اقتباس:
نعم جرحي جبير اربات الهموم تعود عللجم من كبل ميصير كريم ولليلجمه ايوزع ادموم اجا فد مره خنجر رايد ايلوذ فك بابه ولبسله احلى الهدوم شتصور جروحي بلايه سجين تعيش بلا وجعها وممكن اتدوم؟؟؟؟ شكرا لكبير ترحابكم بألامي |
والجرح مثل الورد.....
من ينلجم ينفتح ...... بس جرحي مو جالورد من يلجم يرتعد يروي الخناجر دمه لو لاذت من البرد يرتعد مو من جبن خاف اليجهبه يرد جرحي عزيز النفس ثوب العليه مو سمل يكره الثوب الجرد...: الورد ياخذ نده يطي عطر لليجي بس جرحي طبعه الكرم ماياخذ من اليجي لمن الايدي يمد الورد وجهه ضحك لو صافحاه الصبح بس جرحي وجه وكفه مبتسم لليوجعه وايخيره من ياجهه رايد الثوبه يقد منهم يجيه بالظهر ويغله غلة غدر بس صعب ماينصعد شفت الفرق ياترى؟؟ شتان بين الجرح وبين اليلبسه الورد البركي |
اقتباس:
إليك يا ألق الحرف يـمتعلّـگ ابين الرمش والعين دخيلك بعد مابيّاش أصابر إمّشي إعليك الله وأم الحسين أكثر بعد لتخليني أكابر طُبَع بيّه الهجر كومة نياشين وحرگ بيّه البُعد شجرة مشاعر چم باچر إجه وچم باچر يحين وأگولن هم يجي , وأنتظر باچر إذا محتاجني ... ماتبعد اسنين ولاتبني بدرب گلبي السواتر تـجدّي الشوفتي ؟ وتتركني للبين ! اوتـحِز منحري بـچلمـات الخناجر إشگد گتلي أجي إشگد أطلُبك دين شگد جفني بغيابك عفته ساهر متگلّي الصبر ويّاك لاوين هاي آخر محطه وراح أسافر يالّي هواك إعله گلبي ألـذ مني ورق شحصِّلت روحي بصدودك غـير هَـمٍّ ورق وتگلي لوماتـجي إتركلي قصاصة ورق ياورق وانه الورق خلّصته لأجلك شعر من دم وريدي الحبر أنتظر جيتك بدر وتگلّي دزلي خبر...؟ يالماإلك جيّه! وحدي انطفي واشتعل علّيتني وشتِعِل مرسال إلي ماوصل , انتظره يوميه شما قرّبتلك تصد إتصد أكثر وتبتعد بـچفك خنگت الورد ... وتبدّه كاس الصبر شدّيته حبل الوصل ... وانت اگطعت بيّه " للنائرين جمال جراحهم كل الود والتقدير |
اقتباس:
كريمٌ أنت حتّى بجراحك كن قريبا أيها العزيز |
هاي آخر محطه وراح أسافر عتاب على رصيف المحطة الاخيرة يل ناوي سفر ومحمل هموم ذب حملك عليه وروح سافر خليني بعذاب الالم واللوم اناطر باجر ومايجي الباجر انه معود العين تخاصم النوم ولمن ما تجي تلكاني ساهر انه الحطيت بيدك كلب ملجوم شابع بوس من حلك الخناجر وانه الدزيت رمشي طير ويحوم اجرجر بيه من وحشة مكابر انه الظنيت ودك صافي ويدوم وما حسبت يوم اتكلي اسافر خرابه خلاف عينك عشعش البوم بروحي وبالامل ضليت اكابر رخيص كليبي سعره وفايته السوم لان مديوس بجدام وحوافر دخيلك غيثلك فد يوم محروم وطش عليه حفنه من المشاعر دخيلك مو صرت ماكول مذموم امشي عليك كل اهل المنابر سويهه جميل وكول مظلوم شاعر بالقصيده يداري شاعر شاعر بالقصيده يداوي شاعر لكل القادمين من بعيد يحملون جراحهم ليعلقوها على حائط الاوجاع كل تقديري وودي واحترامي |
الله عليك يامبدع
سلمت الانامل الذهبية سمك الله من كل وجع والم |
صادق العارضي لمرورك روعة لا تحيطها الكلمات دمت بكل خير |
مازال الحائط بانتظاروجعٍ جديد ومازال صاحبه لايستطع الولوج |
دفنتك ويه ذكرى الذكرك المات وغسّلتك جرج بتراب الدموع ودفنت اوياك كل الراح والفات وعله كبرك كتبت العتب ممنوع احلفت ما أدك بابك بعد ,هيهات ومايحتاج أحن واعلكلك شموع وللوَجَعِ نَبضٌ نازف |
اخط على صفحات حائط الوجع حروف المي علها تجد من يواسيها سولفتك ابالي وكالي تهون برجعلك الراح بعيد ... يرجع ازرع عالطريق لجيته عيون شرطا بس تخلي عيون تدمع لجل لمن يجي يلكه المسافات الجانت صحره لمن راح تزرع دمتم بالف خير |
نعم وحدك إبّالي . وكان مَن كان إله ذكرى وبعد هيهات يرجع لأن ميّت حسبته وغطّته اكفان دفنته بصبخته وهيهات يطلع نعم وحدك إبّالي .. تخضر ألوان إلك كاع الكلب لوبيها تزرع " وللنزفِ نبضٌ جديد |
اليك ........ رسمت اسنين عشرتنه مسافات وبدربك احطهن خطوه خطوه تعبني المشي ومنادهك وين وبغيابك اجر النفس كوه ابتلاني الله بهواك وكلت مشكور ربي من ابتلاني بهيج بلوه يل وصلك عتب ومناطرك ليل ليل المااريدن بيه صحوه ياعين التشوفك تعمه هالعين يمخلي الشمس بكفاك تجوه رد ليه الهجر ما لايك وياك الحلو لابد اطباعه تكون حلوه :wy::wy::wy::wy::wy::wy::wy: مع نزف الالم ارسل التحايا |
إليك... اشتحط ياخطوه ودروبك بعيدات أقرُّب تبتعد , ألتفت ملكاك تندهني وأجيلك , وين ألكاك؟ وعناونينك شبح يطوي المسافات يالتندل دروبي وتجفي وياي وجرح تتركني بحلوك الرصاصات عندي أسرار إلك دافنها بالروح خاف أحجي وتكضها حلوك شمّات " بعض النزف يكمّم فم الجراح |
:e076::e076::e076::e076: |
اين جراحاتكم ؟؟؟؟ اين آهاتكم ؟؟؟؟ هذا نداء الحائط هل من مجيب ؟؟؟؟؟؟؟؟؟ |
إليك ... على الحايط كتبنه شكد جراحات وعلّكنه المواجع كبل العيون زرعنه همومنه بمواسم النوح وحصدنه من العذاب اهدوب الجفون مناجلنه الدمع والسنبل افراك وبيادرنه إنتظارات الـ يمرّون تفاركنه وجمعنه حايط العوز تحن أرواحنه للمايحنون وينك مو , كلت كلبي المسافات إنذبح نحر الأماني بسيف الضنون " إنحنائة لـ مَن استوقفه الحائط |
الى حائطي ورواده مع وافر الحب اغار عليك .... من تروح .. واغار عليك من ترد .. من تكرب علي كلش ومن تنساني من تصد اغارعليك من كلشي من اشفافي من رمشي ومن تكوم من تكعد اغار عليك .. واتمنه اضمك محد يشوفك مجنون بهواك آنه واذا ما مرت حروفك اصيرن مثل حال الماي اليهوه لمسة جروفك حلال النظر للجفين واستثنيهن جفوفك لان كلمن يصد عليك احس بي للكلب يمرد واغار عليك |
الى من نزف أبداعه على الحائط ياقوتا ومرجانا مع محبتي اللامتناهية " يامَن حسبتك إلي واتنطّر الجيّتك عيوني إزرعتها شمع مختنك بيها الدمع وروحي فراشة وفه جنحانها مخضّبه ترفرف على سجّتك مذبوح كلّي جرح من الذبح للذبح تنحرني كلما تجي وتذبحني بروحتك تابوت نار أصبحت كلبي حطب غيبتك كم مره كتلك اذا سافرت اترك خبر , لتطوّل بسفرتك ماعاد أحمل بُعُد أختنك من تبتعد ما أنصفتني لجن روحي شكثر نصفتك تشركني شرك الخشب واتبسمر بلوحتك كل هذا وانه برضه سهمك بكلبي مضه يختنك بيّ الهوه واتنفّسك ابريّتك " ساترك حدقتي تنتظر القادم ......... |
مررت من هنا وتلذلذت كثيراً بجراحاتكم |
عدنا من جديد السلام على أهل الوجَع وأهل الأبداع شخباركم غافلني بلليل وشرد , گلبي وتعنه لبابكم يعني آنه هسه أبلا گلب , حَسبّولي عود أحسابكم آنه بأرض وأنتو بأرض والگلب صاير يعترض چي سولفت بيكم أمس صفگ أجناحه أويالهوى ملهوف أجه أتعنالكم وهنيالكم ,, أدري آنه بيكم بس چذب جاي أسئل أعله أحوالكم سنتين صايرله الگلب عدكم يدگ وأتنفس أبرية وجع كلهَ بسبب هجرانكم حايطكم أبنص صفنتي تارك أثر ,, مامنهدم راداني أعلگله الصور ,, هسه آنه أجيت وماشفت منطبع چف لآثاركم والجرح بسماره وگع ! وأشلون أروفنه إذا مو خيط من أحبالكم شخباركم ,, |
الى من غاب وهو حاضر بابداعاته الى من حضر ليكمل مسيرة الآه على حائط الالم تعنيت وبالي حلم الكاكم وبلكت الي ذكرى تدور ابالكم صاير على طولي جرح والغربة جن رشة ملح وياي صار المايصح فدوه اروح لهمسه من اشفافكم .................................. تعنيت يدفعني الم جرح الامس والاه بين الروح وشفافي همس آآآآآآآآه العمر عده وعبر والشيب البراسي كثر والجرح وي عمري كبر ومتعجب شلون البعد يهنالكم وهنيالكم ... هيج بعجل تنسون الام ودمع هيج بعجل تنسون جويات الضلع سويتوا بيه المايصح جن مابينه خبز وجرح وياي ما صرتوا صلح هنيالم والله والف هنيالكم لكم مني كل الود والتقدير والاحترام |
اقتباس:
الكعبي لي عودة سريعة لاتنفس الوجع من الوجع |
اقتباس:
مازال الحائط يغرد اوجاعه صمتا اليكم أو إليهم شأخبارنه ؟؟ من يوم ماعفتونه مَحَّد زارنه شأخبارنه ؟ والهجر ويانه قِسه من الفجر حد للمسه بين اللَعلَّه والعَسه متعلّكات أنظارنه شأخبارنه ؟ مرّت سنه ومحَّد سأل نبض الكلب جمره إشتعل بكل لحظه يتشيَّع أمل ويندفن وي أسرارنه شأخبارنه ؟ عفيه كلب مِتْأثِر بطبع الحجر لمَّن هِجَر... ماترك عالسجه أثَر لكن ترك خنجر صبُر كطّع أغصان أشجارنه شأخبارنه؟ إندك بابكُم رغم البُعُد مرّت سنه ومحَّد يِرِد مو مات بستان الورد خَضَّر الشوك ابوسط عين أشعارنه شأخبارنه؟ الليل إسألوه والنجم صدكونه بس بيكم نِهِم مرّولنه جرح ابحِلِم يعزف وجع بأوتارنه وشاخبارنه من أهد أمس ننزف همس مفتوحه بيبان الكلب مرّولنه حت لو جذب لكن أسف يا للأسف ولاطيف منكم زارنه شأخبارنه |
للغائبين الحاضرين ألف تحيه وللعائدين بنزفهم أنحنائي. عندي الأجروح أطباعهه أمسودنا ،،، متيتمات وعاشن أعله الدمع چفك هجرنه ومايدگ بابنا ،،، والناس ويانه طبعهم گطع جرحي آنه عندي أتعلم أعله الحزن أشكيله بس هوه الفهم علّتي ماأبين بطعناتي وآنه الفطن وماأدلي بالناس الغرب بلوتي يالچنت أليه الناس وأنته الوطن لمن رحت ظاگت عليّ دنيتي وأسئل عله الماسئل عن حالنا من كثر هجره الگلب ظل منصدع وياك ماگاعد عدل حظنا أنعادل خسايرنه أبوجودك نفع چفك هجرنه ومايدگ بابنا ،،، والناس ويانه طبعهم گطع |
اقتباس:
سفينة البحار اهلاً بعودة نبض الحرف بعد غياب أيتم الحائط ستكون لي وحائطي عودة قريبة تحياتي ومحبتي |
إلى من شاركني أوجاع الحائط من كالَّك جرح البُعُد يهنالنه ومن كلَّك هنيالنه ؟ إشهنيالنه ومن يوم مارحتوا الحزن يبرالنه شهنيالنه وسيف الدمع حط عالذبح آمالنه متعلّمات اعيونّه تطوف بمزار حروفكم وأرواحنه طيور المحبَّه اللايذه بجروفكم بكلوبنه ميّة حِلِم وأحلامنه متكبَّعه بزفَّة يِتِم اشهنيالنه وبارواحنه ميّة نزف يحلم يشوف اخيالكم وانتوا ولاجنكم عرفتونه مُهَج تبرالكم مامرّه عاندتوا الهَجر وسألتوا عن أحوالنه لامانسينه جروحنه التمطر دمع لامانسينه وكل ضلع يلجم ضلع بيناتنه خبزه وجرح وبيناتنه حايط وفه بلون الصبح وبيناتنه صفنات مليانه شعر تكبر ويمتد العمر آآآآآآه إشكثر بيناتنه " للمبدعين تراتيلُ ودّي وللمارين انحنائة بلون الثلج |
تحية حب واجلال وأكبار لجميع محبي محمد واله
اللهم صل على محمد وال محمد حتى لا يبقى من صلاتك شئ وسلم على محمد وال محمد حتى لا يبقى من سلامك شئ بجاهك. يبو الحسنين بس الله يعلم الكعبة الك كاروك والممة زمزم |
حياكم الله
وكل عام وانتم اجمل وكل عام وثبات اكمل على ولاية علي عليه السلام " شكراً كبيرةً لك ياحيدر الكعبي |
بكل الحنين وبكل شوق تعود الطيور الى اعشاشها
|
مساء الخير لكم جميعا
|
مساء النور والسرور اهلا بك
|
خالد يبو السجاد وبكل العصــــور
واشما تمر ايام نحييهه عاشــــور الشاله ابو السجاد ما شاله مخلوق الدرب الشهاده يسير والتضحيه تفوق العارضي |
بعد طول غياب لنا ولكم عودة أيها الأحبة لترميم ماانصدع في حائطنا
ولتكن هذه دعوة للجميع للمشاركة من جديد في إغناء هذه المساحة بابداعاتكم .... لكم مني كل الحب والتقدير والاحترام سلمتك كلب مابي أثر للحزن كتلك للفرح محتاج تلوين رسمت بسمه عليه شكرا صفه بس يون آه ودمعة ونه ونوح كل حين قلم بيدك يولفي لا ابد ما اظن يمكن من رسمت بنصل سجين تحياااااااااااااااااتي |
يشاعر لا توّن من جوّية النار اوجاعك صغته بقلبك اسوار |
مازلتُ مُوَّزَعٌ بين الفقدِ وأضرحةِ الوجع ..! فأينَك منّي ....؟؟ |
عَتبي عَليك .. " عليش بكلبي موَّت المواويل جف هجرك خنك كل امنياتي بدروبك زرعت الجيتك عيون محراب الوجع رتّل صلاتي إدفَنتني وآنه حي , اويه اليموتون وطفيت بغيبتك شمعة حياتي ! |
الحشد من طين ياطين ..... خــــاوه
خاوه فشك واسلاح وكت الضيج ... خــــــاوه أخذ بيجي وأخذ تكريـــت ..... خـــــاوه واخذ خـــــاوات اعله المنـــــيه !! م ن ق ول |
انا لله وانا إليه راجعون
ولا حول ولا قوة الا بالله العلي العظيم إذا مات العالم ثلم في الاسلام ثلمة لا يسدها شيء الى يوم القيامة |
شلون اعوفك يا وطن روحي بيك
كالو امشي ومارحت وياهم كالو عوف بيتك تعوضه بجديد كلت وهل للبيت وين الكاهم |
الشبكة: أحد مواقع المجموعة الشيعية للإعلام الساعة الآن: 09:58 AM. بحسب توقيت النجف الأشرف |
Powered by vBulletin 3.8.14 by DRC © 2000 - 2024