ارتاح ----------------------------------------------------------------- بعد شهر: سيف كاعد على كرسي يم سرير أشواق سيف: صباح الخير قلبي سيف: شلونج اليوم...حبابة كعديلي سيف: شوقي أرجوج...كعدي اللي فتح القرأن و بدا يقرا على مود يهدي روحه و روح أشواق بعد تقريباً نص ساعة سيف سمع دق على الباب فحط القران على الطاولة و راح فتح الباب سيف بأبتسامة: هلا أسراء اتفضلي أسراء: زاد فضلك أخوي...و دخلت و بيدها باقة ورد أسراء: ها الحلوة شلونها اليوم سيف: آه...والله على حطت أيدج غايبة عن الوعي أسراء: الله يشفيها أنشأالله ضلو ساكتين شوي بس بعدين سيف حجه سيف بتررد: أسراء... أسراء: ها سيف: اكو موضوع اريد أكلجياه بس ما اعرف شلون ابدي أسراء: لا يا سيف انتة مثل أخوي أتفضل سيف: مشكورة والله.....احنا...من صار الأنفجار..و غمض عيونه هنا و كمل....أشواق...أشواق وصتني بلع ريكه و وكمل: وصتني لان حست..حست انو راح تــــ موت أسراء دمعن عيونها بس لاحضت شلون هل شي صعب على سيف يكوله سيف: و صتني عليج....و كالت هيا تموت عليج....و..و...كالت أسراء: كمل أخوي سيف و هوا منزل راسه لان مستحي: كالت انو لازم أسراء تتزوج...كالت تزعل عليج اذا ما تزوجتي أسراء خلص نزلن دموعها: حتى و هيا تريد تموت تفكر بيا سيف ما كال شي بس بقلبه يقول أسم الله على قلبي من الموت بعد صمت طويل سيف: اختي أسراء..ادري هذا الموضوع محرج بس أوعديني انو راح تتزوجين..اريد أشواق من تكعد تفرح ارجوج أسراء: أنشأالله أسراء: يا الله انا أستئذن سيف: وين توج ما كعدتي أسراء: لا والله أبوي ينتضرني و انشألله المرة الجاية اجي و الكة أشواق كاعدة سيف من كل قلب: أنشأالله طلعت من الغرفة و لاكت رامي بلممر رامي فرح من شافها: هلا أسراء اشلونج أسراء و هيا مستحية: الحمد لله بخير..انتة شلونك؟ رامي: والله بخير دام انتي بخير أسراء خجلت من كلامه و هل أيام كامت دوم تشوفه لان دائماً وي سيف و بعد أول لقاء ما تعاركو ههههههه رامي حب يزيل الأحراج عنها: ها شلونها أشواق؟ أسراء بحزن: والله بعدهي بلغيبوبة بس أنشأالله الله يكومها بلسلامة رامي: أنشأالله أسراء: يا الله أخوي انا أستئذن رامي: اذنج وياج طلعت أسراء من المستشفى و رامي راح يزور سيف و أشواق رامي دك على الباب سيف: منو؟ رامي: انا رامي سيف: لحضة سيف لبس أشواق الحجاب بعدين كام و فتح الباب لرامي سيف: هلا رامي أشلونك رامي: هلا بيك سيف سيف يئشر لرامي: اتفضل اتفضل رامي: مشكور رامي و هوا يكعد على كرسي: لاكيت أسراء بلممر سيف: ايه توها جانت يمنة ضلو يسولفون و بعدين سيف دار وجهه لأشواق فز من مكانه سيف متفاجئ: رامي رامي! أشواق فتحت عيونها رامي كام و شاف انو فعلاً فاتحة عيونها سيف: رامي روح..روح بسرعة صيح للدكتور رامي ركض من الغرفة و دور على الدكتور حسين المسؤل عن حالة أشواق رامي و هوا يلهث: دكتور..دكتور بسرعة نريدك بلغرفة دكتور حسين: خير أشصاير؟ رامي: بعدين اكلك هسة بس تعال وياي و اثنياتهم سرعو للغرفة دخلو للغرفة و شافو سيف يم أشواق و ينتضر على نار الدكتور حسين تقرب من أشواق و سيف سيف: دكتور ..دكتور شوف فتحت عيونها الدكتور حسين بخيبة أمل: ادري يا ابني..عادي سيف و هوا ما فاهم: شلون عادي..هاي هيا يعني كعدت من الغيبوبة....صح؟ الدكتور حسين و هوا يحط ايده على كتف سيف: يا ابني الواحد اللي بلغيبوبة عادي يفتح عيونه و يتحرك...اذا فتحت عيونها مو معناته كعدت...بس أنشأالله تفيق قريباً سيف و قلبه مكسور: أنشأالله الدكتور حسين استئذن و طلع من الغرفة رامي أتقرب من سيف و حط ايده على كتفه رامي: ميخالف سيف خلي أيمانك بالله قوي سيف يتنهد: والنعم بالله ------------------------------------------ بعد اربعة أشهر: سيف سافر لأميركا لمدة قصيرة على مود ينقل كل شغلاته للبيت اللي بلناصرية و يخلص أوراقه و بعدين رجع اما أم سيف فهيا رجعت لأمريكة على مود أطفالها بس بين فترة و فترة تزور ------------------------------------------ فتح الستاير على مود الشمس تدخل للغرفة سيف و هوا يدور وجهه لأشواق سيف: ها حبيبي...اليوم عيد ميلادي..ماراح تهديني هدية كومتج بلسلامة؟ سيف كعد و أتنهد: آه...حبي كعدي..لعيوني سيف و دموعه بعيونه و حط راسه على قلبها: مشتاق لصوتج يا قلبي نزلن دموعه الحارة على صدر أشواق: حبيبتي...والله مشتاق...مشتاق لعيونج...لحجيج. سيف مسح دموعه كام يريد يجيب شي يأكله لان جاي من الصبح على لحم بطنه و قبل ما يطلع كال: يعني ما راح تكوليلي كل عام و انتة بخير؟ كل...عـــام و ....انـ تة.....بخــ ير.........................حبــيبي سيف سمع هل همس و التفت لورة و هوا مذهول شاف أشواق و عيونها مفتوحة ركض الها و هوا مامصدك لزم أيدها: أشواق....حبيبي....انتي كعدتي....احمدك و أشكرك يا رب...الف الحمد لله بعدين أتذكر الدكتور لان كاله اذا كعدت صيحولي بسرعة سيف و هوا يركض برة الغرفة و يسئل كل ممرضة على الدكتور و أخيراً لكاه بمكتبه سيف جاباه لغرفة أشواق و سيف يريد يطير للغرفة مو يمشي الدكتور دخل للغرفة و شاف أشواق كاعدة دكتور حسين أبتسم: الف الحمد لله على السلامة بنتي أشواق ما كدرت تحجي لان تعبانة فأكتفت بابتسامة دكتور حسين فحصها و سيف يدور منا و منا مامصدك دكتور حسين و هوا ينزع السماعات عن اذاناته: لا الحمد لله احسن من قبل بهواية بس لازملج دم سيف بلهفة: انا انا انطيها من عندي دكتور حسين لاحض شكد سيف يحب أشواق: ههههه يا ابني أصبر أشوي لازم نشوف اذا دمك نفس دمها سيف: لا من هاي الجهة لا تخاف انا محلل قبل و دمي ab نفس دمها الدكتور حسين: انشأالله يصير خير أبني و راح نسحب دمك و ننطيهة بأقرب وقت سيف: ليش مو هسة سيف شاف أشواق تهز براسها و الرعب بعيونها بمعنة لأ الدكتور حسين: نكدر نسويها هسة بس أشواق تعبانة هسة سيف: اللي تشوفه دكتور الدكتور حسين: الله يخليك...يا الله انا استئذن و ابني سيف لا تتعبها ترى هيا توها كاعدة سيف: من عيوني طلع الدكتور و سيف رجع كعد يم أشواق سيف بدا يمسح على رأس أشواق و هوا يبتسم و طاير من الفرح سيف: الحمد لله على السلامة يا قلبي أشواق أبتسمت له أشواق بصوت مبحوح و خفـــــــيف لدرجة: اريـد...ماي سيف كام بسرعة و صبالها ماي و شرباها سيف: والله طولتي الغيبة يا روحي... يومية أنام و دمعتي على خدي...لا ليلي ليل و لا نهاري نهار ذني الكلمات هزن أشواق و دمعاتها نزلن حاولت تحجي: أ...نا بس قبل ما تكمل سيف حط ايده على حلقها (فمها) سيف: شـــــــ....لا تتعبين روحج يا بعد روحي...انتي توج كاعدة واريدج تتعافين بسرعة أشواق غمضت عيونها و رجعت راسها على السرير سيف: اوكي حبيبتي أنتي أرتاحي هسة و انا راح اروح ابلغ اهلج و راجع أشواق هزت راسها بمعنة انا راضية باسها على خدها و طلع من الغرفة يتبع ... |
أم علي و دموعها على خدودها: صدك يا أبني؟!! أشواق كعدت! الف الحمد لله....الف الحمد لله علي و شمس دخلو للصالة على صوت أمهم و سيف علي بخوف: ها شصاير؟ سيف بأبتسامة: أشواق كعدت من الغيبوبة علي و شمس بنفس الوقت: صدك؟؟؟؟؟ سيف: هههههه ايه صدك أم علي: ماما شمس انطيني التليفون على مود اخبر أبوج شمس و هيا ميتة من الفرح: هسة ماما و راحت جابت التليفون و انطته لأمها أم علي دكت على تليفون ابو علي أبو علي: الوو أم علي: هلا أبو علي...أبشرك سيف توه راجع من المستشفى و أشواق كعدت أبو علي فرح لشفأء بنته: الف الحمد لله والشكر....تدرين شنو أنا هسة جاي أم علي: لا يابو علي خليك الشغل يحتاجك و أصلاً سيف خلة أشواق نايمة أبو علي: أنشألله ..خوش أخلص من الشغل نتغدة و نروح الها أم علي: أنشأالله يا الله مع السلامة أبو علي: الله يسلمج سدت التليفون و لكت سيف يريد يطلع أم علي: ها خالة وين رايح؟ سيف: ههههه رايح لأشواق أم علي: خالة اتغدة ويانة و بعدين كلنا نروح سيف و هوا مستحي شوي: خالة ما اكدر أنتضر...راح اشتريلي شي أكله على السريع و أروح أم علي و هيا سعيدة بفرح سيف: على راحتك خالة ----------------------------------------------- مر على مطعم و اخذله شي ياكله و قبل ما ينسه أخذ باقة ورد جبيرة و بعدين راح للمستشفى قبل ما يروح لأشواق راح للدكتور حسين لان يريد يسئل على حال أشواق الدكتور حسين: اتفضل سيف فتح الباب و دخل الدكتور حسين: اهلاً سيف سيف: هلا بيك دكتور...انا جاي اسئل على حال أشواق الدكتور حسين: اتفضل اسئل بس انا اكلك انو حالها اتحسن هواي و الحمدلله سيف: الحمد لله...بس ورا ما كعدت ضلت هيجي خمس دقايق و رجعت نامت ليش؟ الدكتور حسين: يا ابني هذا الشي طبيعي لان توها طالعة من الغيبوبة و اذا انا مو غلطان راح تضل فترة على هل حال لمن تتعود بس أنشأالله قترة قصيرة يعني هيجي أسبوع سيف: و الذاكرة مالتها؟ الدكتورحسين: احنا من فحصنة المخ طلع سليم و اعتقد اليوم من كعدت اتذكرتك فماعتقد فقدت الذاكرة و حتى اذا فقدت اكيد أشياء بصيطة. سيف: الحمد لله -------------------------------------------- أجو عايلة أشواق كلها يزورونها بس لخيبة أملهم طلعت نايمة فالدكتور حسين كاللهم يجون باجر بلصبح أكيد تكون كاعدة --------------------------------------------- اليوم الثاني: أتقدمت من البيت و طقت الباب محد يرد دقت مرة ثانية و نفس الشي أحتارت...ما يردون على التليفون ولا يفتحون الباب...خاف شي صاير؟ لا أسم الله بلصدفة رامي مر من كدام بيت أبو علي و شاف أسراء هناك و شكلها محتارة وكف السيارة و نزب منها و راح لأسراء رامي: السلام عليكم أسراء أسراء نزت لان ما شافته و هوا جاي و حطت أيجها على قلبها رامي: ههههه انا اسف نززتج أسراء: لا عادي بس ما شفتك رامي: اذا منتضرة يفتحونلج الباب ترى راح تضلين هنا للصبح أسراء أنحرجت و بقلبها تقول رجعت حليمة لعادتها القديمة: ليش لعد هما وين رامي: بلمستشفى أسراء شهقت: ليش؟ رامي: ههههه لا تخافين هذا خبر حلو...أشواق كعدت من الغيبوبة أسراء ماصدكت: صدك؟؟؟!! رامي: ههههه ايه صدك أسراء ودموعها بدن ينزلن: الف الحمد لله الف الحمد لله مسحت دموعها لان أستحت من رامي أسراء: ههههه انا اسفة كاعدة ابجي كدامك رامي: لا والله عادي احنا كلنا نعرف شكد أشواق عزيزة عليج أسراء: بس والله قهر..انا اخر من يعلم رامي: ههههه لا تلومينهم و خاصتاً سيف...اربعة و عشرين ساعة كاعد يمهة و ينتضر ليمتة تكعد أسراء: بس انتة مو كلت فاقت رامي: ايه فاقت بس هل أيام بس تكعد كم دقيقة و ترجع تنام أسراء: يا الله الحمد لله على كل حال رامي: الحمد لله أسراء: يا الله اخوي من رخصتك رامي بقلبه: لا لاتروحين! ( مو أكلكم سبحان مغير الأحوال ههههه) رامي: راح تمشين وحدج؟ أسراء: ايه هذا هوا بيتنا و تئشر على شارع قريب رامي: بس خطرة أسراء: لا هسة مو ليل و الناس كلها طالعة رامي: على راحتج أسراء مشت عنه بس هوا ما ارتاح الا لمة تابعها و أطمئن انو وصلت للبيت بسلامة ------------------------------------------- بعد تقريباً شهر و نص: سيف و هوا لازم أيد أشواق: على كيفج حبيبتي أشواق أبتسمت له بحنان: حبيبي والله مابيا شي نزلو على الدرج و بدت لبهلاهل و الصلوات على الحبيب محمد تبدي كللللوووووش كللللووووووش الف الصلات السلام عليك يا حبيب الله محمد اللهم صلي على محمد و آل محمد أسراء فرحااانة بشكل و حاولت ماتبجي بهل المناسبة الحلوة نرجع لسيف و أشواق مشو للكراسي ( الكوشة) و كعدو بس ما طولت الكعدة لان أسراء و أم سيف جرنهم من الكراسي و خلوهم يرقصون ( ايه نعم أم سيف! اللي طايرة من الفرح لا و ازيدكم الشعر بيت :عايلة سيف كلها هنا و الملقوفة زهراء هههههه) سيف يرقص وي أشواق بس على كيفه خايف على أشواق زهراء اتقربت منه: سيف اشبيك تمشي على بيض! ارقص شوية..هز! أشواق ماتت من الضحك على زهراء سيف: يووه منين أجيتي انتي؟ انا و مرتي..اشدخل أختي؟ زهراء: هههههه أشدخلني ها؟ خلينة نشوف منو راح يرقصلك... و مشت عنه سيف: هههههه و خلصنة من هاي أشواق: ههههه حرام عليك..بس تدري معها الحق شنو كاعد تمشي على بيض؟ سيف: افا و هاي انا كاعد و خايف عليج أشواق: من شنو؟ حبيبي صارلي شهر و أنا طالعة من المستشفى سيف: هذا خوف زايد على الحبايب اللي دمي يجري بدمهم أشواق استحت و أكتفت بضحكة خبلت سيف ...... بعد ساعتين الكل شاف أشواق تنزف بلسيارة وي سيف بس طبعاً الدموع مافارقت الموقف ....حتى علي دمعت عيونه! أتحركت السيارة بأتجاه الفندق و خلو وراهم الناس اللي يصفق و اللي يهلهل و اللي يرقص أسراء ضلت تباوع على الشارع اللي السيارة مشت بيه رامي شافها و اتقرب منها رامي: ها وين سرحتي؟ أسراء انتبهت له و ابتسمت: لا بس فرحانة هوا لأشواق و سيف...عانو هواي رامي: لا لا لا تبجين ارجوج أسراء: هههه خلص ما راح ابجي بس والله دموع الفرح رامي بتررد: و احنا ليمتة دورنا؟ أسراء ما افتهم: دورنا؟ دورشنو؟ رامي بأبتسامة حرجت أسراء: ننزف أسراء أنتحرجت بلزيادة و تفاجئة ما كدرت تبقة اكثر و راحت بس رامي لزم أيدها: أسراء اوكفي أسراء وكفت و باوعت على أيدها اللي رامي لازمها رامي استحة و هدها: أسف بس ردت أكولج اني هل أسبوع جاي على مود أخطبج أسراء وجهها كام ينطي الوان و ماعرفت شتكول رامي: ها أشكلتي؟ سيف و أشواق خلصو قصتهم قخلينا نبدي قصتنا أسراء منزلة راسهة و بس تريد تروح بس بداخلها فرحة ------------------------------------------------------- بلفندق: سيف: و أخيراً اجة اليوم اللي انتضره من زمان أشواق مستحية هواي لان هسة تغير الحال و صارو كلش كلش وحدهم هههههههه سيف رفع راسها بأيده: حبيبتي أشواق: ها سيف: أحبج أشواق و خدودها حمر: همينة أنا سيف: ههههههه يا ربي أشحلاتج! أشواق: سيف! والله استحي...هسة القراء شيكولون؟ سيف: خليهم يغمضون عيونهم أشواق: هههههه شلون بلة؟ و الفضول اللي عدهم وين نوديه؟ سيف: يووه والله بلوة خلصنا من زهراء اجونة ذولة؟ (شوف شنو هذا يكول؟ يا الله يا قراء هجمو على سيف ههههه) أشواق: ههههه حبيبي راح اروح ابدل بدلتي سيف بخبث: خليني أساعج راحت عنه أشواق و هيا مستحية موت ------------------------------------------------ بعد سنتين: رامي: حبي ياالله راح نتئخر أسراء: جاية حبيبي بس البس جنة رامي: اوكي بس لا تتئخرين بعد خمس دقايق أجت أسراء و وياها بتها جنة لابسة بدلة بيضة رامي نزل و شال بته: يمة شحلات بتي أسراء: طالعة على أمها رامي: طبعاً طالعة على أمها و تقرب من أسراء و باسها أسراء: ههههه رامي مو وكته رامي: ههههه اوكي يا الله خلينة نروح ترى سيف و أشواق منتضرينة راحو للمنتزه و لكو أشواق و سيف منتضرينهم و وياهم أبنهم الصغير كرار سيف: يا اخي أتئخرتو رامي: شنسوي بتنا و لازم تتكشخ سيف: يمة من البنات و كشخاتهن أشواق: هههههه حبيبي ياالله خلينة نروح نلعب سارا و كرار سيف: ياالله راحو كلهم يتمشون و يلعبون سارا و كرار و يحمدون الله و بشكرونه على الأمان تمت والحمد لله ترقبوني برواية أخرى تحياااتي نور... |
روايه روعه يسلموا نور المستوحشين ع الرواية الروعه تحياتي دلوعهــــــــ |
يعطيك العااافيه نور نهايه جميله وراائعه وفقك الله بنتظار جديدك |
وفقتي اخت نور رواية رائعة ونهاية سعيدة والله اختج ذبحتني من الروايات الحزينة هههههههههههههههههههه تسلمييييييييييييييييييي ياغالية |
الحمد لله رب العالمين و ربي يعطيش ألف عافية عزيزتي نور ما قصرتي و ان شالله يارب روايه رائعه جداً ومميزة بالنسبة تحياتي واحترامي ..^-^ |
بارك الله فيك اختي نور اسمتمتعنا بمتابعة الرواية جداااااا خصوصاً اللهجة المميزة نهاية سعيدة بانتظار جديدك |
اقتباس:
هههههههههههههههههه جزاتي اخليكم اتصيحووو وتغسلوو ذنوبكم وتنقوو قريحتكم من القسوة ههههههههههههههه |
أشكر للجميع تواجدهم بين طيات متصفحي المتواضع تحياااتي نور... |
| الشبكة: أحد مواقع المجموعة الشيعية للإعلام الساعة الآن: 07:30 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2025