|
يشع وجهك كما الياقوت كفلاك ومن عوز الجمال الصمد كفلاك لزمته وبهر عيني ترف كفلاك عجينة صفر ساحت بين اديّه. |
السلام عليكم ورحمة الله وبركاته
اسمحولي ان اعوم معكم في بحر الشعر وطعم الابوذية والموال اتصل بي احدهم يعاتبني لأنقطاعي عنه وله مكانه في قلبي فقلت: شجاني وحبل وصلك كاطع آني طلعت موش بمحنه كاطع آني أثاري الخير بعدك كاطعاني يريت الخير الك ماريد اليه اخوكم ابو ظاهر البركي |
زرت احدهم في المشفى قبلاجراء العمليه الجراحيه له
فنظر لي خائفا فقلت له : يمن فدوه الك واني رحتلك ولجلك شكبنت كلي رحتلك سجاجين الطبب جسمك راح اتلك تلك صدري ولا تلوحك اذيه اخوكم ابو ظاهر البركي |
صرت انته سوالفنه وحچينه
وعليك بخير صدگني حچينه حبيبي ارجوك جاوبنه حچينه من تزعل تضيج الروح بيه |
درب اهواي بيه شباج واشراك ابيع انة العمر يهواي واشراك البعد عنك كفر بالله واشرك لون تكرب سبع جنات الية |
من زغري الحزن والضيم چلباي ويروحي بحبل صبرﭺ حيل چلباي أكل عظمي او وفه وياي چلباي وبعضهم أكل لحمي وخان بيه |
لـــــــوحــــــــات
يـــــمــــيــــنــــــك بــــــالــــــوداع الــــــيــــوم .... لـــــــوحــــــــات ورســــمـــت أبــــدمــــعـــتـــي الـــمــلـــگـــاك .... لـــــــوحــــــــات أظـــــل أتــــنـــــطــــــــرك يـــــحــــســــيـــــن .... لـــــــــوحـــــــات أظـــــافـــــــرهـــــا ٱنـْـــشـــــبـَـــتْ بــــــيـــــــه ألــــــمـــــنـــــيـــــــــه ************** تحياتي للأستاذ أبو ياسر الكعبي وأرجو قبول مروري البسيط على صفحتكم المتألقه خادم خدمة الحسين ( عليه السلام ) أبو ذر السماوي |
اقتباس:
أباذر السماي من دواعي سروري أن أرى بصمتك توسم خدود الصفحات فالمساحة مساحتك وما انا الا تلميذ يتطلع لروائعك ايها الرائع لك من الود اجمله |
وحق الحمد والكوثر والاخلاص كل عمر الإله تالي والاخلاص فَلْسَفْةِ الصلاه حيدر والاخلاص فلسفته بذبيح الغاضريه ابو ياسر الكعبي |
يحلوة الزعل طول صاحبينه بهجرچ عظم ماظل صاحي بينه چنه برضه وچانت صحة بينه زعلتي وزعلت الصحة عليه |
بالاول احب اقدم تحياتي للشاعر الكبير ابوياسر الكعبي
وكما ذكرت في موضع الدارمي انا في بدايتي بالشعر فاحب اذا عدكم اي ملاحضه علي اشعاري تبعثون الي رساله خاصه واشكر الاخوان المشرفين والاداره علي هذا الجهود واقول جزاكم الله خير الجزاء وهذي الابوذيه اقدمها لمولاي صاحب الزمان روحي له الفداء اشكثر ايام احسبلك وعدلك الباري ابهالامر خصك وعدلك الدنيه تنتظر قسطك وعدلك تمليها ابعداله الهاشميه |
من دمعي جرن نهرين وعيون ولخليلك الف حراس وعيون شلون خدود عندك ولفي وعيون كبار ومحله نظرتهن عليه |
لاتتبع من حرفك عن طريق العدل وضلك وانا طول العمر اصيرن في لك وظل لك وابد مااعوفك وافكر بغيرك واظل لك شجرة تفي لك بكل صباح وكل مسية |
يحادي الضعن جد بالضعن يمنة على البلعلكمي المكطوع يمنة جان أحنه الزمان يعود يمنة نطالب بي يوم الغاضرية مشكور أخي أبو ياسر على هذه الطرح الجميل تقبل مروري المتواضع |
الــگــلب بـــالعزم صبــرته ومنته وفرشته اعله الترب يـــمك ومنته منته الكـافــــــل ظعـــوني ومنـــته الجبتني وياك ليـــش اگــطعت بيه * * * اهمومي هموم فوگ الگلب منتل وســــبّاح الـــدلـــيل إعــليك منــتل گـــوم ارجــعــنه يـــا عباس منـتل جبــتــــنه ويــاك لـرض الغاضريه * * * الـــدهر شتـــت شـــملنه بالظعينه ودلـــيــلي سيـــوف اميه بالظعينه وســافه الــشــمر يحدي بالضعينه وابـــو فــاضـل عــلى الغبره رميه * * * يعــــباس اســتــمع عـتب ولا ماي غـــريــبه وزادت ابفگدك ولا ماي مهــجــنه بالعـطش تلهب ولا ماي يخـــمد جـــمر لــوعتــــنه السريه |
يااااااااااااااااااااا الله اول مرة ازور هيذي الصفحة بس شي عجيب فيها مشاء الله عليكم يا شعب العراق العظيم وعلى قلمكم الجميل الذي يرفع الرأس والله كلام بيشيب منه الراس الله يحفظكم ويخليكم ربي والف الف تحية إجلال وإكبار لكل من ابدع قلمه هنا تقبلوا من اختكم الحضور الخجول والمتواضع في متصفحكم الرائع (فتاة الاحلام) |
اهنا يلخذت روحي وانت بيهة المحاسن فرع منك وانت بيهة لا تحرك جبدتي وانت بيهة اخاف عليك مو خوفي علية |
مشيت اعل الجمر وياك والشوك (النبات) عليّ بلا ذنب يا حيف وشوك (من الوشاية) ترَ بطبع الرجال اتغار وشوك (ضد اليقين) وتصير الغيرة اكثر عل الوفية |
جميل وحيّر المخلوك وصفة (كيف يوصف) والذ من العسل والله واصفى (انقى ) حبيبي لكل مريض ايصير وصفة (دواء) ابنظرته اهواي يجليها المنية |
انيق اني و حبيبي بعد انقة
وشبه الماي النقي لا بعد انقة بشهر العسل تاخذني اريد بانقة -رة و نقضيهه ونسة و هاي هية ههههه اتمنى ان تنال اعجابكم |
جثيرة ايام مرت مرمرتني
وايّس مرة مر مر اتني اصارخ مرة وبسر انادي مر مر اتني ترا الفراكـ راواني المنية |
طحت لااخو اليفزعلي ولاعين ولايوم استقر كلبي ولاعين الة طول والة حاجب ولاعين اصيح ادخيل لوصدن عليه |
يدنياي المصايب علي جدري يتكالب مابرد فد يوم جدري انه الضليت جن مصيوب جدري نيران ايشيل ويعوف الثنية |
يكولون الصديج اصبح مريتك
ولا تعتب تراني اليوم مريتك لچن قبل الدخول أصرخ مريتك دغط وجهك جمالك عم عليه |
غيرج ماحلة بيميني و لا طاب و لا دونج دخل كلبي و لا طاب يا جرحي وياج لا هود ولا طاب دم ينزف و لا تدرين بية |
اكذب عليك ان قلت انا ناسيك والا بعد حاولت ياروحي انساك تعيش فيني مثل ما اعيش أنا فيك حبك حياتي واعرف الموت فرقاك أنا وقلبي ياهوى البال بيديك وشلون اعيش ايام عمري بلياك لا تصدق اني قادر انسى واجافيك مهما حصل صعب اني انساك و أسلاك ماتدري إني هايم وميت فيك ماتدري ان غايه سروري رضاك |
كلبي اشما اطشره يرد صامت وروحي من حزنهه اعليك صامت شما اخلي الجهاز بوضع صامت يصرخ من تدك انت عليه |
جرَ دمعي وروَ يا ناس غابات (اشجار) وروحي من الوعي بجفاك غابات ( لم تدرك) من شمسك عليّ يهواي غابات (غياب الشمس) طلع نجم الظهر بعدك علية |
على بالك من تريد اتروح ظعنة (خلينة ) نذرت الروح بس ايعود ظعنة (بقاياه ) بلياكم حبيب الروح ظعنة (تهنة ) مثل حال السمج من نشف ميه |
ردت كلبي يتكطع بك ويهلاك ناس بوجه وانتة جم ويه لاك عجيبة من صرت ضدي وي هلاك عصابة ودرتو شو كلكم علية |
عليك الروح يامحبوب ونّت تظل غركَانه لن مايوم ونّت عجب ماشوفك بصفحاتي والنّت!! شغل لهّاك ! لو حاقد عليه!! |
أوعدك ماتخلى عنك ابد, وقلبي عمره مايسكنه احد, انت عشقي وحياتي ويبقى لك للأبد. وإن مر يوم وماسألت لاتقول خانني وخان العهد قول مات وللحين ماحبني كثره احد |
ما يكدر يوصف حسنك وصفنة لان يرادلي وكفة وصفنة تمنيتك بمدرستنة وصفنة اذا تاخذ صفر ننطيك مية |
ذبل عطر الورد صدك وخاوة
و طمع مابية من عندك و خاوة صرت مـمنون للصادق وخاوة قسم لهديلة كل غالي عليه |
غرامك اثر بالعشك وداره.. هجرت الي تعب وياك وداره.. سمعت بقيس عاف اهله وداره..؟ حملت الضيم وهمومك سويه |
صح يكتل جمالك صح بي سمار و تدق بالروح تاليك بِـ بِسمار اسامح لون جاييني و بَس مار لچن مو راسي انزلة اعلة الوطية |
انوح وغير نوحي مانساني وبالشده يدره مانساني بعسر حالي وحمده مانساني الباري وبس أله مديت اديه |
محمد غالي انت و كلنة نوكفلك
و ياهو التدق بابة يكِفلك عيوني انطيهه و امد كف لك و خادم الك والحد المنية |
لو راساً تكلي ارجــوك هدنه وتعاركني وتــريد انوب هدنه ولك والله العشك وياك هدنه مريض انه تعال اسال عليه |
كتلة اباب خيبر اني اصلي وعدى بابك يحيدر ماكو اصلي من اوكف امامك اصل لي مو مغشوش لو طالع شهية |
| الشبكة: أحد مواقع المجموعة الشيعية للإعلام الساعة الآن: 02:48 PM. بحسب توقيت النجف الأشرف |
Powered by vBulletin 3.8.14 by DRC © 2000 - 2024