ولأن غيرك حجيهم يحفر جروح وبمحمل حسن دوم انه افرضه انا السكتت جروحي ذهب معروف اخافن يحجن وينكلب فضه اين انت ابا ياسر خوفي هربمتم من مطر اوجاعي؟؟؟؟ فغيومي مثقلت بها ابو ظاهر البركي |
|
عندك علم .... عندي حلم ... أن كلبي ساعة ويه الفرح يصبح سلم عندك علم ... الله على هذه الاوجاع الجميلة التي تبحر بنا في عالم ابداعاتكم احبتي ارجوا أن يكون لوجعي مكان بين اوجاعكم ايها الكبار تحيــــــــــــــــــــــــــــــــاتي |
الحزن وياي يمشي ويكعد وياي ... وصباح الحزن يوميه يكلي حتى الدمع وشل من العيون اذا وشل دمعهه بعيني شلي لكم ودي وتقديري |
افتحوا مظلاتكم فلقد بدأت سماء احزاني مطرها انه والآه شركه ودومي ربحان شفت رابح يفض يوم الشراكه |
اقتباس:
البركي أبا ظاهر كلك ذوق وابداع والصفحات صفحاتك وسأكون والوجع بإنتظار الـوجع |
اقتباس:
هههههههه الحبيب أبا ظاهر وهل لي ان أهرب من الوجع وقد نحت كيانه بخاصرتي !! ربما تراني متواجد لكني غير موجود لأني لم اسجل خروجي ؟ بانتظار مطر أوجاعك ايها العزيز |
اقتباس:
عندك علم؟ چان أحلامي اويه الوجع وبالروح ماضل كل حلم ..! سفينة البحار وكيف لايكون لوجع مكان لك كل الأماكن وما أنا إلاّ نادل لكؤوس أهل الوجع وسأكون والوجع بإنتظار الـوجع |
أفر امن الفجر من جيش الأوجاع ويتلگّاني مُغضِب سيف الغروب ..! |
أكل مني الوجع صفحات الضلوع ومثل نحت الحجر روحي نحتها .. |
انه كلي حزن من جدمي للراس من افوت الناس تنده يابو الاحزان |
بسم الله الرحمن الرحيم انا المجروح والجارح حبيبي.. وانه الوجعان مرضني طبيبي ابو محسد |
ما شاء الله .. تبارك المولى جرح اجمل من جرح انادي بليل غُربه و ما مش اليسمـــع ... وحيــد و وحشة آهي اتهيّــج المدمـع و اكت دمعاتي نار و بالجبــــد تلفــع .... و اصيـح وبس صدايَ ابلا أمل يرجع و يواسيني القلم ينقذني من مَصـــرع ... و اهيم أويــه القصيده و اكتب المطلع جرح اجمل من جرح يا ضيمي زيد و كل دقيقه الذكريــــــات اعليه عيد تحياتي للاعزاء فرداً فردا |
ردت اكتب على السبورة بس دار ومن دار الوكت هجروها الأحباب..! تحياتي للكعبي ولضيوفه المبدعين:) |
اقتباس:
على زينب قصايد لاتكتبون .. حدكم ويه زينب بيت ..بيتين إذا كثـّرتوا خاف تصير ديوان .. وزينب وينها اوّين الدواوين .!! مما راق لي وتحیاتنا عابقةٌ بالود على الروح :) |
بسم الله الرحمن الرحيم اسال عليهم انه .. ومحد سأل عنّي مو همه اصل السبب.. اصل السبب منّي |
حيا الله أخي الفرج اليوم امنوّر القسم |
إشتِدگ بالباب بسّك لاتدگ بالبوب عطشانه الجماجم والوجع حالوب ..!! |
اشتدك بالباب بسك لا تدك بيهه مثل روحي تراه الحزن عاليهه .......................... انه طبعي كريم ويه اليزورون ولذلك يبقه لو مرني الجرح ياكل بروحي وملح فوكاهه ادير حتى يصبح بينه زاد وملح تحيـــــــــــــــــــــــــــاتي |
اقتباس:
نـَعَـم .. گصّيت چفـّي التدگ بالبيبان وعلـّگـْت النزيف إبجبهة الحيطان !! " وآنه طبعي اويه الكرم حد النزيف إمعزّب وللضيف أگص راس الجرح ياكل إبروحي ..! وأگلّه اشبع .. يگول الطعم ماصخ !وآنه دمعي إعليه يِسِح هُوّه يضحك .. وآنه أضم عنّه العذاب ! ومن وجع گلبي أدرينله ملح ..... سفينة البحار لجمال وجعك مطر لايشبه المطر.. يشدّني النبض إليه |
الحزن لو لِگط متغسله المسرّات وحِزن گلبي لِگط ونطبُع عالثوب ..!! ومازلتُ والوجع بإنتظار الـوجع |
رُبَت ويّاي من زغري العذابات وغطـّتني بحزنها ادموع يعگوب الماعنده أهل وبحَسْرته يبات تضل إمْـعلـّگه عينه عله البوب ..!! |
ياغريب .... إشْحصَّل السيّاب گبلك من غُرْبته وشكثر جر عيسى بالمنفى الصليب ..!! |
طحت ما خانِتك رجليك ... بس الگاع هشَّه وثـُگل صبرك زلزلاها وداس .. |
طحت لا ماطحت هاي الأرض تندار
تريد بكل تواضع تنحني لراسك ..! |
بسم الله الرحمن الرحيم ونيّت ونّه فوكَ ونّه...او جرحي طبيبي جزع منّه ابو محسد النجفي |
حياك الله ابو محسد گبل چانت الدمعه بعيتي بت بيت أضن حتى الجفن مايدري بيها وهسه إعليك ضلّت كاضّه الباب الرايح واليجي يباوع عليها مما راق لي |
بسم الله الرحمن الرحيم كَت يادمع فوكَ الوجن= جسمي اشتعل طفيني وان ما بجيتي دم حمر= ريت العمه ياعيني |
بـِچـيت الدمعه فوكَـ خدودي تيزاب وعندي الونة صـــارت خبره بيهه وصرت لو يوم ما زارتني لحزان اروح السوكَـ هَجرك* و اشتــريهه و للوجع بقية * سوق هجرك يقع في شارع تعبان مقابل اسواق المهموم التجارية :) |
اقتباس:
كنت ابحث عن دكاكين السعاده بلجن اشريلي فرح لا, ولو حته ابتسامه خذني وكتي وذبني يم سوك البواجي هنااااااك جابولي فرح بس جان باجي وفي السوق مراحل اخرى من الوجع |
اقتباس:
أروح السوك هجرك واشتري السوک وأحمّل للمواجع والحزن نوگ >> الیاسری کان وجعك رائعا وسأكون والوجع لانتظار الوجع |
سِمَعْت إبْإذني بس ما أصدگ إذني وأشوف بعيني , وأنكرهن اعيوني وأتحسس وجع گلبي امن الجروح وأگولن ما جفوا عنّي .. وجِفوني ..! |
لي شريكٌ في الوجع سأحاول أن أُعلَّق بعض وجعه على جبين حائط الوجع " الذين يشاهدون محتوى الموضوع الآن : 4 ( الأعضاء 2 والزوار 2) بو ياسر الكعبي, سفينة البحار |
يقولُ شريكي بالوجع .. أنه بروحي ترج سچّينة الضيم ومن أنزف يواسيني ونينك وإذا زادت تِحز منّي الشرايين أشوف دموع عيني بوسط عينك مادري الوجع بيمن يدگ حيل ؟! يدگ بگلبي لو دگ ابونينك وأحس إشْتبهت بعيني المسافات وأرد اردود أحسبهن سنينك ..! |
جاريتُ شريك وجعي أنه بجرحي تغص كل السچاچين أبْكثر ما جرحي گام يلوچ بيهن وشراييني إگْطَعَت منّي الشرايين لأن دمعك وجع يمطر عليهن ونينك يطبع بگلبي النياشين أصدّن, وابتعد , عنهن واجيهن بچن من گد بچاهن طاحت العين إلي ؟ لو إلك ؟ ما ادري إبّچيهن ؟ ومازلتُ بإنتظار وجعٍ قادم |
علكت على حايط حزني الآلام ردت امشي لكيت معلك آني |
الله الله الله يفراكَـ بسّـك تـــــره .. كَـلبي ضعيف هواي و الي يحب له بشـر .. يصبح هوا و الماي وآنه يصاحب تــــــــره لِـثنين صار اهواي واحد هَوايه صبـــــح و الثانــي صار الماي . . . يفراكَـ بسك بعد لو انتَ جتالي نارين في مهجتي تحركَـ ابـدلّالي من غيرهم ثق تره حال الحزن حالي غالي بأرض كربله و بَرض النجف غالي |
ردت ارحل غفله عن كل الجروح ... وقررت بالليل بلكي الجرح غافي ومن فتحت الباب شفت الجرح واكف ... من الم جرحه سهر يكتب قوافي تحيــــــــــــــــــــــــــــــــــاتي |
سفينة البحار زكي الياسري مرحبا بكم وما أجمل فلسفة أوجاعكم تحياتي |
إعله فلسفة الوجع علّگت الجروح وگلت أهجر كياني من كياني إدفَنِت نوحي وشلت تابوت الأحزان أثاري البالنعش متمدّد آني ..! |
الشبكة: أحد مواقع المجموعة الشيعية للإعلام الساعة الآن: 10:15 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024